Нүүр
Гайхалтай
Кино
Концерт
фото
Яруу найраг
Намтар
Эсээ
Лекц
ҮЛГЭР
Цагаан хоолны жор
Их Багшийн сургаалиас
Бясалгал
ном
зөвлөгөө 
Дуу,ая,аяз
Мацаг барихуйн учир 
Нэг ч эрдэмтэн Марс дээр орших Лемуриан хэмээх улс, түүний оршин суугч лемурианчуудын тухай ийм дэлгэрэнгүй мэдэхгүй бөгөөд дунд сургуулийн сурах бичигт энэ тухай байхгүй. Тэгээд ч 7 – н настай хүүхдийн мэдэх зүйл энэ биш ба орчин цагийн шинжлэх ухаан харь гаригийн иргэншил байдаг эсэхийг хараахан тогтоож чадаагүй л байгаа.
Тэнд байсан хүмүүс эхэндээ “7 – н настай хүү энэ бүхнийг мэдэх ёсгүй гэдэг дээр санал нэгдэж байсан ч шинжлэх ухааны нарийн нэр томъёог тун сайн мэдэж байгаа нь түүний ярианд үнэмшихээс өөр аргагүй сэтгэгдэл төрүүлж байна” гэцгээв. Магадгүй урьд насандаа энэ бүгдийг мэддэг байсан байж болох.
Албан ёсны бичиг баримт дээр нь Волшскийн хотод төрсөн гэж тэмдэглэсэн байгаа ч үнэндээ бол Бориска хүү Волгоград мужийн Жирновск хотод 1996 оны 1 сарын 11 нд / түүний төрсөн он, сар одон орончдод ямар нэгэн зүйл хэлж болох юм / төржээ. Эцэг эх нь энгийн, нүдэнд дулаахан хүмүүс. Ээж Надежда нь арьс өнгөний эмч, 1991 онд Волгоградын анагаахын сургууль дүүргээд хотын эмнэлэгт ажилласан. Аав нь чөлөөнд гарсан офицер.
Дэндүү ухаалаг, нууцлаг хүүд үнэхээр ч жаахан хачирхалтай зүйлс болж байж. Төрөөд ердөө 15 хоноод л толгойгоо даадаг болсон Борис хүү 4 сартай байхдаа “аав” гэж анхныхаа үгийг хэлсэн төдийгүй нэг их удалгүй ярьж сурчээ. Ой ухаан нь биеийн хөгжлөөсөө илт түргэсч байгааг анзаарсан ээж нь 1 настай хүүдээ Никитиний системээр үсэг зааж эхэлсэн бөгөөд 5 сарын дараа Борис сонин уншдаг болсон агаад 2 настайгаасаа зурж эхэлсэн байна. 2 ойтойдоо цэцэрлэгт орсон хүүгийн ой ухаан, өвөрмөц заримдаа хачин гэмээр сэтгэлгээний чадвар багш нарыг мэл гайхуулжээ. Ер бусын ой тогтоолттой хүү юм сурахдаа итгэж болмооргүй авъяаслагаас гадна зөвхөн өөрт нь байдаг онцгой чадвараар хаа нэгтэйгээс мэдээлэл авч байх шиг эх эцэгт нь санагдах болж.
Тэр өөрт нь хэн ч зааж өгөөгүй байхад лянхуа суултаар суугаад Марсын нарны систем, өмнөх иргэншлийн тухай байж боломгүй яриаг тэрээр 2 настайдаа л гэрийнхэндээ ярьж, сансар огторгуй, өөр гаригийн өндөр барилга, ер бусын өнгөтэй тэнгэрийн тухай яриа тэдний гэрт энгийн зүйл болон хувирчээ. Түүдгийн дэргэд ам алдах хүртэл энэ тухай хүмүүс мэддэггүй байлаа. Тэрбээр урьдын амьдралынхаа тухай, 800.000 жилийн өмнө сүйрсэн Лемурианы үед амьдарч байхдаа худалдаа болон өөр олон зорилгоор дэлхийрүү үргэлж нисдэг тухай, аймшигт сүйрэл болсны улмаас Марсын агаар мандал сүйрч, хүмүүс нь газар доорх байгууламжид амьдрах шаардлагатай болсон хийгээд эхний сүйрэл нь газар дээр болж, аймшигт усан галавт Марсын хуурай газар автсан гэдгийг ч эцэг эхдээ хүүрнэжээ.
