1992 оны хоёрдугаар сарын 23
Пенан, Малайз
Энэ амаргүй ээ. Илүүдэл жимсийг далайд хаядаг. Ингэх ямар шаардлагатай юм бэ? Үүний оронд органик ургамал бүхий байгалийн бордоо хийгээд ургац ахиухан хурааж болно. Ямартаа ч, энэ мэт олон зүйл огт зохион байгуулалтгүй: Улс гүрэн бүр хувийн ашигаа бодоод, би бүх улс гэж хэлээгүй юм шүү, гэхдээ ихэнх нь тийм байдаг. Нууц гээд байгаа юмаа бусдыг хардаж сэрдэн хамгаалдаг ч тэрийг нь дэлхий даяараа мэдэж л байдаг, ялангуяа Будда нар. Гэсэн ч үүнийгээ нууц гэж бодоод сүртэй хамгаална. Тэгсэн хэрнээ нэг нэгэндээ тэгж тусалдаггүй. Туслаж байгаа нэгнээ бусад нь ашиглана, тохуурхана, хожим өөрсдөө өгөхгүйн тулд дарамтлахыг хичээж маш их түвэг учруулна, тэгээд нөгөөх нь туслахаа ч болино.
Дэлхий маань баялаг ихтэй. Бид бөмбөрцгөө бүхэлд нь тэжээгээд зогсохгүй ургамал ногоо тарих газар нь эрдэс бодис, үржил шимгүй болсон, мөн агаар мандал нь “Оддын дайн”-д хордсон /Багш инээв/ гэх мэт асуудлуудтай зэргэлдээх гучин гурван гаригт бараа таваар нийлүүлж чадна. Тэдэнд шинэ жимс ногоо өгч оронд нь нисдэг тавгыг нь авч болно. Тиймээ. Бид солилцож болно шүү дээ.Тэдний сайн тоног төхөөрөмж, машин техникийг нь авч оронд нь дүфү (инээв), улаан шош, будаа, гэх мэтийг, тэр бүү хэл үзэж сонирхоход нь зориулж муур, нохой, шувууг хүртэл нийлүүлж болно. Зарим гариг дээр тийм их юм байдаггүй. Агаар мандал нь сүйтгэгдсэн болохоор, хүмүүсээ арай л гэж байлгадаг. Агаар мандал, хүчил төрөгч ер нь бүх юмаа дахин боловсруулж хэрэглэдэг болохоор, хүн амынхаа тоог хязгаарладаг. Тиймээс гэрийн тэжээмэл амьтдын талаар ярих ч хэрэггүй. Ямартаа ч бид агаар мандлаа нийлүүлж болох нь. Хүн болгонд нь дэлхийн хүмүүсээс хайр энэрэл шингэсэн нэг уут хүчил төрөгч аваачиж өгөөд л. Тиймээ! Бид тэгж чадна.
Хэрвээ дэлхийн удирдлагууд амин хувиа хичээх нь ямар их хор уршигтай хийгээд нэг нэгэндээ ингэж хандах нь хичнээн ухвар мөчид болохыг, басхүү энэ мэт байдал удаан үргэлжилбэл өөрсдөд нь, цаашилбал дараагийн үе удам, үр хүүхдэд нь хичнээн хор хөнөөлтэй байхыг ухаараад, бие биеэсээ суралцан, харилцан ашигтай ажиллаж болох, холбоо харилцаа тогтоогууштай өөр гариг эрхэс, соёл иргэншлүүд байдаг гэдгииг мэдвэл маргаж мэтгэлцэн, дайн дажин дэгдээхээ болино. Харин үүнийхээ оронд тэд энх тайвныг тогтоох арга замуудыг шаргуу хайж, хамаг л хөрөнгө, хүчээ зориулах хэрэгтэй..
1-р хэсэг