...........БЯСАЛГАЛ..........

Би бол би биш (цуврал 4)

2012-01-24T06:08:00.000-08:00

Тавилангаа үүрээд
Танихгүй маргааш руу явах
Сэтгэлээс өөр өмчгүй
Хайраас өөр авчих юмгүй

Энэ хорвоод юундаа ч гомдох билээ.....

Бид дотоодын жинхэнэ *би*-гээ мэдэж ойлгохын тулд бурхан ,шашин болон бидний оршин буй ертөнцийн тухай ярихаас өөр аргаггүй юм.
--Эхлээд бурханы тухай ярилцая.Ариун Библи судар дээр *Та бол бурханы ариун сүм.Таны дотор эзэн бурхан бий* гэжээ Мөн уг судар дээр * Бурхан хүнийг бүтээхдээ өөрийнхөө дүрээр бүтээсэн* гэжээ.Далай багш *Бурхан зүрхэнд байдаг* гэж хэлсэнийг өмнөх эрэгцүүлэлдээ өгүүлсэн билээ.
Бид бурханы дүрээр бүтээгдсэн юм бол бурхан хүн шиг байна гэсэн үг үү ?
Бурханыг алтны уурхай гэж үзвэл бидний дотоодын би болох тэр чанар маань алтны үртэс юм.Мэдээж алтны үртэс ч гэсэн алтны бүхий л шинж чанарыг агуулсан алт л гэсэн үг л дээ.Дотоодын жинхэнэ *би* маань бурхантай адил юм.Тийм ч учраас бид бурханы дүрээр бүтээгдсэн,бурхан зүрхэнд байдаг тухай гэгээрсэн их мэргэд болон судар номонд дурдсаар иржээ.
Будда ,Исүс,,Мүхамэд нар нь бид нарын үл мэдэх бурханы элч төлөөлөгчид юм.Бурхан бидэнд хүн бүрт өөрийн мөн чанарыг өгсөн тул түүнийгээ ойлгож ухаарч хөгжүүлэхийн тулд дээрхи элч нарыг янз бүрийн цаг хугацаанд илгээжээ.Жинхэнэ бурханыг ойлгохын тулд бид эхлээд эдгээр элч хувилгаадын сургааль номыг мөн чанараар нь ойлгож ухаарах хэрэгтэй болж байна.Одоогийн энэ сэтгэхүйгээр бурханыг ойлгох аргагүй юм.Жишээ нь 3 настай хүүхдэд таталцалын онолын тухай яривал инээдтэй бөгөөд тэнэг хэрэг болно биз. Эхлээд тэр хүүхэд орчин тойрноо таних тэгээд 35 үсэг сурах,цаашлаад шинжлэх ухааны анхан шатны ойлголттой болох зэрэг наад захын мэдлэг хэрэгтэй болж байна.Үүнд хүрэх зам түүнийг ойлгох дотоод ертөнцийг (өөрт байгаа дотоод сэтгэлээ захирч өөрөөсөө гэгээрэх,өөрийгөө олох) бурхан хүн бүрт өгчээ.
--Шашины тухай бид туйлширалгүй логик үнэн зөв ойлголт мэдлэгтэй болох хэрэгтэй байгаа юм.
Будда ирээд явсаны дараа буддын шашин үүссэн. Исүс ирээд явсаны дараа Исүсийн шашин үүсчээ.Будда Исүсээс өмнө олон олон гэгээрсэн мэргэд ирж байсан бөгөөд мөн адил олон шашин үүсч оршин тогтнож байжээ.Хойшид ч мөн адил гэгээрсэн мэргэд бууж ирэх бөгөөд шинээр шашин үүсч бий болж болох юм.Ер нь хүн төрөлхтөний түүхийг бүхэлд нь авч үзвэл аливаа шашин 1000-5000 жилийн настай байдаг бөгөөд дараагийн гэгээрсэн элч ирэхэд шинээр шашин үүсдэг гэж ойлгож болохоор байна.
Бууж ирсэн гэгээрсэн мэргэд нэг л үнэнийг хэлдэг боловч цаг хугацааны явцад хүмүүсийн алдаа, мунхагын уршигаар уг үнэн зөв сургааль маань номлол, догма болж улмаар олон тооны урсгал чиглэл болж гажуудддаг байна.Исүс орон гаран хүн байж байгаад битүү хатуу утгатай олон зүйл ярьсан юм биш л дээ.Гэтэл өнөөдөр Исүсийн нэрээр хичнээн олон шашин түүнээсээ ч олон урсгал чиглэл үүссэн байгаа нь нүднээ ил байна.Үүнээсээ болж дайн байлдаан гарч байсан нь хүн төрөлхтөний түүхэнд олон бий.Буддын шашин ч мөн л ялгаагүй .Улаан шарын гээд л олон тооны урсгал чиглэл үүсчээ.Тиймдээ ч шашин бол ард түмнийг мунхруулагч хар тамхи гэж хэлэгдэтлээ ёс зүй гажуудаж иржээ.
--Хорвоо ертөнц дээр л бид л ганцхан оюун ухаантай юу?Өөр амьдрал ертөнц бий юу? Энэ асуулт мөн л чухал асуулт юм.Исүс хэлэхдээ миний эцгийн гэрт олон харш бий гэжээ.Энэ нь олон байшин харшын тухай мэдээж хэлээгүй хэрэг.Бурханы ертөнц дотор материаллаг болон материаллаг бус оюунлаг олон түвшний ертөнц байдаг тухай хэлсэн хэрэг юм.Буддын сургааль ном дотор ч энэ тухай олон дурджээ.Эдгээр ертөнцийн тухай хүний хэлээр хүний оюун ухаанаар хэлж,дүрслэх үнэхээр боломжгүй бөгөөд хэтийдсэн асуудал юм.
--Тэгвэл гэгээрсэн мэргэд юу хэлж сургаж заасан бэ?Будда ,Исүс бусад гэгээрсэн мэргэд зөв аж төрөх тухай болон олон сургааль ном айлдаж хэлсэн боловч хамгийн гол сургааль нь сүнсээ чөлөөлөх,эх үүсвэртэй буцах тухай юм.Будда энэ ертөнц бол зовлонт ертөнц юм гэжээ.Үхдэг, өвддөг, хагацал ,зовлон ирдэг. Бие болон сэтгэлийн олон зовлон хүлээс дотор амьдардаг энэ ертөнцөөс ангижрах өөр илүү сайхан ертөнц өөр оршихуйд шилжих тухай сургааль номоо айлджээ.
Исүс ч мөн адил эндээ сайхан амьдраад байгаад байх тухай биш сүнсний чөлөөлөлт, мөнхийн улсад очих тухай зааж сургажээ.
Бидний бие цогцос бол түр зуурын чанартай бөгөөд жинхэнэ *би* биш юм.Тэгэхээр олон олон гэгээрсэн мэргэдийн гол сургааль бол өөрийн жинхэнэ би болох сүнсээ чөлөөлж илүү сайхан оршихуйд нэгдэж цаг хугацаанаас ангид оршиж зовлонгүй асуудалгүй оршихуйд очих тухай сургааль юм.
Дээдийн ном сургаальгүйгээр амьдарвал хэний ч амьдрал өчүүхэн ч үнэ цэн үгүй билээ.
Үргэлжилэл бий.....

http://buleen.blogspot.com/

Vegan World

2012-01-23T19:35:00.000-08:00

Хүн төрөлхтөн, ирээдүй ургамлан хоолыг

сонгож байна, харин та?

Эрүүл, Энэрэнгүй Оршиж,

Энгүй олон амьтдын зовлон шаналлыг зогсоож,

Эх Дэлхийнхээ орших эс оршихыг шийдэхийн тулд

Та бүхэн минь 2012 ондоо уужуу сэтгэлээр Ургамлан Хоолтон /Веган/ бологтун!

Ингэлээ гээд та үхэхгүй, харин ч улам эрүүл чийрэг, аз жаргалтай болно гэдгийг бид амлаж байна :)

Сайн үйлс дэлгэрэх болтугай.

Бор шувуу унахыг хүртэл Бурхан анхаарна

2012-01-23T19:15:00.001-08:00

Энэ эм бор шувуу замын ойролцоо нисэж байхдаа машинд дайруулж амь насаа алдсан түүх юм.

Дараагаар нь түүний эр хос хайр энэрлээ үзүүлэн эм бор шувуундаа хоол авчирч өгчээ.

Түүнийгээ хөдөлгөж үзсэн боловч юу ч болсонгүй.

Өөрийн хайртай хос нь бүр мөсөн хорвоог орхиж, дахин хэзээ ч ирэхгүйг мэдээд,

Тэрээр өрөвдөлтэйгөөр гуаглалаа...

... түүний хажууд уйтгар гунигаар дүүрэн зогсоно.

Энэтхэг, Европ, Австрали, Америкт сая сая хүн энэ зургийг хараад сэтгэл нь маш их хөдөлжээ. Зурагчин эдгээр зургуудаа Францад зарсан ба бүх хуулбар зургууд зарагдаж дууссан юм.

Олон хүмүүс, амьтад болон шувууг сэтгэл зүрх,оюун ухамсаргүй гэж үздэг билээ. Та сая бурханы нэг бүтээл болсон энэ жаахан амьтдын хайр сэтгэл, уйтгар гунигийн нэг гэрч нь боллоо.

Бурханы номонд: "Бурхан бор шувуу унахыг хүртэл анхаардаг" гэсэн ишлэл бий. Тэгвэл хүн төрөлхтөн биднийгээ хичнээн их анхаарч халамжилдаг болохыг Бурхан өөрөө л мэдэх байх.

Эгэл энгийн амьдарч, харамгүй хайрыг тарааж, гүн ухамсартайгаар бусдыг анхааран халамжилж, сайн сайхныг түгээж явья.

( vegan.mn ) ээс оруулав

Би бол би биш (цуврал 3)

2012-01-18T04:00:00.000-08:00

Өөрийгөө үүрээд
Үзэгдэл дунд алхах минь
Амьсгалах минь
Өөр хаанаас оломгүй гайхширал...
Дээрхи шүлгийнхээ мөрүүдээр эрэгцүүлэлээ эхэлэе.Энэ сэдэв маань энгийн мэт боловч бас тийм амар биш хүнд сэдэв юм.Хэдийгээр амар биш боловч энгийнээр,ойлгомжтойгоор гол санаагаа гаргаж илэрхийлэхийг хичээж байгаагаа хэлэх нь зүйтэй байх.
Бидний өдөр тутам хэрэглэдэг машин түлш, агаар, ус, тос гэх мэтийг хэрэглэн ажилладаг бол бидний бие ялгаагүй материаллаг бие (робот) тул агаар, ус,.хоол хэрэглэхээс гадна бас энергээр тэжээгдэн амьдарч байдаг.Ер нь энэ ертөнцийн бүхий л зүйлс,биетүүд энергээс бүтсэн бөгөөд түүгээр тэтгэдэж байдаг.
Физикийн гол хуулиудын нэг энергийн тухай хуулийг бид дунд сургуульд заалгаж үзэж байсан.Үүнд
-Энерги устаж үгүй болдоггүй (мөнх гэсэн үг)
-Энерги шинээр үүсэж бий болдоггүй
-Энерги нэг биеэс нөгөө биед шилжиж байдаг
Ямарч сайн машин,техник элдэгдэж эвдэрдэгийн адил бидний бие мөн л ялгаагүй.Гэвч бидний биед орших бидний жинхэнэ би гэгдэх тэр энерги дотоод чанар маань устаж үгүй болдоггүй. Харин энергийн хуулийн дагуу нэг биеэс нөгөө биед шилжиж байдаг.Энэ тухай эртний судар номуудад тун тодорхой бичиж үлдээсэн бөгөөд буддын гүн ухаанд үүнийг төрөл арилжих,төрөл авах гэх мэтээр бичсэн байдаг.
Өнөөдөр шинжлэх ухаан хөгжиж,танин мэдэхүйн цоо шинэ гэж болох бидний ойлголт мэдлэгээс хальсан зүйлд хүрч байна.Онолын физик болон бусад шинжлэх ухааны салбарын эрдэмтэд олон хэмжээст ертөнц байж болох тухай ярьж байна.Нэг хэмжээст ертөнтцөд бид цэг төдий байх,хоёр хэмжээст ертөнцөд бид үргэлжилсэн зураас төдий.Харин гурван хэмжээст ертөнцөд бид одоогийн бие хэлбэр хэмжээст амьдарч байна.Харин дөрөв,тав болон 16 цаашлаад 32 хэмжээст ертөнцийн тухай бид юу мэдэх бэ?. Физикийн ямарч хууль тэнд үйлчилэхгүй тухай эрдэмтэд таамаглал дэвшүүлж байна.
Энэ бүхэн маань буддын хоосон чанарын гүн ухаанд тулж байгаа хэрэг юм. Цаг хугацааны тухай ч бас товчхон өгүүлье.Цаг хугацаа бол нэг төрлийн энерги бөгөөд хоосон чанартай.Нэрт эрдэмтэн Эйнштейн харьцангуйн онолд цаг хугацааг резин мэт сунаж агшдаг болохыг баталсан.Ирээдүйд эрдэмтэд цаг хугацааны энергийг судлан таньж мэдээд цаг хугацаагаар аялдаг төхөөрөмж машин хийх боломжтой юм.
Энэ бол ямар нэгэн ид шид биш бөгөөд танин мэдэхүй, зүй тогтол юм.
За одоо гол асуудал руугаа эргэн ороё.Тун энгийнээр өгүүлэхэд бидний жинхэнэ *би* болох тэр зүйлийг сүнс гэж нэрлэсээр ирсэн бөгөөд сүнс маань цаг хугацаанаас үл хамаарах мөнх орших буюу элэгдэхгүй эвдрэхгүй,устахгүй.Мөн шинээр үүсэн бий болохгүй,харин нэгээс нөгөөд шилжиж байдаг байна.
Одоогоор бид тэр дотоод агуу чанарынхаа тухай бүрэн сайн ойлголтгүй байгаа учраас үүнийг танин мэдэх хэнд хэрэгтэй юм бэ?ямар ашигтай юм бэ?Үүнийг мэдээд яах юм бэ?гэх асуудал ар араасаа гарч ирэх нь ойлгомжтой юм.Энэ асуулт, бодол, үзэл, санаа маань бидний дотоодын жинхэнэ *би*-ийн билэг чанадаас гарч байгаа биш юм. Харин та бидний бие цогцосыг удирдах тэр тархи (компьютер) -ээс гарч байгаа гэдгийг яг л энэ мөчид эрэгцүүлэн бодож үзээсэй гэж хүсэж байна.
Бид одоогийн нийгэм,хууль,ёс суртхуун,зан заншил,шашин,урлаг,түүх,уламжилал гэх мэт нийтээр ойлгогдох хэвшмэл ойлголтонд баригдаж үүн дотроо зовож,жаргаж,гуниж гутарч,байлдаж, тэмцэж, ялагдаж,ялж,эд хөрөнгө,эрх тушаал,гоо сайханд шунан тэмүүлсээр амьдарч байна.Ийм учир шалгаанаар бид гэж хэн бэ?Би гэж хэн бэ? гэдэг маш чухал асуудлыг өөртөө төдийлөн тавихгүй, анхаарахгүй явсаар ирсэн байна.
Сүнс,дахин төрөлт,бурхан ,чөтгөр гэх мэт бүхий л хүнд асуудлийг эрт дээр үес эдүгээ хүртэл шашинд оноож, үүрүүлсээр иржээ.
Саяхан монгол эх оронд маань айлчилаад буцсан Далай ламын хэлсэн үгээр эрэгцүүлэлээ төгсгөе.Дээрхийн гэгээн ХIY Далай лам хэлэхдээ *Бурхан зүрхэнд байдаг* гэжээ.
(үргэлжилэл бий) Бүлээн

http://buleen.blogspot.com/

Secret | НУУЦ (Монгол хэлээр)

2012-01-14T02:01:00.001-08:00

Сайн үйлс дэлгэрэх болтугай.

SOS Striking Information

2012-01-14T01:56:00.000-08:00

Сайн үйлс дэлгэрэх болтугай.

Би бол би биш (цуврал 2)

