РУМИ
Бүхий л шөнийн турш БУРХАН биднийг дуудаж байна
Ганцхан шөнө битгий унт,сайхан анд минь
Тэгвэл мөнх ертөнцийн нууц өмнө чинь нээгдэнэ
Үзэгдэх наран шөнийн турш чамайг ээн
Тайлагдашгүй гайхамшигийн рашаан нүдийг чинь нээнэ
Энэ л үдэш би чамаас гуйя
Анд минь битгий унт өөртэйгөө тэмц
Тэгвэл асар их цэнгэл хайрлах агуу тансгийг олж үзнэ
Гоо ертөнц шөнөөр л нөмрөгөө авдаг юм
Намуунаар тэдний дуудахыг
Нойрмоглон унтах нэгэн хэзээ ч сонсохгүй
Өдрийн цаг өл залгуулахын төлөө
Харин атаач хүмүүсийн нүднээс далд
Шөнө бол хайрын цаг
Хорвоогийн бусад амьтан унтаж байх хамаагүй
Харин жинхэнэ хайр сэтгэлтнүүд
Хамаг шөнийн турш дотооддоо
Бурхантай ярьж өнгөрүүлдэг
Буцах цаг болж бие сүнс чинь орхих цагт
Харамсалдаа шатаж үхэхгүйн тулд
Босохтун,энэ цагийг сайтар ашигла гэж
Бурхан биднийг шөнийн турш дуудаж байна.