Найз нөхөд нь түүний нүдэн дээр том байгууламжийн чулуун хавтанд даруулж амь үрэгдсэнд өөрийгөө буруутай гэдгээ Боря хүү яриад, энэ насандаа тэдэнтэйгээ уулзах ерөөлтөй гэсэн байна.
Төвд судлаач Эрнст Мулдашевийн “бид хаанаас ирсэн бэ ?” ном хүүгийн сонирхолыг асар их татсан бөгөөд хэдэн цагийн турш анхааралтай уншсан хүү Төвдийн зургаас санаа авч Лемуриан улсын хар зургийг гаргаж, тэдний оюуны өндөр чадавхийн тухай ярьжээ. Э. Мулдашевийн “Бурхдын хотоор хийсэн аялал” нэртэй пирамид, эртний чулуун байгууламжийн тухай номыг уншсаныхаа дараа
Боря : “хүмүүс эртний нэгэн пирамидын доороос чухал зүйл олно /гэхдээ алдарт Хеопсийн пирамид биш /. Харин цаг нь хараахан болоогүй ба чулуун Сфинкс онгойсны дараа амьдрал орвонгоороо өөрчлөгдөнө.
Сфинксийн чихний ард түүнийг онгойлгох нууц механизм байгаа боловч хаана нь байсныг би мартсан байна ” гэжээ.
Үүнээс гадна хүн төрлхтөн Маяа нарын агуу их иргэншлийн тухай тун бага зүйл мэдэж байгаа гэнэ. Тэрээр цааш нь дэлхий дээр удахгүй ирээдүйг аврах хүн төрөх бөгөөд тэр хүний удирдлага дор Борятай адил суут ухаантай хөвгүүд, охид ажиллах аж. Учир нь 2009 онд дэлхий дээр эхний том сүйрэл болох ба 2013 онд түүнээс аймшигтай юм болж дэлхийн туйл солигдох гэнэ.
Орос улсын хөөргөсөн сансарын станцууд яагаад Марсад хүрэхээсээ өмнө сүйрсэнийг Боря : “тэднийг устгах тусгай сигналыг Марсаас илгээсэн юм. Учир нь тэдгээр станц маш хортой цацраг идэвхит бодис агуулж байсан” гэлээ. Энэ үг хүмүүсийг гайхшруулсан юм. 1988 онд ЗХУ анхны гариг хоорондын “Фобос – 1”, “Фобос – 2” станцуудыг Марсруу илгээх үед өдгөө Борягийн сууж байгаа Волшский хотын иргэн телепатч Юрий Лушниченко : “станцууд дэлбэрэх болно. Яагаад гэдгийг нь мэдэхгүй ч цацраг идэвхит бодистой холбоотой ямар нэг зүйл болох нь” хэмээн тухайн үеийн ЗХУ – ын удирдлагуудад сануулж байсан ч түүний үгийг ойшоогоогүй билээ.
Тэрээр нисдэг тавагны бүтцийн тухай надад зурж үзүүлээд “бид дэлхий дээр ямар ч аюулгүй бууж, бас хөөрдөг. Учир нь нисдэг тавагны гадарга хэд хэдэн давхрагаас бүрддэг. Нийт давхрагын 25% - ийг эзлэх гаднах давхрагыг маш бөх бат төмрөөр хийнэ. 30% - ийг эзлэх хоёр дахь давхрагыг резинтэй төстэй зүйлээр, 30% ийг эзлэх гурав дахь давхрагыг дахиад төмрөөр, 4% - ийг эзлэх сүүлчийн давхрагыг тусгай соронзонгоор хийнэ. Энэ соронзон давхрагыг эрчим хүчээр цэнэглээд огторгуйн уудмаар чөлөөтөй зорчино.” гэсэн юм даа..
/”Өнөөдөр” сонин , 2004 оны 9 сарын 30. № 288 (2272) пүрэв/
Бэлтгэсэн : О. Отгонхүү
“Правда” сонинд Геннадий Белимовын бичсэнийг хөрвүүлэв.
http://light-fast.blogspot.com/2009/09/blog-post_21.html#more blog oos oruulav