2012-01-10T01:52:00.000-08:00

Бид гэж хэн бэ? би гэж хэн бэ? гэдэг асуулт байнга л байсаар ирсэн шигээ их сонирхолтой чухал асуудал байгаа юм.
Бид өөрсдийгөө мэдэхгүй бол ерөөсөө юу ч мэдэхгүй гэсэн үг л дээ. За одоо асуудал руугаа эргэн ороё.Өмнөх эрэгцүүлэлдээ бидний бие туйлын нарийн ажиллагаатай цогц бие буюу робот гэж өгүүлсэн.Энэ роботод удирдлагийн төв аппарат буюу бидний нэрлэдэгээр тархи байдаг.Нүд, чих,хэл, арьс, хамар гээд мэдэрхүйн эрхтэнүүдээс авсан мэдээлэлийг энд боловсруулж зохих чиглэл удирдамж өгч байдаг гол эрхтэн юм.Бидний бодол санаа оюун ухаан нь тархинд байх мэдээлэлийн сангийн мэдээлэлд тулгуурлан туршлага,мэдлэг болон боловсруулагдаж агуулагдаж, хэрэглэгдэж байдаг нь та бид бүгдийн мэдэх энгийн ойлголт мэдлэг юм.
Хүний тархинаас гарч буй бодол санаа бол хийсвэр зүйл биш юм.Энэ бол таталцалын хүч шиг соронзон хүч шиг цахилгаан энергийн хүч шиг бодит хүч материаллаг хүч гэж ойлгож болно.Манай өмнөх иргэншилийн хүмүүс болох Лемурчүүд хөгжилийн өндөр түвшинд хүрсэн бөгөөд бодлын хүчийг ашиглаж байсан гэдэг мэдээлэл байдаг.Бидний сайн мэдэх очир хэмээх зүйл нь лемурчүүдийн ашиглаж байсан бодлын хүчээр ажилладаг ажлын багаж юм.Хоёр тал нь хурц ирмэгтэй бөгөөд хүчтэй эргэлдэн хад чулууг цоолох уул хад нураах зам гаргах зэрэг ажилд хэрэглэгдэж байжээ.Энэ нь бидний цахилгаанаар ажилладаг багажтай л адил бодлын хүчээр ажилладаг жирийн л багаж.Тиймээс очиртой бөгж зүүх нь сайн гэдэг нь домог төдий зүйл л дээ.
Тэгэхээр бидний тархи бол энерги үйлдвэрлэн гаргадаг төдийгүй тэр энерги нь бодит хүч юм.Бодол,оюун ухаан ,сэтгэл,зүрх гэж нэрлэгдэх эдгээр ойлголтын тухай тун товчхон задалж бичие.
-Оюун ухаан.Ерөнхийдөө товчоор авч үзвэл тархинд хадгалагдан буй мэдээлийг нэгтгэн дүгнэж, мөн ирж буй мэдээллийг задалж,ангилж,аливаа зүйлд бодит дүгнэлт хийх чадвар гэж болох юм.
-Бодол санаа. Энэ нь мөч бүр гарч байдаг.Мөч бүрийн бодол,санаа далайн давалгаа шиг ар араасаа гарч ирж байдаг.Миний ойлгож байгаагаар энэ мөч бүрийн бодол маань сэтгэл гээчийг байнга цэнэглэж байдаг.
-Сэтгэл энэ харьцангуй тогтвортой ч гадна дотны үйлчилэлээр өөрчилөгдөж байдаг.Бидний сэтгэл хөөрдөг,баярладаг, унадаг,хөрдөг, тайвширдаг гээд л нэг л биднээс саланга тусдаа хүн мэт ойлгогдохоор
- Зүрх гэж нэрлэгдэх дотоод мэдрэмж ойлголт байна.Энэ нь бидний гол эрхтэн зүрхийг хэлж буй хэрэг биш юм.Энэ нь бидний дотоодод орших жинхэнэ бидний би гэж нэрлэгдэх тэр дотоод чанараас тэтгэгдэж байдаг хувирал өөрчилтөнд барагтайд ороод байдаггүй гол чухал мэдрэмж чанар юм.(энэ дараагийн дугаартаа илүү дэлгэрэнгүй өгүүлэе).
Мэдээж ирээдүйд хүн төрөлхтөн бодол санааны хүчийг танин мэдэж ашиглаж эхлэх ойлгомжтой.Гэхдээ туйлын болгоомжтой сайн зүйлд ашиглахгүй бол энэ бодит хүч маань бидэнд буу зэвсэг мэт үйлчилэхгүй гэсэн баталгаа үгүй юм.
Яагаад би хүний бүхий л эрхтэнүүд дотроос тархины тухай илүү ярьсан нь учир шалтгаантай билээ.Хүний тархийг нэг талаар компьютер гэж болох юм.
Дэлхий хэмээх цэнхэр гариг дээр бие цогцос,тархи,мэдрэмжтэй тун олон зүйлийн адсуусан амьтад байна.Жишээ үхрийг авч үзье.Бидний биеийн бүтэц бараг ижил боловч удирдах төв аппарат буюу тархины чадвар ялгаатай.Үхрийн удирдах тархийг компьютер гэж жишээлж үзвэл Pentium 2 гэхүүдээ хүчин чадал муутай.Гэтэл хүний тархийг Pentium 8 гэж болох юм.Үхрийн тархи гэж жишээлж буй Pentium 2т байхгй олон үзүүлэлт бүхий хурд чадвартай тархи ( компьютер ) бидэнд байгаа гэсэн үг юм.
Тиймээс бид илүү оюунлаг,чадварлаг,бүтээмжтэй, илүү дуу,өнгө дүрсний мэдрэмжтэй.Адгуусан амьтанд байхгүй олон чанар, чадвар хүнд байдаг.Гоо сайхны,нэр төрийн,тахин шүтэх,ёс заншил ,уламжлал түүх гэх ойлголтуудаас гадна,сэтгэн бодох,зохион бүтээх урьдчилан төсөөлөх гэх мэт олон чадвар байдаг.
Адгуусны ч бай хүний ч бай энэ тархи (компьютер) уг биедээ зориулагдсан учраас уг биеийнхээ төлөө ажиллаж байдаг.Хоол идэх боллоо,унтаж амар,сайхан дуу сонс,уйдаад байна найз нөхөдтэйгээ уулз,нэг сайхан шоудий ч гэх юмуу дулаан тохилог байртай байх нэр алдартай байх,гоо сайхан байх зэрэг асуудлуудыг гаргаж ирж байдаг.
Эдгээр асуудлыг тавьж байдаг хүний тархи маань сэтгэн бодох чадвартай учраас би гэж хэн бид гэж бэ гэсэн язгуур үндсэн асуудлыг ялгаагуй өөртөө тавих чадвартай юм. Яг л энэ учир шалгаанаар эрдэнэт хүний бие,эрхэм дээд хүний төрөл хэмээн эртний олон судар номуудад дурдсаар иржээ.Эрдэнэт хүний төрөл,эрхэм биеийг олж төрсөн та бид өөрийн мөн чанараа танихгүй хорвоог өнгөрүүлвэл биеийнхээ төлөө амьдарч төгсөх адгуусан амьтанаас юуны ялгаа байх билээ дээ.
Эрэгцүүлэлийнхээ төгсгөлд нэгэн зүйлийг хэлэхгүй өнгөрч боломгүй санагдалаа.Амьтадын зовлон хүний зовлон ижил билээ.Бид адилхан бие цогцостой.Амьдрахыг хүсдэг.Амьд үр төлөө төрүүлж халуун сүүгээрээ тэжээдэг.
Айж, хайрлаж,өвдөх,зовох мэдэрхүйтэй.Тиймээс амьд амьтан алж зовоож мах цусыг нь бүү идээсэй гэж хүсэж байна.Бидний одоо идэж буй хоолны төлөө амьд амьтан зовоож тарчилаагүй гэж бодож хооллох үнэхээр сайхан,энэрэнгүй,хүнлэг ,зөв хоололт биш гэжүү?
Цагаан хоол гэдэг бол таны өөртөө барьж буй хамгийн том бэлэг юм. Be veg, Go green, save the planet!
(үргэлжилэл бий) Бүлээн

http://buleen.blogspot.com/

We Are The World 25 For Haiti - Official Video

2012-01-09T02:00:00.000-08:00

Сайн үйлс дэлгэрэх болтугай

Би бол би биш (цуврал 1)

2012-01-08T05:07:00.000-08:00

Эхлэл буюу ерөнхий тайлбар

Өөрийн ойлгож мэдсэн ,мэдэрсэнээ та бүхэнтэй хуваалцахаар шийдэн энэ цуврал эрэгцүүлэлийг бичиж байна.Хэн нэгэнтэй санаа бодлоо хуваалцах нь бидний амьдралд байдаг энгийн харилцаа юм.

Энэ удаагийн сэдэв бол бидний хамгийн сайн мэддэг юм шиг мөртлөө тийм ч сайн мэддэггүй бидний би нэрлэгдэх хувь бие хүн буюу *би* гэсэн ойлголтын тухай юм. Юуны өмнө харьцангуйгаар бидний би гэж ойлгогдох,нэрлэгдэх бие цогцын тухай ярилцая.

Бидний бие туйлын нарийн ажиллагаатай материаллаг цогц бие юм.Өнөөдөр хүмүүс янз бүрийн зориулалтай робот зохион бүтээж байна.Аар саар юм авч өгөх ч юмуу ширээ тойрох асуултанд хариулах гэх мэт.Эдгээр роботыг төмөр хуванцар бусад материаллаар хийдэг.Гэтэл бидний бие мах ,яс,гэх мэт материаллаг зүйлсээр бүтсэн.Мэдээж тодорхой жинтэй материаллаг бие юм.Бидний бие бол туйлын нарийн ажиллагтаай робот юм гэж хэлэх гээд байна л даа.Бид элдэв зориулалт бүхий машин,роботийг янз бүрийн хэлбэр загвар зориулалттай бүтээдэг.

Тэгвэл бидний бие нэгэнт материаллаг машин болохоор засаж янзалж бас хэлбэр дүрсээ өөрчилж болох нь тодорхой.

Одоогоор шинжлэх ухаан эхлэл төдий шатандаа явж байгаа ч асар их хурдацтай байна.Бид эрхтэн шилжүүлэх,гадаад болон дотоод эрхтэний мэс ажилбар хийж байгаа.Харин ирээдүйд бид эрхтэн ургуулж, гаднах төрх арьсаны өнгө, за тэгээд олон зүйлийн өөрчилөлт хийж хийж чаддаг болох нь ойлгомжтой.Машины ямар нэг эд анги эвдрэхэд бид худалдаж авдаг шиг ирээдүйд элэг, бөөр, зүрх гээд л бүхий л эрxтэнээ шинээр солих боломжтой болох төдийгүй өөрсдийн сонирхолоор гадаад байдалаа ч өөрчилж болох юм.

Саяхан японы эрдэмтэд хулганад шүд ургуулах туршилт хийсэн нь амжилттай болсон тухай уншиж байсан.Ирээдүйд духан дээрээ нэг эвэртэй болох ч юмуу,илжигнийх шиг урт хөдөлдөг чихтэй болоё гэсэн ч асуудалгүй гэсэн үг л дээ.Эсвэл 6 хуруутай болоод илүү нарийн аялгууг төгөлдөр хууран дээр ч тоглож болох юм.Учир нь бидний бие бол материаллаг бие буюу робот юм.

Тэгвэл бид гэж хэн юм бэ? Энэ тухай шууд нэг үгээр хэлэх нь ойлгомжгүй, боломжгүй учраас цуврал маягаар асуудлуудийг задалж бичиж байгаа юм.

Бидний бие маш нарийн ажиллагаатай бие цогц гэж эрэгцүүлийн эхэнд бичиж байсан.Хүний бие хийн урсгал болон 7 төв хүрд бас энергийн урсгалд зориулагдсан хүлээн авах, гаргах гээд үнэндээ бүрэн танин мэдэж чадаагүй байгаа цогц бие юм.

Бас бидний биед танин мэдэж ашиглаж чадаагүй байгаа олон чадвар боломжууд байдаг.Бидний биед алсаас утасгүйгээр харилцах,хүний бодлыг унших,нисэж хөөрөх,усан дээр явах,маш хүйтэнд хувцасгүйгээр дулаан ялгаруулах,амьсгалаа түгжин агаар авахгүйгээр байх,хоол ундгүй амьдрах,агаараар хооллох,биеээ алс зайд шилжүүлэх,тархи оюуны хүчээр биетийг өргөх, гээд хэлж барамгүй дотоод чадвар байдаг харьцангүй төгс робот юм.

Эдгээр чанаруудийг бид хэн нэгнээр заалгаж суралцаж болох юм.Энэтхэг дорнын орнуудад энэ талын эртний мэдлэг сурвалж хадгалагдаж,уламжлагдаг байдаг.(ёог зарим төрлийн бясалгал)

Эдгээр нь ямар нэг ид шид биш юм.Ер нь ид шид гэж байдаггүй бөгөөд харин зүй тогтол гэж байдаг.Эдгээрийг ямар нэг бурхан шашинтай холбоод эх адаггүй мухар сүсэг болж хувирч байгаа нь бид энэ талын тухай тодорхой ойлголт мэдлэггүйтэй холбоотой юм.

(үргэлжилэл бий) Бүлээн

http://buleen.blogspot.com/

Сэрж ухаараач гуйя!

2012-01-03T04:37:00.000-08:00

Төгс Гэгээрсэн Их Багш Чин Хай бичиж, шүлэглэн дуулав

Ээ хүмүүн төрөлхтөн ахан дүүс минь, анзаарч ухаараач
Шатсан ой, элэгдсэн толгод, хатсан горхиор дүүрэн
Гол мөрөн, уул нуруудаа хараач
Очих гэргүй хөөрхий сүнснүүд хаачих билээ?

Ээ дэлхий минь, зовлон шаналал тань бага ч атугай дундраасай
Шөнийн турш асгарсан ч нулимс минь татрахгүй нь
Ээ тэнгис далай нуур минь, уянга яруу дуугаа хараахан бүү зогсоогооч
Хүмүүн төрөлхтний маргаашийн төлөө итгэх итгэлийг үлдээгээч

Ээ хамаг төрөлхтнүүд минь, чанагш ертөнцөд түр амсхий
Хэдий та юу ч өчихгүйгээр эндээс салан одсон ч гэлээ,
Миний зүрхний цохилтонд төгсгөл тавигдахыг зөвшөөрөөч
Тэр зуур би бяцхан дэлхийн цаг нь болсон харууслыг хүлээж суунам.

Ээ өтгөн ой минь, өөрийн жинхэнэ төрхийг хадгалж үлдээч
Хүмүүн олныг төөрч будилж яваа мөчид нь хамгаалаач.
Үнэн зүрхний минь мянга мянган дусал нулимсыг тосон авч
Сүр жавхлант мод, навчис, үндэс юугаан услан тэтгээч

Ээ зүрх минь, цурхиран уйлахаа намжаадаа
Тэгвэл урт шөнүүдэд сүнс минь амсхийхсэн
Нулимс минь хатаж, үг минь шавхагдаж дуусчээ
Зовж зүдрэгчдийн төлөө өрөвдөх сэтгэлээр мэгшиж суунам!

Ээ шөнүүд минь, гэрэл юугаан ноцоож
Харанхуйд бүдчих хүмүүн сүнснүүдэд замыг нь гэрэлтүүлж өгөөч
Амирлангуй намуун байгаач, оюун санаа минь тайтгараг
Тэнгэрийн гайхамшигтай аялгууны хоосон чанарт уусан орог дээ хөөрхийс

Ээ өдрүүд минь, гэнэтийн үймээн самууныг бүү өдөө.
Зүрх бүрт энх амгаланг оршоохын төлөө
Хүн төрөлхтөний тэмцэл зөрчлийг намжаахын төлөө
Жинхэнэ мөн чанараа бахдалтайяа гэрэлтүүлэхийн төлөө

Ээ миний зүрх, яг л жихүүн өвөл тарчлагч
Шавьж хорхой шиг гашуудахыг одоо эцэслэе
Төгс маргаашийг, бас Дэлхий ертөнц жаргалын орон болох
Тэр өдрийг тайвнаар хүлээе.

Ээ, Би уйлж, өчиж, залбирч, гуйж байна!
Ээ, эцэс төгсгөлгүйн Бурхад минь,
Бодьсадва, сахиусан тэнгэрүүд минь
Эцэс төгсгөлгүй зовлонгийн тойрогт тэнэж байгаа

Үнэний замаас төөрсөн сүнснүүдийг хүргэж өгөөч
Ээ ах минь, даруй сэрж ухаараач!
Агуу тэнгис мөрний дээгүүр бардам алхаач
Дүрэлцэн бадрах нарыг эгцлэн хараач

Тэгээд бүхий л төрөлхтнийг аврахаа тангараглаач
Ээ эгч минь, хурдан сэхээрээч!
Сүйрсэн орон газраас өндийн босоод ир
Хамтдаа гариг дэлхийгээ сэргээн босгоё

Бид нэгдмэл гэдэг цэнгэлтэй дуугаа хамтаар дуулахын төлөө
Бид нэгдмэл гэдэг цэнгэлтэй дуугаа хамтаар дуулахын төлөө

http://bodisatva.blog.banjig.net/post.php?post_id=43431 blogoos oruulav

Стив Жобсийн намтар

2011-12-16T06:41:00.000-08:00

Хэрвээ миний юу бодож байгааг мэдэхийг хүсвэл манай бүтээгдэхүүнүүдийг сайн ажигла. Стив Жобс.
Хүүхэд залуучууд, өргөн олны хэрэглэх дуртай iPod, iPhone, iPad гэх зэрэг олон шилдэг бүтээгдэхүүн бүхий Apple компанийг үүсгэн байгуулагч Стив Жобс Бурханы шашинтан байсныг насан эцэслэсний нь дараахан мэдсэн Барууны ертөнц тэр даяараа гайхшран шуугилдацгааж байна. Баруунд нэгэнтээ хамгийн хурдацтай дэлгэрч байгаа шашин болчихоод байсан

Буддизм энэ сонирхолтой баримтыг хүмүүс мэдсэний сүүлээр бүр ч ихээр эрч хүчээ авах биз ээ. Үнэндээ Буддизм бол одоо ч цэл залуугаараа байгаа, маш орчин үеийн, хүүхэд залуусын ярьдагчлан үнэн тасарчихсан сургаал мөн. Сэтгэлт хоёрын харилцан бие биесээ хайрласан хайрын сэтгэлд өтлөх нас гэж байдаггүй атал хамаг амьтныг асран хайрлаж, энэрэн нигүүлсэх сэтгэл болон ертөнцийн чанад үнэнийг танин мэдсэн билиг ухаанд хуучрах зүйл юусан билээ дээ?

Ирээдүйн Apple-ийг үндэслэгч нэгэн цагт өөрийн амьдралдаа гутаж, оюун санааны эрэл хүсэлдээ хөтлөгдөн Энэтхэг оронд хүрэлцэн очоод Хиндү шашны үргэлж инээж явдаг нэгэн ариун хүнтэй учирсан, ширэлдсэн их үсэндээ мэс хүргүүлж авхуулсан, улмаар 1991 онд Лауренс Поуеллтэй Зэн шашны ёсоор гэр бүл бололцсон зэрэг нь эдүгээ баруунд бүх нийтээрээ сайн мэдэх намтар болоод байна.

Жобстой 20 жил нөхөрлөж, хуримын ёслолыг нь удирдан үйлдсэн Кобун Чино Отогава хэмээх шөрмөслөг бор, царайлаг япон хуварга яаж түүнд Apple-г үүсгэн байгуулах санаа бодлыг төрүүлсэн байх вэ гэдэг их олон хүний сонирхлыг татсан асуулт болжээ.
1970-аад онд оюун санааны эрэл хайгуул хийж байсан бага залуу Жобс Зэн бурхны шашинд суралцах болсон нь зөвхөн нэг өнгөцхөн татагдаж сонирхсон хэрэг төдий биш байв. Тэрбээр Зэн буддизмд түүний маш өвөрмөц, товч хураангуй боловч өөрийн гэсэн өнгө төрх бүхий гоо зүйд зохирон суралцаж байжээ. Тиймдээ ч маш тууштай бөгөөд хичээнгүй суралцагч болж Кармелийн орой өөд мушгиран тоосорсон өгсүүр замын төгсгөлд асарлах Америк дахь хамгийн анхны Зэн хийд болох Тассажарад хэдэн долоо хоногоор “хана ширтэн”, чухамдаа Зэн шавь нарын хэлдэгчлэн, өөрийн сэтгэлийг шинжин ажиглах бясалгалыг үйлдэн өнгөрүүлдэг байжээ. Телефон утасны систем болон түүний үндсэн байгууламжийн дизайны мэргэжилтэн хүн яагаад ийм зүйл хийхийг сонирхох болов оо? Сэтгэл оюунаар сэтгэлийг ажиглан шинжилж, эцэстээ сэтгэлийн үйл ажилгааны үндсэн хэв маягийг өөрчлөхийг танин мэдэхүйн сэтгэл зүйд (cognitive psychology) мета танин мэдэхүй (metacognition) хэмээн нэрийднэ. Өнө удаан дадуулан суралцсан хүн гүн бясалгалаар Буддизмын маш их яруу найргийн хэв шинж бүхий соёлын хучилгыг нэвтлэн гүнд нь орж чадваас тэндээс хүмүүний үйл ажиллагааны системийн нэгэн зүйл мета танин мэдэхүйн талд хөл тавих аж (ийм зүйрлэл Жобсийн оюун ухаанд нэгэн цагт төрж байсан байж болох юм).

Зэн ёсны бясалгалын суудлаар суух үйл нь Жобсийн хувьд сэтгэл дотроо "эх хавтан"-г хөгжүүлэх практик арга техникүүд болж өгчээ.

Мета танин мэдэхүйн энэ талын тухай Буддизмын сонгодог дүр дүрслэл бол бидний бодол санаа бол уудам хөх тэнгэрт нүүж өнгөрөх үүлс лүгээ адил хэмээх юм. Бүхэл амьдралынхаа туршид бид эдгээр үүлний үргэлжлэлийг ямар нэг тогтвортой бөгөөд он цагийн улиралтыг даахуйц “би” хэмээх мөн чанарыг үүтгэдэг хэмээн итгэн үнэмшиж ирсэн. Гэтэл Буддистууд энэхүү “би” гээч бол хувьсал өөрчлөлт, гарз хохирол, өтлөх, үхэх тэргүүтэн зайлбаргүй мэт л тохиох тэдгээр огтын шаардлагагүй зовлонгийн шалтгаан болсон хий хоосон зүйл гэж үздэг байна. Буддизмд суралцахын нэгэн зорилго нь бодол санаануудын – хөх тэнгэрийн зэрвэсхэн үзэгдлүүдийн – хоорондох зай завсаруудыг буюу тасалдлыг илрүүлэн мэдэхэд оршино. Тэгсэнээрээ бид дээр дурдсан хий хоосон зүйлд эзлэгдэхгүй төдийгүй үүлс хуран үүсэх хийгээд сарнин одох тэр сэрэл мэдэмсэрийн урсгалыг танин барьж сурах юм.

Жобсыг дотоод сэтгэлийн энэ үйлэнд ихээхэн татсан ном зохиолуудын нэг нь Чойжам Трунба Ринбучи хэмээх 1950-аад онд Хятадын булаан эзлэгч армиас дүрвэн хэсэг лам нарыг удирдан Гималай давж асан нэгэн төвд ламын “Оюун санааны материализмыг таслах нь” хэмээх зохиол байв. Тэр бол нийгэмд маш их маргаан мэтгэлцээний сэдэв болсон, маш сонирхолтой хүн байсан юм. Түүний анхны барууны шавь нарын нэг нь хожим поп од болж хувирсан Давид Бови байлаа. Трунба маш алдартай бөгөөд нөлөөтэй багш бөгөөд эзотерик онол сургаалыг өндөр түвшний боловч шинэлэг, энгийн ойлгомжтой англи хэлээр сайн заадаг тухайдаа ихээхэн магтагдахын сацуу архи дарс их уудаг, авгай хүүхэнд их дуртай зэргээрээ хүчтэй шүүмжлэлд өртдөг нэгэн байжээ. Тэрбээр Боулдерт өөрийн үүсгэн байгуулсан бясалгалын Нарова Их сургуулиасаа гадна яруу найрагч Аллен Жинсберг, нууц киног үүсгэгч Стан Брахэж, зохиолч Кен Вилбер, ая зохиогч бөгөөд дуучин Жони Митчелл гэх зэрэг маш олон нийгмийн ерөнхий хэв маяг, соёлоос огт өөр өвөрмөц алдартнуудын оюун санааны зөвлөгч байсан байдаг. Миний бодоход, Жобсийн хувьд Трунбад татагдсан нэгэн гол хүчин зүйл бол түүний зохиол бүтээлүүд байсан биз ээ. Түүний зохиол номууд нь юмсыг байгаагаар нь үзэж ойлгоход түйтгэрлэгч бүхнийг мэс засалч адилаар задлан арилгахуйц маш эрс шулуун үг илэрхийлэлтэй зэргээсээ гадна урлагийнхан, яруу найрагчид, хөгжимчдийг нисванисын дайсны эсрэг дайчид хэмээн үзэх үүднээс машид хүндэтгэн үздэг үзэл зэрэг нь Жобсийг үнэхээр их татсан биз дээ.

Apple-н залуухан үүсгэн байгуулагчид нөлөөлсөн бас нэгэн хүчин зүйл бол Сан-Франциско хотноо Зэн төв байгуулсан Шунрю Сузуки-роши багшийн бичсэн "Зэн сэтгэл, Эхлэн суралцагсадын сэтгэл" хэмээх зохиол мөн. Энэ бол Зэн бурхны шашны ёсны тухай маш эелдэг сайхан, урин залсан шинжтэй бөгөөд маш ойлгомжтой гарын авлага болсон юм. Сузукийн чухамхүү хэн нэгэн маш ухаалаг хүүхдийн дуу хоолой дуурсах мэт сэтгэлд таатай бөгөөд зугаатай өгүүлэмжүүд нь "амьдрал үхлийн их оньс, өгүүлэшгүйн оргилд цэнгэн бүжигч" хэмээн нэрлэгдэх Зэн багш нарын тухай гүн гүнзгий бөгөөд маш нарийн тодорхой илэрхийлсэн байдаг. Энэ бол үнэхээр амьдралынхаа аль ч цаг үед уншиж болох ой тойнд багтамгүй их ховор чухал номуудын нэг юм. Энэ сацуу энэ бол нэгэн зүйл хувьсгалт эргэлт бүхий зохиол мөн. Тухайн цаг үеийнхээ Зэн шашны ном зохиолуудын үндсэн түрлэг урсгалыг сөрөн "Зэн сэтгэл, Эхлэн Суралцагсадын сэтгэл" нь гэгээрэлд "яарах зүйлгүй" алгуур боловч бат тогтвортой дурдалыг дадуулахуй үйлээр хүрэх тухай татгалзахын аргагүй сайхан онолыг айлддаг юм. Энэ нь нэгэн суурин дээр дараагийн бясалгалын хувь дээр л ямар нэгэн дорвитой, амьдралыг урвуулан өөрчлөхүйц "сатори" (Зэн бурханы шашинд гэгээрлийн хутгийг ийн нэрийддэг)-ийн улбаа, гэрэл гэгээг мэдрэх болно хэмээн горилолгүйгээр бясалгана гэсэн үг мөн. Сузуки-роши өөрийгөө гэгээрсэн гэж ер зарлаагүй байдаг нь тухайн цаг үедээ Зэн бурханы шашны алдартай их багшийн хувьд байж боломгүй зүйл байв. Тэр бүү хэл, гэгээрээгүй гэдгээ инээдэм болгон байж өөрийн шогч эхнэрээрээ батлан гэрчлүүлдэг байжээ. Сузуки-роши, "та бүхэн Бурхан болох гэж "зазэн" суудлаар суудаггүй юм. Та өөрийн байгаагаараа л төгс төгөлдөр мөн. Багахан боловсруулалт л хэрэгтэй" хэмээн олонтаа айлддаг байв.

Жобсын анхны Mac багийнхандаа зориулан гаргасан алдарт уриа нь "Аялал бол шагнал" хэмээх байв. Энэ урианы санаагаа тэрбээр "Зэн сэтгэл, Эхлэн суралцагсадын сэтгэл" зохиолоос олж авсан байх магадтай юм. Учир нь Сузуки-рошийн хувьд "мөр бол зорилго" байсан аж. Кобун залуу Жобсыг "Бизнессийн ажил хэргээ эрхлэн явуулахын зэрэгцээгээр оюун санааны үйлээ үйлдэж болно" хэмээн зоригжуулдаг байсан юм. Хэрвээ тэр үед Кобун үүний эсрэгээр зөвөлгөө өгсөн бол одоогийн дижитал ертөнц ямар шүү байх байсныг нэг бодоод үз дээ.

Apple амжилтанд хүрэхэд Буддистуудын дурдал гэж нэрлэдэг тэр сэтгэлийн үйл маш чухал үүрэг гүйцэтгэсэн юм. 15 дугаар зууны яруу найрагч Иккюү-гээс "Зэн хэмээхийн утга юу вэ?" гэж асуухад тэрбээр "Анхаарал төвлөрөл" гэж хариулсан байдаг. Үүнийг цааш нь тайлбарлахыг хүсэхэд тэрбээр "Анхаарал бол анхаарал мөн" хэмээн хариулсан байна. Зэн шашны ёсонд анхаарал гэдэг нь "Зэн до"-д хүрэлцэн ирж, өөрийн амьсгалыг дурдан агуулж суухаас илүү гүн утгатай зүйл юм. Энэ нь та өөрийн өдөр тутмын амьдралдаа автобус руу гүйх, будаа агшаах, хадмуудтайгаа ярих, даралтны эмээ уух, загас наадуулах гэх зэрэг хийж буй үйл бүхэндээ эгшин бүрт нь мэдэмсэр сэхээрлээ хандуулахын утга мөн.

Өөрөөр хэлбэл, "бусад хүмүүст зориулсан" цоо шинэ компьютер бүтээхтэй адил зүйл юм. Жобсын Тассажара болон бусад Зэн төвүүдэд дадуулж асан ахуй нөхцөл нь түүнд дээд зэргээр боловсорсон уламжлалт бүтээл болон Калифорнийн онгон зэлүүд газар нутаг хоёрыг гайхамшигтай хослуулан холбож тавих үндэс болж өгсөн билээ. Зэн төвийн гоо зүй бол - чухамхүү Apple адил - Өрнө, Дорнын зохирол бүхий хослол мөн.

Яг л Зэн номлолын адилаар Жобс Apple-н бүтээгдэхүүнийхээ хэрэглэгчдийн хүсэл санал, хэрэгцээ нэг бүрийг-ажиллагааны систем дэх үсгийн фонд, цэсний дизайн, гадна хайрцаганд ямар металл хэрэглэх, савалгаа боодол дээр нь ямар ямар өнгө байх, дагалдах сэтгүүлээс эхлээд,

Apple-н агуулахуудын эмх цэгц нь хэрхэн ижил порпорцтой байхыг хүртлэх бүх зүйлийг - маш нарийн, нягт нямбай, гайхалтай сайн анхаарсан байдаг юм. Тэрбээр компьютеруудаа үндсэн дэлгэц дээр нь бүтээлч дүр дүрслэл гарч ирмэгч хэрэглэгч хүн түүнд бүрэн уусч орох мэт болохуйц тийм дизайнаар бүтээдэгээрээ өөрийн хэрэглэгчидийг ч бас дурдал анхаарал сайтай байхыг дэмжин урамшуулж байв. Жобс компьютерийг "сэтгэл оюуны дугуй" гэж боддог байв.

1981 оны нэгэн тахил нь буруу өрөгдсөн сар Жобс "Mac" хэмээх нэрээ "the Bicycle" буюу дугуй гэдэг нэрээр солихыг оролдсон байдаг. Харин түүний ажлын багийнхан энэ саналыг нь огт хүлээж аваагүй байна. Үүний цаад гол санаа нь таны хаашаа явахыг хүссэн тэр газарт хүргэнэ, ерөөс бүхэл глобал сүлжээний хүрээнд нээн олж болохуйц аль ч газарт хүргэдэг хэмээх байжээ. Гэтэл Windows-н машинууд нь үүний эсрэгээр маш их нүсэр сургалт зааварчилгаатай, зуу зуун хуудас шаардагдах тайлбар сэлт бүхий ямагт өөрсдөдөө анхаарал тавихыг шаардсан захирангуй өнгө аястай диалог, протоколууд бүхий байдаг шүү дээ.
Тиймээс Mac бол үнэндээ энэ бүхэнд ардчилсан хувьсгал хийсэн юм. Жобсын шаардлагаар Apple нь хэрэглэгчиддээ хэдийнэ танил дасал байсан мэт, хэрхэн хэрэглэхээ зөнгөөрөө мэдэхүйц тийм бүтээгдэхүүнийг бүтээсэн нь цахим тооцооллыг мэдээллийн сүлжээний мэргэжилтнүүдийн олигархи байдлаас чөлөөлөн өргөн олны дижитал тоглоомын талбай болгон хувиргасан хэрэг байв.

Зөнлөг цахим тооцооллыг бүтээх ажлын явцад Жобс Жонатан Иве хэмээх эелдэг даруухан британи дизайнер залуу өөртэй нь ижил хүсэл сонирхолтой болохыг олж мэджээ. Тэр залуу түүнд iMac, iPod, iPad, MacBook Air, iPhone гэх зэрэг олон сайхан бүтээгдэхүүнийг нь бүтээхэд нь тусалсан байдаг. Эдгээр нь их энгийн даруухан бөгөөд татгалзахын аргагүй, чухам л Иве Жобс хоёрыг "нээх" хүртэл ертөнцийн хаа нэгтээ хамтаа хүлээж байсан хэлбэр болон үйл ажилгааны салшгүй нэгдэл мэт бүтээгдэхүүнүүд тул та анх харсан даруйдаа л амаа ангайтал гайхах болно. Энд бага зэрэг Буддизмын нэр томъёо ашиглан өгүүлвээс, Apple-н шилдэг сайн бүтээлүүд нь өмнөх "компьютер" эсвэл "утас", MP3 тоглуулагч зэрэг нь ямар байх ёстойг бүрэн дүүрэн харуулах мэт, гэнэтхэн хоосноос (шунъяата) үүдэн гарсан мэт санагддаг юм. Тэдгээр нь гайхалтай цэвэрхэн, шинэхэн аватарууд байв.

"Зөн сэтгэл, Эхлэн Суралцагсадын сэтгэл" зохиолд Сузуки-рошийн айлдсан хамгийн их ой санаанд тод буудаг сургаалуудын нэг бол "Эхлэн суралцагсадын сэтгэлд олон боломж байдаг байхад өндөр түвшинд хүрэгсэдийн сэтгэлд цөөн боломж байдаг юм" хэмээх болно.

Энэ нь Сузуки өөрийн хуучин шавь нарыг өглөө бүр бясалгалын олбог дээр өөрсдийгөө Зэн мастерууд мэтээр сэтгэн сууцгаах вий дээ хэмээн болгоомжилсон хэрэг байв. Тэрбээр шавь нараа бясалгалд чухамхүү анх удаа оролдон үзэж байгаа хүн шиг тийм нээлттэй хүсэл сонирхлоор хандаж байгаасай хэмээн хүсдэг байжээ. Apple-ийн цахим хэрэгслүүдийг та бүхэн эхлэн суралцагсадын сэтгэл оюуныг тэтгэн дэмжиж, сэрээх тухайд зориулагдсан нарийн багаж төхөөрөмжүүд хэмээн хэлж болох юм. Үнэхээр Жобсын төгс сайныг бүтээх гэсэн тэр дурдал анхаарал нь бүр түүний бүтээгдэхүүнүүдийн нүдэнд ил үл үзэгдэх шинж чанаруудад хүртэл биеллээ олсон байдаг. Жони Иве хэмээх нэгэн гол дизайнер нь бичихдээ Apple-н төхөөрөмжүүдийн ихэнх хэрэглэгчид нүдээр үзэж чадахгүй бүрдэл хэсгүүдийг хүртэл төгс сайн хийхийн тухайд Жобсын хамтаар бид их олон сар ажилласан гэжээ. Мөн тэрбээр, "Стив энэ бүхэнд ямар нэг үйл ажиллагааны зарчимаас ч илүүтэй анхаарал тавих ёстой, бараг иргэний үүрэг хариуцлага мэт тийм чухал хариуцлага байна гэдэгт итгэдэг байв" гэж бичсэн байна. Apple өөрийн анхны бүтээгдэхүүнийг танилцуулж байх үед - тод хөх өнгийн гадаргуу бүхий iMac гарч байх үед түүний өнгө дизайны талаар гал тогооны өрөөнөөс гадаа гудамжинд хүртэл хаа сайгүй шивэр авир гэлцэж байв - Жобс iMac-ын ар тал өрсөлдөгчдийн компьютерын нүүрэн талаас ч илүү сайхан харагдаж байна хэмээн бахархан өгүүлж байжээ.

Японы сүм хийдүүдэд шинэ залуу хуврагууд хэнд ч мэдэгдэлгүйгээр сайн үйл хийж байх ёстой тухайд номлодог байна. Таны номын үйлийн ар тал нь урд тал шигээ чухал гэсэн үг юм. Кобунтай хамт өнгөрүүлсэн он жилүүдээс Жобсийн хамгийн сайн сурч авсан хичээл нь үхлийг хүлээн авах нь амьдралын зайлбаргүй нэгэн хэсэг мөн хэмээх юм. Тиймдээ ч өөрийнх нь үхэл гарцаагүй гэдгийг мэдчихээд байх үед нь тэр нь ихээхэн хэрэг тус болсон биз ээ. Жобсийн 2005 онд Стэндфордод тавьсан сэтгэл хөдөлгөм илтгэл нь тухайн нөхцөлд Буддаг дурдаагүйгээрээ илүү сайн болсон сонгодог Бурханы номын айлдвар адил болсон юм:

Би удалгүй үхэх болно гэдгийг ямагт дурдаж байх нь надад амьдралынхаа том том сонголтуудыг хийхэд маш их тус болсон хамгийн чухал хэрэглэгдэхүүн болсон юм. Учир нь үхэлтэй нүүр тулах цагт бараг бүх зүйл-бүх гадаад горь хүсэл, бүх бардамнал, бүх алдаа эндэлийн гутамшигаас айх айдас-эдгээр нь бүгд замхран одоод гагц үнэнхүү чухал зүйл нь л үлддэг юм. Миний мэдэхээр л, ямар нэг зүйлээ алдчихвий хэмээх бодлын дөнгөнөөс салах хамгийн шилдэг сайн арга бол хэзээ мөдгүй үхэх болно гэдгээ дурдах явдал мөн. Бид аль хэдийнээ юу ч үгүй нүцгэн улсууд шүү дээ. Өөрийн зүрх сэтгэлийг дагахгүй байх ямар ч учир шалтгаан бидэнд байхгүй ээ.

Хэн ч үхэхийг хүсдэггүй. Тэр бүү хэл, диваажинд очихыг хүсдэг хүмүүс ч тэндээ очихын төлөөнөө үхэхийг хүсдэггүй юм. Гэсэн хэдий ч үхэл бол бид бүгдийн хувь тавилан мөн. Хэн ч, хэзээ ч үүнээс бултан гарч байсангүй ээ. Тийм ч байхаас өөр аргагүй. Учир нь Үхэл гэдэг амьдралын цор ганц шилдэг бүтээл ч байж болох талтай. Энэ бол амьдралын хувьсал өөрчлөлтийн элч төлөөлөгч мөн. Энэ нь шинэ нялхсыг угтаж авахын тулд хуучин өтгөсийг нь явуулдаг юм. Яг одоо та бүхэн шинэ нь боловч одоогоос нэн удалгүй нэг л өдөр аажмаар өтлөж, улмаар нөгчин одох болно. Ийм чанга хатуу үг хэлж байгааг минь өршөөгөөрэй! Гэхдээ энэ бол аргагүй үнэн мөн.

Та бүхний нас хязгаарлагдмал тул хэн нэгэн өөр хүний амьдралаар амьдарч бүү шамшигдуул. Ямар нэгэн догм, ягшмал онолд бүү хүлэгд! Учир нь энэ бол бусад хүмүүсийн сэтгэлгээний үр дүнгээр амьдрахын нэр юм. Өрөөл бусдын үзэл бодлын хурц үзүүр таны дотоод дуу хоолойг сарниах боломжийг бүү олго! Хамгаас чухаг нь өөрийн зүрх сэтгэл болон зөн зовинг дагах зүрх зоригтой бай! Тэд чинь ямар нэг байдлаар таны үнэндээ юу болохыг хүсээд буйг хэдийнээ мэдэж байдаг юм. Бусад бүх зүйлс хоёрдугаар зэргийнх мөн.

Энэ бүхнээс харахад олонх хүний эндүү боддогчлон Бурхны шашин бол зөвхөн өтгөс буурлуудын муйхраар шүтдэг хуучны үеэ өнгөрөөсөн, ягшмал номлолын шинжтэй сургаал биш болох нь тодорхой байна. Энэ бол үнэндээ социализмын үеийн үзэл суртлын машинаар угаагдсан уураг тархи залруулагдан цэвэрлэгдээгүй явж байгаагийн илэрхийлэл юм гэдгийг бид өнөө хэр анзаардаггүй юм. Хэрвээ түүнд суралцаж, амьдран ахуйдаа бүтээлчээр хэрэглэж чадваас хэн хүний гайхшралыг төрүүлэм шинэ техник, технологи зохион бүтээж болохын нэгэн жишээ нь Стив Жобс юм. Үнэндээ энэ бол хүн төрөлхтөн Буддизмаас сурч, мэдэж, санаа авч болох хязгааргүй их зүйлсийн зөвхөн нэг өнгөн хэсэг мөн. Тиймээс ч барууны еотөнцөд Стив Жобсыг Буддист байсан хэмээхийн зэрэгцээ хамгийн гол нь тэрбээр ийм орчин үеийн технологийг бүтээх шинэ санааг яаж Буддизмаас олж авсан байх вэ гэдгийг олохыг чармайн шуугилдацгааж байна.

Судар Шастир нийгэмлэг

Стив Жобс - 3 түүх

Өнөөдөр та нар хойч үе харин ирээдүйд өнгөрсөн үе болно гэж Стив Жобс нэгэн сургуулийн оюутнуудтай уулзалт хийх үеэрээ хэлжээ. Апплэ компанийг 1976 онд үүсгэн байгуулж, орчин үеийн хамгийн хүндтэй брэнд болгож чадсан Стив Жобс ертөницийн мөнх бусыг үзүүлээд хэдхэн хонож байна. Дэлхий даяараа суут хүний гэгээн дурсгалыг хүндэтгэн эмгэнэн гашуудаж буй энэ өдөр хоногуудад “Өөр мэдээ” түүний оюутнуудад ярьж өгсөн 3 түүхийг хөрвүүлэн хүргэж байна. Тэрээр Стэнфордын их сургуулийн оюутнуудтай уулзалт хийхдээ эдгээр түүхийг хүүрнэсэн юм. Та бүхэнд өөрийнхөө амьдралын 3 түүхийг ярьж өгье. Энд гайхалтай гэх зүйл байхгүй жирийн л 3 түүх.

Эхний түүх зангилааны гол цэгийн тухай

Би Рийд коллежид 6 сар сурсныхаа дараа хаясан. Яагаад би сургуулиа хаяхдаа хүрэв? Энэ бүхэн намайг хорвоод мэндлэхээс ч өмнө эхэлсэн юм. Миний төрсөн эх ганц бие оюутан бүсгүй байж. Тэр намайг сургууль төгссөн гэр үлд үрчлүүлнэ гээд хуульч мэргэжилтэй айлд үрчлүүлнэ хэмээн бүр хэвлийд байхаас минь тохирсон гэдэг. Гэтэл яг үрчлүүлэх дээрээ тултал тэдний хэн нь ч сургууль төгсөөгүй гэдэгийг ээж мэдсэн байгаа юм. Ингээд үрчлүүлэхгүй гэж зүтгэтэл аав маань “Хүүг заавал их сургуульд суралцуулна” гэж амлаж л дээ. Ингээд үнэхээр 17 жилийн дараа би их сургуулийн хаалга татсан юм. Үрчилж авсан эцэг эх маань амалсандаа хүрнэ гэж насаараа шахуу их сургуулийн зарлыг минь цуглуулж, яг л танай Стэнфорд шиг өндөр төлбөртэй сургуульд оруулсан юм. Гэтэл 6 сар яаваад л цаашид сургуульд явах утгагүй санагдаад эхэлсэн. Би өөрийнхөө амьдралыг өөрөө л аваад явмаар санагдаад байлаа. Ингээд эцэг эхийнхээ насаараа цуглуулсан мөнгийг үрэн таран хийгээд сургуулиас гарчихлаа. Эхэндээ би их айж байсан. Одоо харин энэ л миний амьдралын хамгийн зөв шийдвэр байсанд эргэлздэггүй. Дотуур байранд надад өрөө ч гэж байгаагүй найзуудынхаа өрөөгөөр өдөр хоногийг өнгөрүүлж, Коланы шилийг арилжиж хоолоо олж иддэг байлаа.

Миний хоёр дахь түүх бол алдаа оноо, хайр сэтгэлийн тухай.
Амьдралд дурлах зүйлээ эрт олсоноороо би их азтай хүн. Воз бид хоёр 20 настайдаа анх аавын маань машины гаражид компаниа байгуулж байлаа. Арван жилийн энэхүү компани маань хоёр тэрбум ам долларын сантай, дөрвөн мянган ажилтантай болсон байв. Бид макинтошийг дөнгөж бүтээж, 30 нас хүрчихээд байлаа. Гэтэл намайг халчихсан. Өөрийн чинь үүсгэн байгуулсан чамайг халахад ямар байх вэ? Бид Апплэ-д жил тутамд авъяаслаг, чадвартай залуусыг ажилд авч байсан. Тэд жил ирэх тусам өсч, компанид эзлэх байр суурь нь өссөн. Ингээд нэг өдөр би тэдэнтэй санал зөрөлдөхөд Удирдах зөвлөл тэднийг дэмжиж намайг халсан юм. 30 насандаа ингээд халагдчихлаа, зүтгэж тэмүүлж байсан бүхэн минь сүйрсэн юм шиг л байсан. Гэлээ хэсэг хугацааны дараа би дахин нэг компаниа байгуулж гэж Нэxт нэрлэсэн. Мөн төд удалгүй Пиxар-ийг байгуулж, тэнд гайхалтай бүсгүйтэй танилцаж эхнэрээ болгосон. Пиxар анх удаагаа копьютероор хүүхэлдэйн киног бүтээж, одоог хүртэл өөрийн салбартаа хамгийн шилдэг нь гэгдсээр байна. Амьдралын сонин тохиолдлоор Нэxт-ийг Апплэ худалдан авсан. Нэxт-ийн бүтээсэн бүхэн Апплэийн сэргэн мандалтын үндэс болсон. Хэрвээ тэр үед намайг ажлаас халаагүй бол энэ бүхэн болохгүй байсан. Хэдийгээр гашуун эм өгсөн ч гэсэн өвчтөн эргэж хөл дээрээ босоход нь том тус болсоны жишээ энэ. Тийм учраас амьдрал заримдаа таныг бороохойгоор нүдэвч бүү бууж өгөөрэй Та өөрийнхөө дурлах тэр зүйлийг л ол. Тэгээд бүгдэд үнэнч, хариуцлагатай хандаж, дуртай ажлаа хийгээд л бай. Агуу зүйл хийж байгаа мэт санагдах тийм л дуртай ажлаа барьж ав. Хэрвээ та дуртай зүйлээ олоогүй бол хай бүү дэмий зогс. Та түүнийг олвол сэтгэл зүрхээрээ мэдрэх болно.

Миний гуравдахь түүх бол үхлийн тухай бодол маань юм.
17 настайдаа би “Өнөөдөр чиний амьдралын сүүлийн өдөр мэт амьдар. Тэгвэл та зөв амьдарна” гэсэн үгийг уншиж билээ. Энэ үг надад их сэтгэгдэл үлдээсэн. Ингээд би өөрөөсөө “Өнөөдөр миний сүүлийн өдөр юм бол би энийг хийх байсан уу? гэж асуух болгонд “Үгүй” гэсэн хариулт орж ирээд байлаа. Мөдхөн би үхнэ гэсэн бодол бол асуудлыг хурдан, зөв шийдэх хамгийн сайн арга.
Эрсдлээс эмээх, нэр алдар хөөцөлдөх зэрэг зүйлс бол цаг зуурын л зүйл. Харин үхэл бол зайлшгүй учрах цэг.

Одоогоор хэн ч түүнээс зугатааж чадахгүй. Тийм ч байх ёстой. үхэл бол энэ ертөнцийн хамгийн агуу бүтээл, үхэл бол амьдралын амт. өтөл хөгшдийг авч одон, залуу хойч үед зайг нь гаргаж өгдөг шударга хууль.

Өнөөдөр тар хойч үе, ирээдүйд харин өнгөрсөн үе болно. Шулуухан ингэж хэлж байгааг буйг минь өршөөгөөрэй. Гэхдээ энэ бол нүцгэн үнэн. Тэгэхээр өөрт оногдсон амьдралын бяцхан хугацаагаа бусдын, хэрэггүй зүйлийн төлөө бүү зар. Бусдын бодол санаагаар битгий яв. —Өлсгөлөн амьдар, жолоогүй яв.

http://enkhlen2.blogspot.com/ blogoos oruulav

Сайн үйлс дэлгэрэх болтугай.

Диваажингийн үүд

2011-12-11T07:10:00.001-08:00

Диваажингийн үүд

Нэгэн цэрэг Лам дээр ирж,
-Там, диваажин гэж байдаг нь үнэн юм уу? хэмээн асуужээ.
-Чи хэн юм бэ? гэж ламтанг асуухад, тэрээр:
-Самурай гэж.
Өө, чи цэрэг байсан юм уу? Чам шиг амьтныг цэрэгт авдаг ямар дарга байна аа? Чи яг л гуйлгачин баймаар царайтай юм гэж Ламтан дуу алдав.
Уур нь хүрсэн цэрэг илднийхээ ишийг тэмтэрхэд, Ламтан:
-Өө, чи сэлэмтэй юм уу? Гэхдээ наад сэлэм чинь миний толгойг хяргахад даанч мохоодох байлгүй дээ хэмээн үргэлжлүүлэн хор шарыг нь малтлаа.
Цэрэг эр сэлмээ бүрэн сугалан гаргаж ирэхэд, Ламтан:
-Яг энэ үед л тамын үүд нээгддэг юм даа гэжээ.
Үүнийг сонсонгуут цэрэг эрд нэгэнт их багшийн шавь болсон мэт төсөөлөл төрж, сэлмээ хуйнд нь буцаан хийгээд мэхийн ёслов.
-Энд харин Диваажингийн үүд нээгдэж байна гэж ламтан хэлсэн гэдэг.

Там там гэвч там хаана байх билээ

Тамтаггүй буруу явбал там чинь тэр биш үү.

http://vipassanamongolia.wordpress.com/category/%D2%AF%D0%BB%D0%B3%D1%8D%D1%80/ web huudasnaas oruulav
Сайн үйлс дэлгэрэх болтугай.

Буддагийн зүүд

2011-12-11T06:50:00.001-08:00

Buddha’s dream

Бодхисатва бээр шинийн нэгнээс шийнийн 14 хүртэл Анапана бясалгал хийж, Няранзана голын эрэг дэх бургас модны сүүдэрт гүн бясалгалд оржээ.Шөнө дуусах дөхөж байлаа. Хараахан үүр цайгаагүй байв. Гайхамшигт амгалан тайван бүрдсэн энэ мөчид бодхисатва бие цогцосоо бага зэрэг амраахыг хүслээ. Тэрээр модны доор хажуулан, хэдхэн хором зүүрмэглэжээ. Зүүрмэглэх тэрхэн агшинд ар араасаа цуварсан таван төрлийн зүүд зүүдлэгдсэн нь ирээдүйг зөгнөсөн байв. Зүүд дуусангуут Бодхисатва нойрноос сэрж, зүүдний утгыг тайлахаар бодлогошрон суув.

1. Эхний зүүд: Бодхисатва бээр өөрийн агуу том биеийг харжээ. Тэрээр Энэтхэг орныг бүхэлд нь бүрхэн хэвтэж, нарнаас хамгаалах шүхэр мэт харагдана. Гималайн уулсыг дэр болгон дэрлэж, борьйв нь өмнөд Энэтхэгийн Ганнякумарид хүрч, Энэтхэгийн далайд угаагдаж байлаа. Баруун мутар нь Арабын тэнгист, зүүн мутар нь Бангалийн далайд хүрч, түүний гар хурууг угаах ажгуу. Энэ зүүд нь тооцолшгүй олон галавын өмнө Дивангар бурханы даяанч Сумедхад “Чи заавал Бурхан болон гэгээрнэ” гэсэн лүндэн биелэлээ олох цаг болсоныг зөгнөжээ.

Түүний олон амьтанд аз жаргалыг хайрлагч сургаал, номлолын нөлөө бүхэл Энэтхэг орноор түгэж, өмнөд, дорнод далай хийгээд гималайн уулын замаар ертөнц даяар түгэн дэлгэрэх болно гэсэн утгыг энэ зүүд агуулжээ.

2. Хоёр дахь зүүд: Бодхисатва бээр түүний хүйснээс өчүүхэн үр соёоолж, харсаар байтал удаж төдөлгүй нэг тохой, нэг алд, нэг бээр болон маш хурдан мянга мянган бээр өндөрт ургаж, хязгааргүй огторгуйг бүрхэхийг зүүдэлжээ.

Энэ зүүд нь Бурханы сургаал зөвхөн хүний ертөнц төдийгүй Тэнгэр Брахма нарт хүрж, тэднийг гэгээрэл ариуслын замд хөтөлнө гэдгийг зөгнөсөн байлаа. Өөрөөр хэлбэл Бодхисатва бээр хүн хийгээд Тэнгэр нарын их багш болно гэсэн үг юм.

3. Гурав дахь зүүд: Бодхисатва бээр дөрвөн зүгээс өчүүхэн жижиг тооцоолшгүй олон амьтад ирж, түүний өлмийд сөгдөн унаж буйг харжээ. Тэд цагаан өнгийн хувцастай, хар үстэй ажээ. Удаж төдөлгүй тэдний тоо маш олон болж хөлнөөс дээш бүчин явсаар өвдөгөнд хүрчээ. Энэ зүүд нь цагаан хувцастай хар үстэй олон тооны гэрийн эзэд Бурханы сургаалийг дагаж ач тусыг хүртэх болно гэдгийг зөгнөжээ. Цагаан хувцастай, хар үстэй гэдэг нь хар хүнийг илэрхийлсэн тэмдэг билээ.

Тэдний хувцас шар биш цагаан, тэд үсээ мулзалуулаагүй хар үстэй байгаа нь тэд хуврага биш гэрийн эзэн хар хүн гэдгийг илэрхийлнэ. Өөрөөр хэлбэл Бурханы хуврага шавь нараас гэрийн эзэн хар хүмүүсийн тоо хавьгүй олон болохыг энэ зүүд зөгнөжээ.

4. Дөрөв дэх зүүд: Бодхисатва бээр дөрвөн зүгээс дөрвөн өөр өнгийн шувууд нисэн ирж түүний өвөрт унахыг харжээ. Тэд унангуутаа өнгө нь өөрчлөгдөн бүгдээрээ цэвэр цагаан өнгөтэй болцгооно. Энэ зүүд нь дөрвөн өөр төрлийн язгууртай /Чадрия, Брахман, вээшя, шудр/ хүмүүс түүний дэргэд ирж, лам хуврага болж, Арахадын хутгийг олж ариудан гэгээрхийг зөгнөсөн зүүд байлаа.

Ариудан гэгээрснээр тэд язгуур угсааны өнгөө алдаж, бүгдээрээ нэгэн ижил болох ажгуу. Ганга мөрөн тэргүүтээ олон гол мөрөн далайд цутгасаар өөр өөрсдийн ялгаатай байдлаа алдан нэгэн ижил далайн ус болдог шиг, янз бүрийн язгуур угсааны хүмүүс хуврага болж, бүгд ариун номонд нэгдэж, нэгэн ижил болох болно.

5. Тав дахь зүүд: Бодхисатва бээр хир буртаг дүүрсэн толгод дээгүүр алхаж яваагаа харжээ. Хэдий хир буртагаар дүүрэн ч өөрт нь өчүүхэн ч хир буртаг халдахгүй байгааг харжээ. Энэ зүүд нь туйлын дээд үнэнийг олохын тулд Бодхисатва бээр нийгмээс холдож, ой шугуйд даян бясалгал хийж байсан хийгээд, харин одоо Бурханы хутгийг олон гэгээрсэнийхээ дараа энэрэхүй сэтгэлд автан хир буртаг бүхнээр дүүрэн нийгмийн дунд орж амьдрах хэрэгтэй болно гэдгийг зөгнөсөн зүүд байлаа. Тэдэнд ариусал гэгээрлийн замыг зааж өгөх хэрэгтэй байлаа.

Урьдын эхнэр, хүү, эх , ах дүү зэрэг гэр бүлийн хүмүүс төдийгүй хамаг амьтаны төлөө энэрэл хайрын хурыг буулгах болно. Тэдэнд ариуслын замыг заах боловч өөрөө юунд ч үл шунана. Маш олон тооны хуврага хувцас, эм тариа, хоол унд, идээ будаа, байр сууц, сүм хийд өглөгт ирэх боловч өөрийн хэрэгцээнээс илүү өчүүхэн ч үл хэрэглэнэ. Муу муухайгаар дүүрэн нийгэмд амьдрах боловч түүнд огтхон ч үл автан, цэвэр ариун номын амьдралаар амьдрах болно.
Энэ явдлаас хойш 24 цаг өнгөрөх буюу дараа шөнийн тэргэл сар баруунаа хэлбийх үедБодхисатва бээр Бурханы хутгийг олон гэгээрнэ. Тэрээр огоот туулсан Бурхан болж, Бодхисатва байх үедээ зүүдэлсэн зүүд нь дэс дараалан биелэлээ олохыг харжээ. Үнэхээр их гайхамшигт өлзий хутаг болох нь энэ билээ.

Хамаг амьтан амар амгалан болох болтугай.

Эх сурвалж: Их багш СН.Гоенка “Ариусахуйн чин хүсэл” 2008 . хуудас 15-22 /Монголын Випашяна судлалын төв/

http://vipassanamongolia.wordpress.com/category/%D0%B1%D1%83%D1%80%D1%85%D0%B0%D0%BD-%D0%B1%D0%B0%D0%B3%D1%88%D0%B8%D0%B9%D0%BD-%D0%B7%D2%AF%D2%AF%D0%B4/ web huudasnaas oruulav

Сайн үйлс дэлгэрэх болтугай.

Мууг элсэн дээр, сайныг хадан дээр сийлж сурцгаая

2011-12-11T05:53:00.001-08:00

Хоёр найз аян замд явахдаа нэг удаа ам муруйн муудалцаж нэг нь нөгөөгөө алгаджээ. Алгадуулсан найзынх нь хацар тун их өвдсөн боловч тэрээр юу ч хэлэлгүй элсэн дээр ингэж бичжээ: "Өнөөдөр миний хамгийн сайн найз намайг алгадсан." Хоёр найз явсаар цөлийн дундах нэгэн баян бүрдэд иржээ. Тэгээд тэнд усанд орж амрахаар шийджээ. Усанд сэлж байтал алгадуулсан найз нь гэнэт намагт шигджээ. Намаг түүнийг хүчтэй сорон доошилж байлаа. Үүнийг харсан найз нь маш хурдан сэлж ирэн намгаас татаж гарган аварчээ. Аврагдсан найз нь намгаас гарсны дараа нэг том хадан дээр "Намайг миний хамгийн сайн найз аварлаа" гэж бичжээ. Найзыгаа алгадаж дараа нь аварсан нөгөө найз нь, "Чамайг алгадахад минь элсэн дээр бичсэн хэрнээ, аврахад минь яагаад хадан дээр сийлж байгаа юм бэ" гэж асуухад нөгөөх нь: "Хэн нэгэн бидэнд муу зүйл хийхэд бид түүнийг сэтгэлдээ элсэн дээр бичих хэрэгтэй. Учир нь уучлах салхинд амархан арилаг. Харин хэн нэгэн танд сайн зүйл хийх юм бол чулуун дээр сийлэх хэрэгтэй. Ямар ч салхи бүү хийсгэн алга болгог гэсэндээ" "Мууг элсэн дээр, сайныг хадан дээр сийлж сурцгаая." Таны амьдралын хамгийн чухал хүнийг олоход ганц хором байдаг бол түүнийг мартахад бүх амьдралаа зориулдаг.

http://www.mongoliantemple.com/ArticleDetails.aspx?MenuId=2&ArticleID=229

Сайн үйлс дэлгэрэх болтугай.

Худагт унасан илжиг

2011-11-28T05:54:00.001-08:00

Нэгэн малчны илжиг худагт унажээ. Тэр амьтан хэдэн цагийн турш тасралтгүй аврал эрэн, өрөвдөлтэй орилж байсан

ба эзэд нь хэрхэх учраа олохгүй мунгинаж байв. Эцэст энэ угийн зөнөсөн, хөгшин илжиг худагтай нь хамт газартай тэгшилье гэж шийдэцгээжээ.
Тэрээр хөршүүдээ дуудан, хүрз тармуур бэлтгэн худгийг шороогоор дүүргэж эхлэв. Илжиг юу болж буйг ухаармагцаа аймар муухай дуу гарган орилж байсан ба эцэст нь хүн бүр гайхан худаг руу тонгойн харав.
Гэтэл тэдний дүүргэхээр завдаж байсан шороо илжигний нуруун дээр хуримтлагдах үед илжиг биеэ займчуулан хөдөлгөж, шороо газар унамагц түүн дээр гишгэн худагны ам руу алхам алхмаар дөхөж байхыг тэд олж харжээ. Тэд шороогоо үргэлжлүүлэн хийсэн ба эцэст нь илжиг худагнаас гарчээ.

Тайлбар:

Амьдрал таны дээрээс төрөл бүрийн хир буртаг, шороо цацдаг. Түүнээс салах цорын ганц арга бол яг л энэ илжиг лугаа сэгсэрч хаях юм. Саад бэрхшээл бүр танд дараагийн хийх алхмыг тань олгоно. Бид хамгийн гүн худгаас ч шантралгүй, зогсолтгүй зүтгэсээр байх аваас гарч чадна. Зүгээр сэгсэр, тэгээд түүн дээрээ гишгэ.

http://www.veda.mn/content/view/293/1/ web huudasnaas oruulav Сайн үйлс дэлгэрэх болтугай.

Бясалгал,шашин хоёр тэнгэр газар шиг ялгаатай

2011-11-27T02:18:00.001-08:00

“Шри Шри амьдрах ухаан төв”-ийн тэргүүн Ц.Саранцэцэгтэй ярилцлаа.

-Бясалгал, шашин хоёр юугаараа ялгаатай юм бэ гэдэг асуултаар ярилцлагаа эхэлье гэж бодлоо?
-Хүмүүс бясалгал гэхээр шашин гэж ойлгодог. Үнэн чанартаа энэ нь хоорондоо газар, тэнгэр шиг ялгаатай. Тодруулбал, бясалгал нь оюуны санааны ариун үнэний зам гэсэн үг. Гэхдээ багш маань “Бясалгалыг гадис жимстэй зүйрлэхэд шашин бол хальс нь. Бясалгал бол жимс нь” гэж хэлдэг. Нөгөөтэйгүүр бясалгал, шашин хоёрын явж буй зам нь адилхан. Хоёулаа хэсэг бүлэг хүмүүсийн оюун санааны хөгжлийн нэг төвшинд очдог юм шиг санагддаг. Бид олон шатаар дамжихад шашинлаг хүн бол тэндээ очоод зогсоно. Харин шашинлаг бус хүмүүс идсээр, ажилласаар, үржсээр байгаад нас эцэслэдэг. Ингэж амьдрах нь үнэхээр харамсалтай шүү. Амьтдаас ялгарах зүйлгүй. Тэгэхээр шашин номын замд орж байж хүн амьтнаас ондоогоо мэдэрнэ. Хайр, хүндэтгэл, айдсыг ойлгоно. Үүгээрээ шашинлаг хүн огт сүсэггүй нэгнээс хамаагүй илүү л дээ. Тэгвэл шашнаас дээгүүр зүйл байдаг нь бясалгал юм. Хүн булчин шөрмөсөө хөгжүүлж байж, тамирчин болдог шүү дээ. Үүнтэй адил оюун санаагаа хөгжүүлэх нь хамгийн гол зорилго байх учиртай.
-Хүний оюун санааг хөгжүүлэх “дасгал” нь бясалгал гэж та хэлэх гээд байна уу?
-Бясалгал хийж байж л хүний оюун санаа хөгжинө. Бод доо, хамгийн өндөр боловсролтой хүн уураг тархиныхаа таван хувийг л ашигладаг гэсэн судалгаа бий. Үлдсэн 95 хувийг нь ашиглахын тулд бясалгал гэдэг замаар явна. Би 1995 оноос хойш бясалгал хийж байна. Санскрит хэлээр бясалгал гэдэг үг маань “Самадей”. Бясалгал амнаас гарч буй үг, харж буй харц, биеэ авч яваа байдлаас эхэлдэг. Түүнээс бясалгал гэдгийг аглагт очоод хийснээр буян хурдаг юм биш. Хүн эхлээд өөрийн алд биеийг авч явж чадаж байвал бусдын төлөө санаа тавьж чадна. Бясалгалын гол чанар үүнд байдаг юм.
-Жимсээр зүйрлэвэл хальс нь шашин, жимс нь бясалгал юм байж. Хүмүүсийн хувьд “шри шри” гэхээр гадны шашин гэж ойлгох нь бий. Энэ эндүүрлийг яаж тайлах ёстой бол?
-Шашны байгууллагын хүмүүс ч ингэж андуурдаг юм. Би буддын шашны сургуульд очоод “Танай хүүхдүүдэд яаж бясалгал хийх техникийг зааж өгье. Биеэрээ, толгойгоороо, уушгаараа дасгал хийхгүйгээр хэзээ ч бясалгаж болдоггүй юм. Номыг хоосон цээжлээд хэрэггүй” гэж хэлдэг. Гэвч буддын шашинд гадны шашны нөлөө орох нь гэж эмээдэг юм уу хүлээж авдаггүй. Ингэж эмзэглэх нь нэг талаар зөв байх л даа. Яагаад гэвэл бясалгал бол хүний цэвэр оюун санааны хийдэг ажил.
-Анх Монголд бясалгалын төвөө нээхэд хүндрэлтэй байсан уу?
-Хүндрэл учраагүй ээ. Харин миний сэтгэлд нэг бодол л байсан. “Мах иддэг махчин шахуу монголчуудыг яана даа. Миний үгэнд орох болов уу” гэж. Гэхдээ би өөрөө амьд жишээ учраас бясалгалын ач тусыг хүмүүст мэдрүүлж чадсан даа.
-Амьд жишээ гэдгээ жаахан тодруулна уу?
-Оюун санааны хувьд би өөртөө сэтгэл хангалуун байсан. Зөвхөн эрүүл мэнддээ зовж байлаа. Хүн эрүүл биш болохоороо амьдралд гутардаг юм билээ. Би харшилтай, энэ нь эдгэрдэггүй өвчин. Гэтэл бясалгалд явсан эхний өдрөөс эхлээд өөрчлөлт гарч, маш гоё санагдсан. Жин 84 кг, харшилтай, том линзтэй байсан бол одоо яаж өөрчлөгдсөнийг маань чи ч бас харж л байна. Үнэхээр хүн өөрийгөө 100 хувь дайчилбал өөрчлөгдөж чадна. Ер нь хүн аав, ээжээсээ биеэр төрөөд дараа нь оюун ухаанаа дахин төрүүлж байж жинхэнэ хүн болж төлөвшдөг. Иймээс бид оюун санаагаа хөгжүүлэхгүйгээр мөнгө, албан тушаал гэхчилэн ямар нэг материаллаг зорилго тавьчихаад түүнийхээ төлөө яваад байхаар амьдрал утгагүй болно.
-Нээрээ ч маханд дуртай монгол хүнийг бясалгалаар цагаан хоолтон болгоно гэдэг хэцүү байх шүү?
-Монголчууд эрс тэс уур амьсгалтай учраас огт мах идэхгүй байж болохгүй л дээ. Гэхдээ би мах иддэггүй. Бясалгал хийж тодорхой амжилтад хүрснийхээ дараа мах идэхгүй биеэ авч явж чадаж байвал болно. Мах идмээр санагдаад байгаа хэр нь тэвчээд гэгээрнэ гэвэл хэзээ ч бүтэхгүй гэж би хэлдэг. Учир нь хүн мах идмээр байхад идүүлэхгүй байх нь нүгэл. Ерөөс хоол ундыг ухаанаараа зохицуулах ёстой.
- Та их олон шавьтай болсон байх. Шри шри бясалгалын олон төв байдаг уу?
-2006 онд Алтангадас одон авахад давхардсан тоогоор бараг манай шавь нар нэг сая хүрсэн байсан. Гэхдээ тоо чухал биш, чанар эрхэм. Миний хамгийн настай шавь 90 гарсан хүмүүс байгаа. Хамгийн бага нь 6-7 сартай. Аав, ээж нь авчраад шавь орууллаа гэдэг. Шри шри бясалгалын төвийн хувьд ганц л бий. Хааяа сонсоход зарим хүний манай төвийг нэрийг бариад л хүмүүсийн нүдийг аниулаад суулгадаг сурагтай. Бясалгал бол ашиг олох хэрэгсэл биш. Яахав, энэ бүхэн түр зуурын бэрхшээл гэж ойлгож байгаа.
-Сүүлийн үед хүн бүр бясалгал хийхээр хошуурдаг болсон. Бясалгал хийдэг хүнийг таних шинжүүд бий юу?
-Байлгүй яахав. Нүүрэндээ галтай, нүдэндээ цогтой, тунгалаг царайтай, харц нь тод, дуу нь яруу тунгалаг, үнэр нь их гоё. Ийм шинжүүдээр бясалгал хийдэг хүн мөн үү гэдгийг мэдэж болдог. Бясалгагч хүн андашгүй дээ. Ажил төрөл нь өөдрөг, хүнтэй харьцаж буйг нь харсан ч мэдрэгддэг. Ер нь эргэн тойрны хүмүүс чамтай хэрхэн хандаж байгаагаар нь өөрийнхөө энергийг мэдэж болно. Бид стрессээсээ болоод өөрт нь хүн сайн хандахаар “долгинож байна”, эсвэл “ямар нэгэн зорилго агуулжээ” гэж боддог. Надаас юм гуйх нь гэж сэрддэг. Бясалгал хийгээд эхлэхээр ийм “хар” бодлууд алга болдог.
-Сонирхоод үзэхээр бясалгалын маш олон урсгал байдаг юм билээ. Энэ олон урсгалын аль нь хүнд илүү өгөөжтэй бол гэсэн эргэлзээ төрдөг?
-Дэлхий дээр бясалгалын олон урсгал бий. Зорилго нь, хүрэх газар нь нэг. Бүгдээрээ л голын цаана гарах гэж байгаа. Нэг нь туулж, нөгөө нь сэлж, зарим нь завиар болон чулуун дээр гишгээд гарч болно. Эсвэл модоор дамжаад, гүүр бариад гарч болно шүү дээ. Гараад очих газар нь нэг учраас би олон бясалгалын энэ нь зөв, тэр нь буруу гэж шүүхгүй, зэрэг дэв олгохгүй. Бясалгалыг өөрийнхөө бор зүрхээр хийж байж шагнал нь амьдралд ирдэг. Өдөр тутам амьдралд чинь дүн тавиад л яваад байгаа. Тэгж байж л Равжаа хутагтын хэлдгээр эрдмийн дээд сэтгэлийг ажих юм.
-Бид сэтгэлээ ажиж чадаж байна уу?
-Үгүй дээ. Ерөөсөө ажиж чаддаггүй. Биднийг гадаад урсгал аваад явчихдаг. Тэгэхээр ямар хүн нь ойлгомжгүй. Хүмүүс бөөгнөрөөд орилж байвал хамт ямар ч зорилгогүй хашгираад эсвэл харж зогсоод хэрэгт ордог. Харин бясалгалд тэгж хандаж болохгүй. Үнэн сэтгэлээсээ хандах ёстой
-Бясалгал хийдэг хүмүүс сари өмсөөд байдаг. Ямар учиртай юм бэ?
-Намайг л дуурайдаг байх даа гэж боддог ш дээ /инээв/. Би Энэтхэгт бараг 20 жил амьдарсан. Тэнд их халуун л даа. Янз бүрийн хувцас өмсч үзэхэд хүний биед хамгийн эвтэйхэн нь сари байсан. Хүмүүст амьдрах эрчим хүч гэж үргэлж бороо шиг урсч байх ёстой зүйл бий. Яг шүршүүр дор зогсч байгаа юм шиг. Гэтэл хүмүүс цэвэр арьсан, ширэн тэлээ ч юм уу, савхин дээл өмсдөг ч юм уу ямар нэгэн байдлаар тэр урсгалыг зогсоож өөрийгөө хорлодог. Түүнийгээ мэддэггүй. Харин сари энэ энергийн урсгалд саад болдоггүй. Сари гэж 5.5 метр урт даавуу байдаг. Дотуураа банзал өмсөөд, гадуураа даавуугаар ороодог юм. Энэтхэг үндэсний хувцас. Сари өмсдөг хүмүүст хандаж хэлмээр нэг үг бий. Өөрийн тань сэтгэл санаа замбараатай болоогүй аваас сари өмсөх хэрэггүй. Харин дотоод сэтгэл тань ариуссан, сайхан болсон бол сариг дагаад л энерги намирчихдаг. Намируулна уу, навсганах уу, өөрөө л мэд. Юу өмсөх нь хүний дурын асуудал. Гэхдээ хувцас гэдэг ийм аюултайг санах нь чухал.
-Хүнийг дуу хоолойны өнгөөр нь шинжиж, сайн, муу бодолтой эсэхийг мэдэж болох уу?
-Болно. Муу хоолойны өнгө гэдэг энергиэсээ шалгаална. Хүний энергийн нягтрал их байвал дуу хоолой нь тод, гоё болдог. “Дуу нь бүр цаашаа орсон байна лээ” гэж ярьдаг даа. Үнэхээр хүний дуу хоолойны өнгө амьдрах эрч хүч хэр зэрэг байгааг харуулдаг. Нас ахих тусмаа эрчим хүч нь багасдаг. Нэг үгээр хүн элэгдэж байна гэсэн үг. Хүн амьдрах хугацаандаа эрчим хүчээ нөхөж байх ёстой. Нөхөхгүй байгаа учраас хөгшин хүний дуу хоолой сөөнгө болдог. Утсаар хэд орчим настай хүн ярьж байгаа нь мэдэгддэг шүү дээ. Намайг ярихаар “аав чинь байна уу” гэдэг. Хүүхэд гэж боддог юм шиг байна лээ. Энэ бол энерги, бясалгал худлаа биш гэдгийн нотолгоо.
-Далай багш монголчуудыг “Диваажингийн эзэд” гэж хэлсэн нь бий. Монголчууд бид тийм л их хувь заяатай улс байх нь?
-Хүн 84 удаа жинхэнэ хүн болж, төрж байж гэгээрнэ гэдэг. Өөрөөр хэлбэл, уураг тархи нь 100 хувь ажиллана гэсэн үг. Тэгж уураг тархиа 100 хувь ажиллуулсан хүмүүсийн ихэнх нь Монголоос гаралтай байдаг юм билээ. Яагаад гэвэл Монгол гэдэг нь ариун дагшин газар гэсэн үг. Ариун дагшин газар аль нэг насандаа гэгээрч явсан, орчин үеийн хэллэгээр оюуны чадвар өндөртэй хүмүүс төрдөг. Идэж, өмсөхийн төлөө биш, түүнээс арай дээгүүр юм байдаг гэдгийг мэддэг хүмүүс төрдөг болохоор “Диваажингийн эзэд монгол” гэж Далай багш зөв хэлсэн. Жишээ татахад, орос, монгол хоёр хүн бясалгал хийгээд хоёулаа ижилхэн төвшинд очоод гэгээрэх болоход монголыг нь авна гэдэг. Оросыг нь “чи дахиад нэг хүн болж төрөөд, жаахан буян үйлдээд хүрээд ир” гээд явуулна.
-Та “Амьдралын хамгийн үнэтэй шигтгээ хүн юм” гэж хэлсэн байдаг?
-Тийм шүү. Жинхэнэ эрдэнийн чулуун шигтгээ үнэ цэнээ алддаггүй. Ямар ч үед гялалздаг. Харин шигтгээ биш хэрнээ “би шигтгээ” гэж хашгирах хүмүүс бий. Манай багш “Гууль л өөрийгөө алт гэж их хашгирна даа” гэж хэлдэг юм.
-Оюутан байхдаа Таны лекцийг сонсоход “Орой ганцаараа унтдаггүй, олон мянгаараа унтдаг” гэсэн нь их сонирхолтой санагдсан?
-Хүний арьс харахад гуужаад манан татсан юм шиг л явдаг. Шөнө унтахаар орондоо орж хэвтэхэд тэр гуужиж буй арьсыг иддэг хувалз гэдэг амьтан байдаг. Ялангуяа залуу гэр бүл, залуу хосуудын орон дотор бүр их байна. Хүнээс гарсан ялгадсыг иддэг сонин амьтан байдаг гэсэн. Их цэвэрхэн хүний орон дотор гэхэд л 4-5 сая байдаг гэх. Дэр болон хөнжлийн уутны буланд бөөгнөрсөн хөвөн шиг юм байдаг шүү дээ. Тэр чинь хэдэн тэрбумаараа үхсэн хувалз аж. Энэ бол өвчин үүсгэгч. Харшил гэдэг өвчний бараг 70 хувь нь үүнээс болдог. Мөн арьсны өвчин үүсгэдэг. Нүүрээр нь юм гарчихсан хүн байдаг даа. Хүн хөнжил, дэвсгэрээ байнга цэвэрлээд байхаар хувалз шууд арьсан дээр нь суугаад иддэг. Тиймээс бид үүнийг мэдэж байх ёстой.
-Яг тэр хувалз шиг амьдардаг хүн олон болж. Эд хөрөнгөөр баян хэрнээ сэтгэлээр нэн ядуу хүн их байх юм?
-Македоны Александр дэлхийг бараг тэр чигээр нь эзэлж авчихаад сэтгэл нь ханахгүй байж. Гэтэл модны хажууд нэгэн цагаан хувцастай гуйлгачинтай таарчээ. Тэр хүний нүд Александрт хязгааргүй огторгуй шиг л харагдсан гэдэг. Александр дэлхийг эзлээд олж авч чадаагүй аз жаргал тэр хүнд байв. Тэгэхэд Александр “Энэ хүнд ганц ширхэг алтан зоос байхгүй мөртлөө яагаад ийм аз жаргалтай байна вэ” гэж маш их атаархжээ. Ингээд тэр эрдмээ зааж өг гэж дуудсан боловч ирээгүйд нь хилэгнэн судар номыг нь шатаахаар заналхийлсэн байна. Өнөөх аз жаргалтай хүн “маргааш ирээд шатаагаарай” гэж. Харин Александрыг маргааш нь ирэхэд судар номоо шавь нартаа өгч цээжлүүлээд шатаалгахаар өгчээ. Оюун ухаан ийм аугаа, баян ажгуу. “Дэлхийг өмнөө сөхрүүлсэн би гуйлгачны өмнө сөхөрлөө” гэж Александрыг дуу алдуулсан оюун ухааны гайхамшиг их. Ер нь их сургууль төгссөн л бол эрдэм боловсролтой гэж хэлэхгүй. Харин идсэн хоолондоо сав болж байвал би тэр хүнийг эрдэмтэй хүн гэж үнэлнэ. Хүний 404 өвчний 303 нь хоолноос үүсэлтэй байдаг. “Хүн Танд ухаан байвал халбага, сэрээ хоёроор булшны нүхээ ухахаа боль” гэсэн үг ч бий.
-Зовлон, жаргалын мөн чанар угтаа адил санагддаг. Нэг хүнд зовлон болсон зүйл нөгөөд нь жаргал байх жишээтэй. Учир шалтгаан нь юунд байна вэ?
-Зовлон эсвэл жаргал гэдэг чинь нэг хүний л үг. Нэг хүнд зовлонтой санагдаж байгаа юм нөгөөд нь жаргалтай санагддаг байж болно. Тухайлбал, архинд дуртай хүнээс таныхаар диваажин гэж юу вэ гээд асуу. Тэр хүн “Конякан нууртай, архин голтой, виски, дарсаар ундарсан булагтай газар” гэж хэлнэ. Харин архинд дургүй хүнд тэр юуных нь диваажин байх вэ. Там л байна шүү дээ. Тийм болохоор зовлон, жаргал гэдэг ерөөсөө хувь хүний амьдралаас хүлээж авч байгаа дохио. Жаргалтайгаар нь хүлээж авбал жаргал байна. Зовлонтойгоор нь хүлээж авбал зовлон байна. “Нууц” номыг хүн бүр уншаасай гэж боддог. Таны толгойд ямар бодол эргэлдэнэ, тийм л орчин бий болдог гэдгийг тэр номд өгүүлдэг. Хүн юу тарина, тэр нь л ургана. Өргөст хэмх тарьчихаад улаан лооль авна гээд байж болохгүйтэй адил.
-Хүний нэр ч бас их утга учиртай. Дуудах нэрийг аав, ээж өгдөг, дуурсах нэрийг өөрөө олдог гэдэг. Нэрийг хагасалж дуудах муу ч гэх нь бий. Энэ талаар?
-Хүний нэрийг хэдэн мянган жилийн өмнө өгсөн байдаг. Лам, аав ээж нь л өгдөг юм биш шүү. Тухайн хүн төрөхдөө л нэрээ авсан байдаг. Тэр нэрэндээ тохирсон байдаг. Солиотой юм гэж бодох хэрэггүй шүү. Учир нь хүний нэр дээр үйлийн үр нь кодлогдсон байдаг юм. Иймээс нэрийг дутуу, хагасалж дуудаж болохгүй. Бүтэн нэрээр нь дуудах сайн.
-Бясалгал хийдэг хүмүүс үргэлж сайн сайхан зүйл бодож явдаг байх. Та эх орныхоо ирээдүйг хэрхэн төсөөлж байна вэ?
-Монголыг гайхамшигтай сайхан ирээдүй хүлээж байгаа. Муу бүхэн далайн хөөс мэт алга болно. Монгол Улс 2050 он гэхэд дэлхийд тэргүүлж чадна. Дэлхий АНУ-ыг биш Монголыг ярьдаг болж, ертөнцийн анхаарал Монгол уруу хандана. Ерөөс хүн бүрийг, хэнийг ч гэсэн сайхан ирээдүй хүлээж буй. Гагцхүү тэр сайхан бүхнийг хүлээж авах эсэх нь хүний сэтгэлээс хамаарна. Сүү шиг сэтгэлтэй бол ирээдүй тань гэгээн байна. Үүнд итгэж, сайхан ирээдүйгээ тосч аваарай.
-Дэлхийн нарыг Монголдоо уясан наадам маань сайхан боллоо. Монгол түмэн дэнж хотойтол наадах өдрүүдэд хамгийн сайн сайхан, гэгээн энерги хурах шиг болдог юм?
-Наадам миний дуртай баярын нэг. Аав маань намын хорооны дарга. Би аавтайгаа наадмын нээлтээс эхлээд дуустал нь суудаг байв. Бөх үзнэ, ааваасаа илүү айраг ууна. Бөхчүүдийн барилдахыг харах үнэхээр сайхан. Бясалгагч хүнд бөхийн барилгаан яг бясалгал шиг байдаг юм.

Б.Анхцэцэг

Сайн үйлс дэлгэрэх болтугай.

Хүнсний ногоо, шош буурцгаар хийх хоол 3

2011-08-06T23:01:00.000-07:00

Сайн үйлс дэлгэрэх болтугай.

Хүнсний ногоо, шош буурцгаар хийх хоол 2

2011-08-06T23:00:00.000-07:00

Сайн үйлс дэлгэрэх болтугай.

Хүнсний ногоо, шош буурцгаар хийх хоол - 1

2011-08-06T22:25:00.000-07:00

Сайн үйлс дэлгэрэх болтугай.

БЯСАЛГАЛ гэж юу вэ?

2011-07-29T08:33:00.000-07:00

БЯСАЛГАЛ гэж юу вэ?

БУРХАНЫ ТААЛАЛЫГ БИЕЛYYЛЭХ ХYМYYНИЙ ТЄГЄЛДЄРЖИЛ
ШРИ ЧИНМОЙ
Материалыг хэсэгчлэн ирvvлсэн:
Бясалгал: Бурханы хэл
Бясалгал бидэнд нэг л зуйлийг хэлдэг: Бурхан оршин буй. Бясалгал бидэнд нэг л унэнийг нээдэг: Бурханы мэлмий бол биднийх.

Бид юуны учир бясалгадаг вэ? Бясалгал уйлддэгийн маань учир бол хорвоо дэлхий бидний сэтгэлийг хангаж чадахгуйгээс уудэлтэй.
Єдєр тутмын амьдралдаа бид арван цагаар зовинол, тугшил, гуниг гутралд дарагдаж явсны эцэст сая нэг, таван хором амсхийснийгээ амар амгаланд умбалаа гэж хэлдэг.
Бид ямагт, тойрон бучих атаа хорсол, айдас эргэлзэл, тугшил зовинол, гуниг гутралын эрхшээлд байдаг. Тэд бол сармагчин л гэсэн уг. Хазаж зулгаасаар ядарч, амсхийх зуур, бид амар амгаланд умбаж байна гэж бодно. Гэвч энэ бол ерєєс жинхэнэ амгалан биш. Дараагийн мєчєєс тэд дахиад л довтолж эхэлнэ.

Зєвхєн бясалгалын ачаар жинхэнэ амгалан, тэнгэрлиг амгаланг олж болно. Хэрэв єглєє эрт чин унэн сэтгэлээсээ бясалгаад, ганц хором ч болтугай амар амгаланг хуртэж чадвал, тэр маань бухэл єдєржингєє хадгалагдана. Хэрвээ унэхээр дээд бясалгал уйлдвэл жинхэнэ, уурдийн гэрэл, баясгаланг хуртэнэ.
Бидэнд бясалгал уйлдэхийн шаардлага гардагийн учир бол бие махбодь гэрэл гэгээнд хурч, гэрэл гэгээний дотор оршиж, сэтгэлээ хангах хэрэгцээнээс ууддэг.
Хэрэв энэ нь бидний тэмуулэл бол, хэрэв энэ нь бидний цангаа бол бясалгал цорын ганц зам болно. Єєртєє юу байгаа хийгээд єєрєє хэн байгаадаа сэтгэл хангалуун бол бидэнд бясалгал уйлдэж суухын хэрэг угїй билээ. Чухам дотроо єлсєж буй учраас бид бясалгах болсон.
Бид єєрийн дотор ямар нэг гэгээлэг, тэнгэрлиг, уужим юм байгааг мэдэрч байна. Тэр бидэнд чухаг боловч, одоохондоо туунд хурэх чадваргуй байна. Дотоод єлсгєлєн маань ийнхуу бидний дотоод сэтгэлийн хэрэгцээнээс уудэн гардаг.

Бясалгал гэдэг буйдхан суухын нэр биш

Хорвоо дэлхийгээс нуур буруулж, зєвхєн зовлон зудгуурээ мартахын тєлєє юм бол бид буруу шалтгаанаар бясалгалын замд хєл тавьж байгаа хэрэг.
Гутарч, гоморхсоноосоо болж, сэтгэл зурхний амьдралд орсон бол цааш хол явж чадахгїй байж мэднэ.
Хуслээ гуйцээж чадсангїй болохоор би єнєєдєр орчлон хорвоод сэтгэл таагуй байна.
Гэвч маргааш болоход, "Дахиад нэг оролдоод узье. Энэ удаад сэтгэл минь ханах ч юм билуу" гэж хэлнэ. Яван явсаар, хуслийн амьдрал гэдэг хэзээ ч сэтгэлийг хангахгїй болохийг ухаарч, дотоод амьдралд орох хэрэгтэйг ойлгоно. Энэ бол тэмуулэл юм.

Бясалгал гэж юу вэ? Бясалгал гэдэг хумууний єєрийгєє сэрээхуй, бурханы єєрийгєє зориулахуй юм. Хумууний єєрийгєє сэрээхуй хийгээд Бурханы єєрийгєє зориулахуй хоёр учран золгоход дотоод ертєнцєд хумуун мєнхжиж, гадаад ертєнцєд бурхан биелэлийг олно.

Тэмууллийн амьдралдаа бид зєвхєн Бурханыг хусдэг. Хэрэв бид чин унэн сэтгэлээсээ Бурханыг хїсч байгаа бол, Тэр бидэнд Єєрийгєє єргєн хайрлах нь гарцаагуй. Гэхдээ Тэр уунийг сонгосон цагтаа, Єєрийн аргаар биелуулнэ.
Бид тодорхой нэг чанарыг хїсч туунийхээ тєлєє чин унэн сэтгэлээсээ залбирч, бясалгадаг бол, Бурхан туунийг маань эс хайрласан ч сэтгэл хангалуун байна.
Тэгээд ч, "Тэрбээр аль нь зєв болохыг мэднэ. Одоохондоо би, тэр бугдийг хуртэхэд бэлэн биш байна. Намайг бэлхэн болохын цагт Тэрбээр, бухнийг хуртээх нь гарцаагуй" гэж хэлнэ. Тэмууллийн амьдралд бидний сэтгэлийг амжилт бус тэмуулэл маань хангадаг. Тэмуулэл єєрєє бидний сэтгэлийн ханамж юм.

Ухамсартай тэмуулэл ба чармайлт

Сэтгэл зурхний ертєнцєд хучлэн хурч болохгуй. Дотоод сэтгэлийн гэрлийг хучээр буулгаад ирж ч чадахгуй. Туунийг єєрєє буугаад ирэхийн цагт бид зєвхєн тэмуулэлийнхээ хучээр л хуртэж чаддаг.
Хэрэв бид гэрэл гэгээг чадлаасаа хэтруулж, хучээр буулгаад ирвэл дотоод сав маань эвдэрнэ. Тэгэхээр, гэрэл гэгээг хэрхэн хуртэх вэ? Энэ бухний хариулт бол бясалгал юм.

Бясалгана гэдэг тав арван минут хий хоосон, чимээ аниргуй суухын нэр биш.
Yуний тулд ухамсартай чармайлт хэрэгтэй. Ухаан амгалан тайван байхын дээр, хорон бодол, хусэлд автахгуйн тулд сэрэмжтэй байх хэрэгтэй.
Ухаанаа амгалан тайван болгож чадвал, шинэ бутээл дэлгэрч байгааг мэдэрнэ. Ухаан чєлєєтэй тогтуун байхад, оршнол маань хоосон сав мэт болж, дотоод оршнол маань улэмжийн амгалан, гэрэл, жаргаланг дуудан ируулээд, тэрхуу савыг дуургэж чадна. Энэ бол бясалгал юм.

Бясалгал бол Бурханы хэл. Хэрэв бид єєрийн амьдралдаа Бурханы Таалалыг мэдэхийг хусвэл, хэрэв бид Бурханаар жолоодуулахыг хусвэл,
биднийг хэлбэржуулж, бидний дотор Тэр, Єєрийн Таалалыг биелуулээсэй гэж хусвэл, Туунтэй хэлэлцэн хуурнэх ёстой хэл бол бясалгал юм.

ШРИ ЧИНМОЙ

Бид єєрсдийгєє бясалгахийг хичээгч гэж узвэл, бясалгал ярвигтай юм шиг санагдана. Чухамдаа жинхэнэ бясалгалыг бид уйлддэггуй. Дотоод Жолоодогч-Дээдгэгээн уунийг бидний дотор, бидний биеэр уйлддэг. Бид бол зєвхєн сав бєгєєд,
Туунд бух Ухамсраараа савыг дуургэх боломж олгодог. Бид чармайж эхэлдэг боловч нэгэнт дотоод гундээ хурч чадвал чармайлт маань биднийг бясалгал уйлдэхэд хургээгуй болохыг ухаарна. Дээдгэгээн л бидний дотор, бидний биеэр, бидний ухамсартай ухаарамж, зєвшєєрлєєр бясалгал уйлдэж байгаа юм.

Хун бурийн сунс єєрийн гэсэн бясалгах аргатай. Миний бясалгах арга танд эс зохино. Таны бясалгах арга надад ул таарна. Єєртєє эс зохихыг уйлдэхийн учир їр єгєєжгуй бясалгадаг олон эрэлчин бий. Хэрэв танд залж, жолоодох сэтгэл зурхний багш угуй бол дотоод гундээ умбаж, єр зурхнийхээ угаас бясалгалын аргаа олоорой.

Эхлэгчдийн хувьд ингэх нь маш хэцуу. Та дотроо, гїнийн гїнд одож, дотоод дуу хоолой, бодол санааг сонсох хэрэгтэй.
Дараа нь тэрхїї дуу хоолой, бодол санааныхаа дотор нэвтэрч, ямар ч асуудал, бэрхшээл, эргэлзэлгуй дотоод баясал амгаланг хайрлаж байгаа эсэхийг хар.
Зєвхєн Yунийг л мэдэрч байгаа бол тэр сонссон дотоод дуу хоолой бол таны сэтгэл зурхний амьдралд жинхэнэ тус дэм хїргэх хоолой гэдгийг нь ойлгоорой.

Хэрэв та гэгээрсэн багштай бол, тууний аниргуй харц, таныг хэрхэн бясалгахад сургана.
Багш танд, хэрхэн бясалгахыг тайлбарлаж ярих ч юм уу бясалгах тусгайлсан аргыг илтээр зааж сургах шаардлагагуй.
Тэрээр танд тєвлєрєн бясалгаж, хэрхэн бясалгахыг дотоод ертєнцєд зааж сургана.
Таны сунс тууний сунстэй учирч, тууний сунснээс суралцана. Сэтгэл зурхний жинхэнэ багш нар бясалгалыг аниргуйгээр зааж сургадаг.

Бясалгалын туйлын зорилго бол Бурхантай ухамсарлан нэгдэхэд байна.
Бид бугдээрээ бурханы хуухдууд ч гэлээ одоохондоо бурхантай нэгдмэл болохоо ухамсарлаагуй байна. Хїн Бурханд итгэж болох боловч, энэ итгэл нь тууний амьдралд бодит биш байдаг. Хэн нэг гэгээнтэн,
Йог эсвэл сэтгэл зурхний Багшаас Бурханы тухай дуулж сонссондоо, угуй бол ном судраас Бурханы тухай уншиж мэдсэндээ тэр Бурханд итгэдэг. Гэвч бясалгал уйлдсэнээрээ бидэнд, Бурхантай ухамсартай нэгдлээ тогтоох єдєр ирнэ. Тэр цагт Бурхан бидэнд улэмжийн амгалан, гэрэл, жаргалангаа хайрлаж, бид тэрхїї амгалан, гэрэл, жаргалан нь болж хувирна.

Асуулт, Хариулт

Яаж бясалгал уйлддэг вэ?
Бясалгал уйлдэх хоёр арга бий. Нэг арга нь ухааныг аниргуй болгох юм. Сэтгэл зурхний амьдралдаа ухааныг аниргуй болговол, шинэ бутээл, Бурханд єргєх шинэ амлалт ухааны дотор гийж байгааг узнэ. Одоохондоо бид Бурханд єргєсєн амлалтаа биелуулээгуй, єєрийгєє тэр чигээр нь Бурханд зориулаагуй байна. Тийм боловч, ухааныг аниргуй болгож чадвал Бурханыг баярлуулж, Таалалыг нь биелуулэх боломжтой болно.
Єєр нэг арга нь зурхээ чєлєєлєх арга юм. Яг одоогоор зурх, хєєрлийн уймээн, бузар тамираас уудэлтэй хундрэл, бэрхшээлд дарагдсан байна. Зурх бол сав юм. Одоо тэр сав маань биднийг хязгаарлах, доорд мунхаг зуйлсээр дуурчээ. Хэрэв бид зурх хэмээх саваа суллаж чадвал, биднийг чєлєєлєх тэнгэрлиг амгалан, гэрэл, жаргалангаар дуургэж чадах хун бий.
Мунхагаас зурхээ суллан чєлєєлєхєд, Бурханы Мэргэн Гэрэл буун ирж туунийг дуургэнэ.

Дотоод сэтгэлийн ертєнцєєс узвэл эрэлчин бухэн эхлэгч юм. Байнгын ухамсартай ахиц гаргахыг хусэх тэр л мєчєєс та уурдийн эхлэгч болдог.

Хэрхэн эхлэх вэ?

Дотоод сэтгэлийн ертєнцєєс узвэл эрэлчин бухэн эхлэгч юм. Эхлэгч гэдэг ямар нэг илуу тэнгэрлиг, илуу гэгээтэй, илуу их сэтгэлийг хангагч зуйлд хувирах дотоод эрмэлзэлтэй хїн юм. Байнгын ухамсартай ахиц гаргахыг хусэх тэр л мєчєєс та їїрдийн эхлэгч болдог. Хэрэв та цоо шинээр эхэлж байгаа бол юуны ємнє сэтгэл зурхний хэд хэдэн ном судар унших хэрэгтэй. Тэгвэл урам зориг тєрнє. Гэхдээ яах аргагуй итгэдэг сэтгэл зурхний Багш нарынхаа номыг унших нь зуйтэй. Хамгийн дээд ухамсарт хїрсэн Багш нар ч бий бєгєєд тэдний зохиосон ном судрыг уншвал урам тєрєх нь гарцаагуй. Судлаач, шинжээчид болон хараахан гэгээрэлд хїрээгуй, замдаа яваа эрэлчдийн номыг уншихгуй байх нь дээр. Yнэнийг ухаарч гэгээрсэн хун л танд Yнэнийг зориулж чадна. Yгуй бол сохор нь сохроо хєтлєхєєс юуны ялгаа байх билээ.

Эхэндээ бясалгах тухай бїї бод. Єдрийн тодорхой цагуудад тайван амгалан байхыг хичээж, энэ таван минут, єєр хэн нэгэнд бус гагцхїї таны дотоод оршнолд зориулагдсан болохыг ойлгоорой. Аливаад заншина гэдэг маш чухал. Тогтмол цагт бясалгаж заншвал танд хэрэгтэй.

Зарим ундсэн аргууд

Эхлэгч хїн эхэндээ тєвлєрєл їйлдэх нь илуу дээр. Эс тэгвэл ухаанаа чєлєєлж, тайван болгохыг оролдоход уй тумэн муу муухай бодол санаа эргэлдэж хоромхон зуур ч бясалгах боломжгуй болно. . . . . . .

. . . Дотроо уйлах дуудлага буюу тэмуулэл нь бясалгалын нууц билээ. . . .
. . . Хэрэв та дотоод гїнээсээ амгалан, гэрэл, унэний тєлєє уйлах юм бол тэгээд
зєвхєн тэр нь таны хуслийг хангаж чадах юм бол Yїрдийн Эцэг, Yїрдийн Эх болсон Бурхан морилон ирж танд туслах нь гарцаагуй. . . .

Та Бvхэн Шри Чинмой Багшийн "Бясалгал - Бурханы Таалалыг Биелyyлэх Хvмvvний Тєгєлдєржил" Номын Хэсгээс Уншлаа.
Энэхvv Ном Улаанбаатар Хотын Номын Худалдаанд Гарсаныг Олж Уншаад Та Бvхэнд Хэсгээс нь Хvргэхийг Эрхэм Yvргээ Гэж Yзсэн Юмаа.
Бясалгал Хийдэг Болон Хийхийг Хvсч Бvй Хvмvvст Энэхvv Ном Хєтєч Болох Буй Заа.

Сайн үйлс дэлгэрэх болтугай.

Веган дэлхий, Амгалан дэлхий

2011-05-20T20:08:00.000-07:00

SupremeMasterTV.com

Бясалгал болон Залбирал

2011 оны 4-р сарын 27-ны өдөр АНУ-ын Калифорни мужийн Лос Анжелес хотод Суприм Мастер Телевизийн ажилчидтай хийсэн видео конференц

Supreme Master Ching Hai: I sincerely, earnestly call on all members of spiritual orders from different groups, Төгс Гэгээрсэн Их Багш Чин Хай: Янз бүрийн шашны бүлгүүд, янз бүрийн итгэл үнэмшилтэй оюунлаг сүнслэг бүлгэмүүдийн бүхий л гишүүдэд үнэхээр, чин сэтгэлээсээ уриалах нь: Эерэг энергиэр гариг дэлхийгээ хамгаалахын тулд боломж гарах даруйд та бясалгал хийгээрэй, удаан бясалгах нь илүү сайн.

Хэрвээ яаж бясалгал хийхийг мэдэхгүй бол танд тохиромжтой гэж бодож байгаа аль нэгэн бүлэг дээр очиж, суралцаарай. Эсвэл миний өмнө нь зааж байсан аргаар бясалгаарай. Яаж бясалгал хийхийг мэдэхгүй бол мөн миний хэлснийг мартсан бол манай Нийгэмлэгийн гишүүдээс лавлаарай.

Хэрвээ та бясалгал хиймээргүй байвал залбирал үйлдээрэй; та бүхий л зүрх сэтгэлээрээ, хайраар Диваажинд хандан хичээнгүй залбираарай. Ингэснээрээ манай дэлхий өршөөл, энэрэл нигүүсэлтэй гараг болж өөрчлөгдөх юм. Ингээд бид дэлхий дээр мөнхөд үргэлжлэх, өнө мөнхийн амар амгаланд орших юм.

Хэд хэдэн цагийн хуваарийг та бүхэнд санал болгоё. Ингэснээрээ та бидэнтэй хамтдаа бясалгаж чадах юм:

Дэлхий Нийтийн Бясалгалын Цаг:

А Улаанбаатарын цагаар өдөр 11:00 - 12:00 цаг
Б Улаанбаатарын цагаар өдөр 16:00 - 17:00 цаг
В Улаанбаатарын цагаар орой 19:00 - 20:00 цаг
Г Улаанбаатарын цагаар шөнө 03:00 - 04:00 цаг

Тэгэхээр хэрвээ та боломжтой бол бидэнтэй хамт эдгээр тодорхой цагуудад бясалгал хийж, залбирал үйлдээрэй. Ингэснээрээ нэгдмэл энерги маш хүчтэй болох учиртай юм. Нэгэн хичээл зүтгэлээр олон хүмүүс зэрэг нэгдвэл бид үр дүнд хүрэх юм. Үнэхээр гарцаагүй. Хэрвээ та нар эдгээр тодорхой цагаар боломжгүй бол өөрийн сонгосон бусад цагуудад эсвэл танд чөлөөт цаг гарвал бясалгал хийж, залбирал үйлдээрэй.

Веган дэлхий болон Амгалан дэлхийн төлөө та өөрийн сонгосон ямар ч байдлаар бясалгаж бидэнтэй нэгдээрэй. Яг одоо та нарт хэлэх өөр сонголт надад байхгүй.
br> Урьдаас та бүхэнд хэлэхэд, та нарт маш их баярлалаа, өөрсдийн гараг дэлхийдээ болон хүмүүстээ амжилт хүсье.

Веган дэлхий, Амгалан дэлхий

Бясалгалын хялбар арга нь Гуань Инь бясалгалын бүрэн гүйцэт арга биш болно. 2000 оны 5-р сарын 7-ны өдөр Япон улсын Токио хотод хийсэн Төгс Гэгээрсэн Их Багш Чин Хайн “Билэг ухаан болон Төвлөрөл” нэртэй лекц

Төгс Гэгээрсэн Их Багш Чин Хай: Та зүгээр л нүдээ аниад, духныхаа дунд хэсэгт төвлөрөн, тэндээсээ чанх урагшаагаа чиглүүлж өмнөөс юу ирнэ түүнийхээ яг төв рүү харна – гадна нь биш, харин дотоод руугаа шүү.

Та Бурханы Хаант улсад яг энд, яг одоо баясч болно. Таны дотооддоо харсан Гэрэл, Таны дотооддоо харсан Диваажин, дотооддоо сонссон Бурханы дуу хоолой бүхэн нь таны Өөрийн мөн чанар, энэ бол Бурханы мөн чанар юм, хэрэв та энэ дэлхий дээрх цагаа илүү үр бүтээлтэй ашиглахыг хүсвэл энэ бүхэнд өдөр бүр баясч болно, хэрвээ та л хүсвэл.

2011 оны 4-р сарын 27-ны өдөр АНУ–ын Калифорни мужийн Лос Анжелес хотод Суприм Мастер Телевизийн ажилчидтай хийсэн видео конференц

Веган хүн хүссэн хэмжээгээрээ удаан бясалгал хийж болно, сөрөг үр дагавар гарахгүй. Харин махан хоолтон хүмүүс, тэдгээр хүмүүс хамгийн дээд тал нь хагас цаг ганцаараа эсвэл бүлгээрээ бясалгал хийгээрэй гэж зөвлөмөөр байна. Өдөрт хагас цаг эсвэл 20 минутаар хоёр удаа буюу өглөө хорин минут, орой хорин минут хийж болно.

Веган дэлхий, Амгалан дэлхий Доорхи линкээр орж WORLD VEGAN WORLD PEACE видеог татаж авааарай. http://suprememastertv.com/worldvegan/

Сайн үйлс дэлгэрэх болтугай.

Далай ламын айлтгасан Бурханы шашны тухай ерєнхий тоймоос

2011-05-16T05:30:00.000-07:00

Шашин шvтэж, даган баримтална" гэдэг нь сvм хийдэд амьдрах, ном залбирал унших зэрэг гадаад тєрхєєрєє шашинтны дvрээр єєрчлєгдєхийг хэлэхгvй.
Гэхдээ эдгээрийг шашны vйл болж чадахгvй гэж хэлж бас болохгvй. Ямартаа ч шашин шvтэх нь бодол дотор хэрэгжинэ.

Тухайн сургаалийг єєрийн бодолдоо хэрхэн нэвтрvvлэхийг мэдэж байгаа бол бие, хэлийн бvх vйлvvд нь номын ёстойгоо нийцдэг. Харин бодолдоо хэрхэн нэвтрvvлэн дадуулахаа мэдэхгvй бол хичнээн их бясалгал, ном уншиж, нэг насаараа хийдэд амьдарсан ч тэр нь тусгvй.

Нэг єдєр Дом ариун шvтээнийг /суврага/ тойроод явж байгаа хvнийг харжээ. Тvvнд хандаж: "Суврзга гороолох нь сайн, гэхдээ сурсан номоо сэтгэлдээ бодитой дадуулбал бvр ч сайн" гэжээ. Нєгєє хvн "Тэгвэл дээдийн номыг унших нь сайн байх нь ээ" хэмээн бодолхийлжээ. Ингээд ном уншаад сууж байх vед нь нэг єдєр Дом тааралдаж "Дээдийн ном унших нь сайн, гэхдээ сурсан номоо дадуулбал бvр сайн" гэжээ. Нєгєє хvн "Энэ ч бас тийм хангалттай биш юм байна.

Одоо би бясалгал vйлдвэл ном болох байх" хэмээн боджээ. Дом тvvнийг бясалгаж байхыг хараад "Бясалгах тань тун сайн, гэхдээ ном vйлдэх нь бvр ч илvv сайн". Нєгєє хvн гайхшран "Ном vйлдэх гэдэг нь юу гэсэн vг вэ?" гэж асуужээ. Энэ насны жаргалд бvv шуна, єєрийн сэтгэлийг номонд урвуул хэмээн хариулжээ. Номыг бvтээх нь бодлоос хамааралтай учраас ийнхvv айлджээ.
Хоосон чанар Єчvvхэн оюунаар танин мэдэж болох
Vлэмжийн тэр мєн чанарыг Хоосон чанар хэмээмvй.
Vзэгдэгч бvхэн тvvнээс vvдээд, тvмэнд шингэж
Vнэхээрийн эс бvтээд, бас эс мєхнє.
Хорвоогийн vзэгдэл бvхнийг хоосон гэвч
Хоосноос vvдээд хоосонд нийлэх нь
Омогт давалгаан дэзр хєєсєн vvдээл
Оломгvй далайдаа шингэх адилаа
Оюунт мэргэа Хоосон гэж
Онросон нь хэдvй vнэн гэвч чиг
Огоот хоосон буе Чанар нь гэмvй
Одох ирэхийн учир юум буй
Туулсан бурхан л гагцхvv нууцыг мэдэж
Тунгаасан vнэнийг нь мєхєс бидэн тэмтэрмvv
Оюун санаандаа хоосныг хоосноор онохуй
Онох алдахын багиаа изгэн буй
Илтэд vзvvлэх богд Нагаржуна
Ирэх цаг дор, єнгєрснєєс тодрох гайхамшиг
Харьиагч бидэнд л иагийг болгосон ч
Харин богд тvvнд uar vгvй буюу
Омтгойрогч бидэнд л оркыг буй болгосноос
Оюунт тvvнд орон зай vгvй буюу
Янагуухуй хийгээд vнэмлэхvйн заагт хvрэвээс
Ялагдагч хийгээд ялагч vгvй буй
Vлэмжийн богд Нагаржуна орчлонгийн хvлээснээс
Vнэхээрийн алдуурсан нь эндvvрлийг ялсных

Vзтэл чингэж чадаагvй мєхєс миний бие
Vйлийн vрээс салсан цагт Хоосныг хvртмvй

Сайн үйлс дэлгэрэх болтугай.

Оюун санааны бясалгалыг дэвшүүлэх аргууд "номоос

2011-03-19T05:38:00.000-07:00

ДАЯАН

Их Багш: Дэвшсэн хүмүүст баяр хүргэе, чи хамгийн сайнаараа хичээжээ. Чи маш олон зүйлсийг орхиж, давжээ. Яаж өсч дэвшсэн чинь тэр. Дэвшиж чадаагүй хүмүүст: Чи өссөн гэхдээ тун бага.

“Багш аа, яаж хурдан дэвших вэ?” гэж та нар надаас асуудаг. “Бүгдийг орхи, ...бүгдийг” гэж би хэлдэг. Гэвч та нар тэгдэггүй. Та нар энд, өөрийн бодолдоо найз нөхөд, хамаатан садан, үр хүүхдүүдтэйгээ хамт ирдэг. Та тэдэнтэй бүх өдрийн турш, бүх амьдралынхаа турш байдаг бол энд Бурхны төлөө зөвхөн 5 өдөр л зориулаач гэж би хэлдэг.

Гэвч та нар тэгдэггүй. Тэр залуу /Бурхан/ хоёрдугаарт тавигддаг. Та нарын өсөхгүй байгаан шалтгаан энэ. Цорын ганц нууц бол бүхнийг орхи. Та нар надаас ялих шалихгүй янз бүрийн асуулт асуухад миний яагаад яршигладаггүй минь энэ. Би та нарт бүхнийг хариулж чадна, би та нарт юугаар ч туслаж чадна. Та нар энд зөвхөн 5-хан өдрийн хугацаатай ирсэн, гэсэн ч та нар Бурхныг санахгүй л байна. Ганцхан удаа та нар энд зөвхөн Бурхны төлөө ирээч. Гэвч та нар тэгэхгүй л байна.. Та нар энд үргэлж шалтаг гаргахаар, хайр ивээл, анхаарал халамжийн талаар асуух гэж ирцгээдэг. Би та нарт үнэнээр нь хэлье:

Бурханд эсвэл Төгс Гэгээрсэн их Багшид хандан залбирах аль ч цагт тэд сонсдог. Тэд нар дүлий биш шүү дээ. Та нарыг тэгэж бодохгүй байгаа гэдэгт итгэж байна. Би та нарыг “Би энд байна /Багш биеэ заагаад/, би өвчтэй, би муу, би жижигхэн, би том, би ийм, би тийм” гэж боддоггүй гэдэгт итгэж байна. Үгүй, үгүй энэ би биш, энэ чинь энэ хүн биш. Бид нар дүлий биш, хэлгүй биш, сохор биш, тэнэг биш. Тийм болохоор энд азгүй явдал, найз нөхөд, гэр бүлийнхээ талаар уйлагнах гэж ирэхийн хэрэггүй.

Та өөрийнхөө хүсч байгаа ямар ч зүйлийн талаар надтай ярилцаж болно. Мэдээж чи хүсвэл намайг ээжээрээ, найзаараа, дээр нь түшээд уйлах мөрөөр бодож болно, тэр ч бас зүгээр шүү. Гэвч эдгээр нь зөвхөн хоёрдугаарт тавигдана гэдгийг санах хэрэгтэй. Даяанд ирэхдээ яршиг төвөггүй, гэр бүл, найз нөхөд, ажил бизнес, босс ажилчин, эхнэр нөхөр, үр хүүхэд, хэрүүл маргаангүй байх цагийн давуу талыг мэдрээрэй. Чи төвлөрөх ёстой.

Яг тэр цаг хугацаа хамгийн үнэтэй эрдэнэс юм шигээр бод, дараа нь та явчихнаа /дээшээ/. Гэр бүл, ард үлдсэн хэн нэгний талаар санаа зовсоор байх юм бол танд дахин боломж гарахгүй шүү. Та яг үхлээ гэхэд тэдний талаар санаа зовох боломж танд гарна гэж үү? Үгүй. Дараагийн өдөр намайг амьд байх үгүйг, 5 өдрийн дараа дахин өөр даяан хөтлөөд явж байх үгүйг та нар мэдэхгүй шүү дээ. Тэгэхээр өсөлт дэвшилт гаргаж чадаагүй байгаачууд нь үнэхээр харамсалтай. Даяанд ирэх бүрт чинь би та нарт зөвхөн нэг л зүйл дээр төвлөрөхийг сануулдаг шүү дээ. Та нарын өсч дэвжээгүйчүүд нь энэ цагт хичээлээ сурч байгаа гэдэгт би итгэж байна. Хэдийд ч, эсвэл хэрвээ бидэнд дараагийн удаа гэх цаг байх юм бол тэр үед боломжоо ашиглаарай окау. /Үзэгчид алга ташина/. Би та нарт уурлаагүй байна, та нарыг хясан боогоогүй байна, би бол юу ч биш. Би зөвхөн тухайн цагт юу л хийх ёстой байна түүнийг л хийдэг. Тэгэхээр та нар өөрт чинь мэдрэгдээд байгаа бүх л хог новш, муу зүйлсээ надад яг одоо өгчих. Тэгээд гэр рүүгээ явцгаа, та нар эрх чөлөөтэй, та нар сайн, та нар дахин төгс төгөлдөр болцгооноо. Та нар энд /даяанд/ байх юм бол би та нарыг засна, цэвэрлэнэ. Энэ процесс заримдаа бидэнд хоёуланд нь хүнд бэрх байдаг, гэхдээ зүгээрээ.

Энэ хийгдээд та нар эрх чөлөөтэй болно. /Алга ташилт/. Та нар даяаны туршид хайрлагдсан, хүсэгдсэн, төгс төгөлдөр байна. Гэхдээ эмчилгээний өөр төрлүүд та нарыг хүсээгүй, хайрлаагүй мэт мэдрэмжийг үүсгэж болно. Энэ бол үнэн биш. Энэ нь ердөө л яг тэр цагт өгч буй тэр эм нь хэрэгтэй болохоор л тэр. За чамд хэрэггүй юу л байна түүнийгээ буцааж өгөөд, буцаагаад яг энд нь тавиад гэр рүүгээ эрх чөлөөтэй явцгаа. Та нар өсч дэвшээгүй байсан ч төгс төгөлдөр шүү дээ.

За одоо өсч дэвжсэн хүмүүст нь хандаж хэлье: Та нар баяр баясгалантай байх хэрэгтэй, өөрсөддөө сэтгэл хангалуун байх хэрэгтэй.

Надад та нарт өгөх шагнал ч юмуу сертификат байхгүй ээ, гэхдээ та нар шагнагдсан гэдгээ мэдэж байгаа. Тийм болохоор та нар баяр баясгалантай байх ёстой. /алга ташилт/.Одоо огт өсөлт дэвшилт гаргаагүй, маш бага дэвшил гаргагсадад нь хандаж хэлье: чамд алдаагаа засах дараагийн удаа байна гэдэгт би итгэж байна. Дараагийн удаа, хэрвээ бидэнд цаг байгаад, хэрэв танд ийм даяанд дахин ирэх боломж олдох юм бол гуйя үхсэн юм биш нэг цэг дээр л байгаарай. Хаалгаар орохоосоо өмнө толгойдоо “үхэх” гэдэг үгийг хий. Харин энэ даяанаас гарахдаа “би дахин амьдарлаа” гэж хэлээрэй. /алга ташилт/.

Яагаад гэвэл, хэрэв та нар дэлхий дээр үхэж чадахгүй бол Бурхантай хамт амьд байж чадахгүй ээ. Библид үүнтэй ижил зүйлийг хэлэгдсэн байдаг. “Та нар Бурхан, эд баялаг хоёрыг зэрэг шүтэж чадахгүй”. Тэгэхээр та нар нэг цэг дээр л төвлөрөх ёстой. Энэ даяаны туршид хийсэн миний бүх зүйл та нарыг тэрхүү нэг цэгт төвлөрүүлэхийн төлөө байсан юм шүү. Энэ 5 өдрийн туршид та нарыг хайрлаж байсан минь, тэвэрч байсан минь, зэмлэж байсан минь зөвхөн та нарын тусын тулд юм шүү. Тэгэхээр хэрвээ чамайг илүү хайрлаж энхрийлсэн бол өөрийгөө хамгийн онцгой нь гэж битгий бодоорой, хэрвээ зэмлэж загнасан бол өөрийгөө муу нь гэж битгий бодоорой. Та нар бүгд адил, та нар бүгд миний зүрх сэтгэлд ижил тэнцүүгээр хайрлагдаж байгаа /Багш нүдэндээ нулимстай/. Би та нарт маш их хайртай. /үргэлжилсэн алга ташилт/.
Заримдаа би та нарын хийж байгаа зүйлсийг хийлгэхийг хүсдэггүй. Яагаад гэвэл тэдгээр нь чамд сайн биш гэдгийг би мэддэг болохоор, та нарын зүрх сэтгэлд байгаа зарим зүйлс чинь сайн биш гэдгийг мэддэг болохоор, энэ нь та нарын буруу биш гэдгийг мэддэг болохоор. Энэ нь чамайг эдгээр байдал руу түлхдэг энэ муухай ертөнцөөс болж буй юм. Та нарыг хайрлах хайраас өөр надад юу ч байхгүй ээ. Би та нарт хатуу үгүүдийг хэлэхийг ерөөсөө хүсдэггүй. Гэвч заримдаа ингэх ёстой болдог. Энэ нь та нарт л сайн, үүгээр би та нарт “Би та нарт хайртай” гэдгийг мэдээсэй гэдгийг л би хүсч байна. Заримдаа та нар хүүхдүүдээ зэмлэдэг. Гэхдээ хайрласан хэвээр л байдаг шүү дээ. Үүнтэй яг адил. Магадгүй хүүхэд чинь хүнд өвчин тусвал та эмнэлэгт хэвтүүлнэ, тэднийг эдгээсэй гэж хүснэ.

Энд ирэхээсээ өмнө Тэнгэрт байхдаа та нарын зарим нь маш гэгээрсэн байдаг боловч түүнээсээ илүү гэгээрэхийг хүсч намайг хайж доошоо бууж ирдэг. Жишээлбэл та нар Тэнгэрт байхдаа 80% гэгээрсэн байлаа гэхэд энэ нь 4-р ертөнцөд байна гэсэн үг. Намайг энд байгааг мэдчихээд доош бууж ирэхэд та нарын гэгээрэл Тэнгэрт байснаас илүү буурдаг. Та нар бүх зүйлээ мартаж зовдог. Та нар энд маш их зовцгоодог, яагаад гэвэл мартчихсан учраас. Энд бууж ирэхээсээ өмнө байсан түвшин, түүнээс дээших түвшинд буцаж очих замуудыг чинь та нарт сануулахыг би оролдож байна. Эдгээр бүх зүйлүүд боломжтой, би та нарын төлөө хийнэ. Гагцхүү та нар бас өөрсдийн үнэн төрхөө санахыг хичээцгээх хэрэгтэй. Эс бөгөөс бид маш бага санаж, маш их зовно. Тэгсэн ч гэсэн та нар сайн учраас маш их хүндлэгдэж, хайрлагдсан гэдгээ мэдээсэй гэж би хүсч байна. Сайн гэдэг нь та нар муу байсан гэсэн үг бишээ. Яагаад гэвэл та нар сайн байх гэж хичээж оролдож байхад, нөхцөл байдал мууг үүсгэдэг. Та нарыг яагаад сайн гэж байгаа минь энэ. /алга ташилт/. Гэр бүл, нийгэм, найз нөхөд, хамт олон, ажил, удирдлага, эхнэр нөхөр гэх мэтээс маш их дарамт шахалт та нарт байдаг. Тэгсэн ч гэсэн нэгдсэн бясалгалдаа явахаа, гэртээ бясалгалаа хийхээ хамгийн сайнаараа хичээцгээгээрэй. Энд даяанд ирэхдээ ч гэсэн. Би та нарт үнэхээр хайртай. Би та нарыг хамгийн сайнаараа хичээж байгаа гэдгийг чинь мэднэ. Бурхан ч бас. Дараагийн удаа даяанд ирж Бурхныг мэдэхийг үнэхээр хүсч байгаа бол зөвхөн 5 өдөр л энэ дэлхий дээр үхсэн мэт байгаарай. /алга ташилт/. ..

Илүү дэлгэрэнгүй уншихыг хүсвэл уг номыг Цагаан хоолны газрууд болон номын дэлгүүрүүдээс худалдан аваарай.

http://www.chinghaimongolia.com/ blogoos oruulav Сайн үйлс дэлгэрэх болтугай.

Хоол биш хонь байя би

2011-02-02T00:50:00.000-08:00

Сайн үйлс дэлгэрэх болтугай.

Мацаг барихуйн гайхамшиг

2011-02-02T00:15:00.000-08:00

Мацаг барьдаг хүмүүс хоол боловсруулахад зарцуулдаг энергээс багаханыг. харин бие махбодиосоо дээд зэргийн энерги суллаж чаддаг. Харин тэр энерги дэмий үрэгдэхгүйгээр зөв ашиглагдах ёстой юм. Тиймээс сэтгэл оюун туйлын тод болох энэ үед бясалгал үйлдэхэд хамгийн тохиромжтой цаг юм.

Тэрхүү энергийн их бөөгнөрөл сэтгэл оюуныг ухамсрын өндөрлөгт хүргэхэд ашиглагдах ёс юм. Энэтхэгт мацгийг Упаваш гэдэг бөгөөд дээд ухамсарт ойртох гэсэн утгатай үг юм. Учир нь мянга мянган жил иогчид мацгийг зөвхөн эрүүл байхын тулд бус сэтгэл оюунаа танин мэдэхүйн өндөрлөгт хүргэхийн тул үйлддэг байжээ. өнгөрсөн үеийн мэргэд урт удаан мацгаар сэтгэхүйн хүчийг олох буюу мэргэн ухааны оргилд хүрч байлаа. Тэд цэвэр цус тархийг цэвэршүүлж асар их хүч чадал өгдөг болохыг мэдэж мацаг нь сэтгэхүй оюун санааны өндөр хичээл зүтгэлд өөрийгөө зориулах хамгийн тохиромжтой цаг гэж үздэг байв.

Хэрхэн мацаг барих вэ?

Эрт цагт хүмүүс олон өдрөөр заримдаа гучаас дөчин хоног мацаг барьдаг байсан нь тэр үед хүмүүс байгальдаа ойр амьдарч илүү их хөдөлгөөнтэй байж мэдрэлийн даралт түгшүүргүй байсан болохоор хүч тэнхээтэй, олон хоногийн мацгийг даах чадвартай байлаа. Харин орчин үеийн хүмүүс бохирдолтод хэт дарагдан урт удаан хугацааны мацгийг тэсвэрлэж чадахгүй болсон байна. Иймээс богино хугацаанд тогтмол хамгийн бага нь нэг хоногийн мацаг барьж нар мандсаны дараа биеэ цэвэршүүлэхийг зөвлөж байна.

Сард хоёр удаа сарны байршлын дагуу тодорхой өдрүүдэд мацаг үйлддэг. Мацгийн үед цэвэр агаарт явж цэнгэг агаарыг гүнзгий амьсгалж, бие махбодын дасгалыг идэвхтэй хийх хэрэгтэй. Энэ нь цусны эргэлтийг идэвхжүүлж хог шаарыг түргэн цэвэрлэж хөөхөд ач холбогдолтой. Мацаг барих хамгийн шилдэг арга бол юу ч идэж уухгүй байх явдал юм. Ийм замаар барьсан мацаг дээд зэргийн үр ашигтай хурдан үйлчилнэ. Сархинцаг шахаж буй мэт биеэс бүх хорыг хөөж гаргадаг.

Хоол тэжээлийн нэг мэргэжилтэн:

-Хэдийчинээн бага шингэн ууна, төдийчинээн их хүчээр мацаг үйлчилнэ гэж хэлсэн бий.

Ус уухгүй байх өөр нэг шалтгаан нь бие махбод дахь сарны нөлөөлөлтэй холбоотой юм. Мацгийг гэнэт огцом бус аажим дасгаж барих хэрэгтэй. Та анхны удаа мацаг барьж буй бол жимс болон сүүгээр дагнаж болно. Дараагийн удаа жимс буюу жимсний шүүстэй, дараагийн удаа зөвхөн усаар эцэст нь юу ч идэхгүй, уухгүйгээр мацаг барьж үзээрэй.

Ийм замаар та аажмаар мацаг барихад хялбархан зохицох болно. Хүнд өвчтэй буюу бие султай хүмүүс бүтэн мацаглах албагүй, хагас мацаглаж болно. Үдийн хоолноос хойш дараа өдрийн өглөө хүртэл сард дөрвөн удаа мацаглаж болно. Мөн жимсний шүүс, сүү, навчит ногооны шүүстэй мацаглаж болно. Хүүхэд, жирэмсэн болон хөхүүл эхчүүд мацаг барих хэрэггүй.

"Мацаг барьж байх үедээ хоолоо ядуучуудад, усаа ургамалд хүртээж байх хэрэгтэй юмаа" гэж иогийн их мэргэжилтэн хэлжээ.

Мацаг барьдаг хүмүүс мацгийн өдрүүдэд ухаан санаа нь тод ойлгомжтой байж эрч хүч, эрүүл байдлыг мэдэрдэг. Харин эхний удаад бие махбодь чинь хэт нэвчсэн хорыг гадагшлуулж эхэлж буй учраас таныг мацаг нэлээд сульдааж болно. Чухам энэ бол мацаг үйлчилж буйн шинж юм. Нөгөө талаар бие махбодид удаан хугацаагаар тагларсан хортой хаягдлууд нь цусанд нэвчиж гадагшлан ялгарахад бэлэн болж буй нь тэр юм. Цагаавтар өнгөөр хучигдсан салст бүрхэвч ходоод, нарийн гэдсэнд хуримтлагдсан нян, хог хаягдлууд хэлээр дамжин гардаг. Чухам энэ үед хэлээ маш сайн хусаж хорыг цэвэрлэх хэрэгтэй. Энэ гадагшилж байгаа процесс бол цэвэршилтийн нэг үзүүлэлт юм. Ходоод хонхолзоход хэрэв ядарлаа тэвчихгүйгээр ихээр идэж эхэлбэл мацгийн хамаг үр ашгийг баллах болно. Мацгийн үе дэх чанд сахилга нь таныг сэтгэлийн тэнхээтэй болгоно. Оройн хоол идсэнээс 10-12 цаг болоод биемахбод өөрийгөө ямар нэг хэмжээгээр цэвэрлэж байдаг бөгөөд хорт хаягдлууд цусанд орж түүгээр гадагшлуулагдаж байдаг. Хүмүүс өглөө босоод түргэхэн хоол идэхийг яардаг. Чухам энэ байдал нь дээрхи процессыг зогсоодог байна. Зарим хүмүүс бие нь тавгүйтэхэд шөнө дунд босч хоол иддэг. Өөрөөр хэлбэл тэд хуримтлагдсан хорын шингээлтийг зогсоохын тулд ходоодоо хоолоор дүүргэж байна гэсэн үг. Энэ бүх өөрчлөлт нь хүний биед дотоод цэвэрлэгээ хийхийг шаардаж буй сануулга дохио мөн. Хүн хэд хэдэн удаа мацаг барьсны дараа бие нь цэвэршиж эдгээр сулралын мэдрэмжүүд нь арилдаг. Бүр огт өлсдөггүй. Учир нь сахар цардуул мэтийн залгидаг биет байхгүй болдог. Мөн ажлын эрч хүч сэтгэн бодох чадвар буурахын оронд улам нэмэгдэж байгааг илүү мэдэрнэ. Английн тамирчин нэг хоног мацаг бариад юм идэлгүйгээр 52 миллийн хол гүйж өмнөх амжилтаасаа хагас цаг илүү хурдалсан байна. Сагсан бөмбөгийн тамирчид тоглолтынхоо өмнө 3-4 хоног мацаг барихад эрч хүч, тэсвэр хатуужил нь эрс нэмэгддэгийг тогтоожээ.

Мацаг яаж тайлах вэ?

Мацаг хэрхэн тайлах нь мацаг барихаасаа чухал юм. Та бүх махбодоо амрааж цэвэрлэсний дараа өөх тос махтай хүнд хоолыг ихээр цадатлаа идэх юм бол ходоод тань дахин сунаж хэт ачаалалд автан мацгийн бүх үр дүн устах болно. Мацаг тайлах өглөө нар мандсаны дараа давс буюу зөгийн балтай нэг аяга нимбэгний шүүс уух хэрэгтэй. Нимбэгний шүүс нь маш шүлтлэг бөгөөд бие махбодыг цэвэрлэхэд хамгийн сайн нөлөөтэй. Энэ нь хүчлийг саармагжуулж мацгийн үед эд эрхтнээс цэвэрлэгдэн бүх зүйл салстуудыг устгах төдийгүй, шингээж амархан гадагшлуулдаг.

Дараа нь хагас эсвэл бүтэн гадил идэхдээ зажлалгүйгээр жижиг жижгээр хазаж шууд залгих хэрэгтэй. Гадил /банан/ шингээн уусгах хөвхөнцөр мэт үйлчилж ходоод нарийн гэдсэн дэх хорыг саармагжуулан хялбар гадагш хөөнө. Энэ нь хоол тасралтгүй боловсруулахад таатай нөхцөл бүрдүүлэн нарийн гэдсийг тосолж байдаг юм. Хэрэв бололцоотой бол өглөөний ундаа хагас цагийн дараа уувал зохимжтой. Мацгийн дараахь анхны хоол хөнгөн чанарын шинэ ногоо жимсээр баялаг байх шаардлагатай. Ялангуяа цэцэгт байцаа, навчит ногоо нь хоол боловсруулах замд үлдсэн хор хаягдлыг шингээж угааж суллана. Ширхэглэг хальстай ногоо нь шүүрдэж цэвэрлэж буй мэт үйлчилнэ. Шүүслэг жимс нь хоол боловсруулах замыг цэвэрлэн хамахад тусална. Өглөөний хоол амархан шингэхүйц хөнгөхен байх тусам ходоод нарийн гэдсэн дэх үлдэгдэл хор салсыг түргэн гаргадаг.

Мацгийн дараахь өдөр усанд орохдоо арьсны нүх сүвүүдээр гадагшилсан хор, хог хаягдлыг цэвэрлэхийн тулд биеэ сайтар үрж угаана.

Мацаг ба Сар

Мацаг барих хамгийн сайн өдрүүд бол шинэ сар буюу тэргэл сар гарахын өмнөх гурав хоног юм. Ямар нэг ноцтой шалтгааны улмаас тухайлсан өдрүүдэд мацаг барьж чадахгүй аваас үүний өмнө буюу хойно мацаг барьж болно. Яагаад чухам энэ өдрүүдийг онцолж байгаа учир бол сар нь дэлхийн далай тэнгис усанд асар их нөлөөтэй байдаг шиг мөн бидний бие сэтгэлд тэр хэмжээгээр нөлөөлдөг. Шинэ тэргэл сарын мөчлөгийн үеүүдэд сарны таталцлын хүч далай тэнгисийн татлага түрлэгт нөлөөлдөгтэй адил бидний бие мах бодын 70 хувь нь ус байдаг учраас тэрчлэн биед нөлөөлдөг. Мянга мянган жилийн турш хүмүүс тэргэл сар хүний амьдралд асар их нөлөөлдгийг мэдэж байлаа. Ихэнх зөн совин, байгалийн тохиолдол энэ өдрүүдтэй холбогдож тэрч байтугай одоо ч хүртэл тэргэл сартай үед л зөвхөн тариагаа тарьдаг тариачид олон бий. Саяхнаас эрдэмтэд сарны гайхамшигт нөлөө ялангуяа тэргэл сар бидний бие сэтгэлд онцгой нөлөөтэйг сонирхон судалж эхэллээ. Шинжлэх ухааны судалгаагаар тэргэл сар буюу энэ өдрүүдээс 3 хоногийн өмнө, хойно сарны татах хүч бие дэх шингэнийг дээш огшоож тархинд аваачдаг ажээ. Тархин дахь шингэний илүүдэл нь түүний үйл ажиллагааг хямрааж, уур уцаартай, догдломтгой тайван бус эсвэл сонин хачин авиртай болгох зэрэг бие сэтгэхүйн олон шинж тэмдгүүдийг үүсгэдэг байна.

Амьтад зовиуртай үедээ зөнгөөрөө мацаг барьдаг. Харин хүн бид байгалиасаа улам холдож өвчтэй үедээ зөнгөөрөө хоолондоо дургүй болох явцаа ч мэддэггүй. Улам ихээр хамаагүй иддэг. Эрт үеийн мэргэд тогтмол мацаг барьдаг байсан нь дан ганц эрүүл байхын тулд ч биш, сэтгэхүй оюун санааны өндөрлөгт хүрэх зорилготой байжээ. Тиймээс тэд "Хоолтой ходоод бодох дургүй" гэж хэлцдэг байжээ. Сократ, Платон, Пифагор зэрэг эртний Грекийн гүн ухаантнууд ном бичих, тодорхой ажил гүйцэтгэхийн тулд үргэлж мацаг барьдаг байжээ. Учир нь тэд мацаг бол сэтгэхүйн хүч чадлыг нэмэгдүүлдэг гэдгийг мэддэг байжээ. Эртний энэтхэгийн дияанч нар урт удаан хугацаагаар мацаг барьж байлаа. Грекийн гүн ухаантан математикч Пифагор оюуны нандин ухаанд суралцахаар Египет рүү очиж тэндээ 40 хоног мацаг барьжээ. Египетийн багш нар түүнд "Бидний заах юмыг чи ойлгохын тулд 40 хоног мацаг барихад болно" гэж хэлсэн Иудейчүүд өөрсдийгөө мацгаар эмчилдэг байжээ.

Будда үзэгдэх ертөнцөөс сэтгэлээ тасалж ухамсрын оргилд хүрэх гэж байнга мацагладаг байлаа. Тэрээр урт удаан 6 жил мацагласны дараа гэгээрэлд хүрсэн юм. Мацагт биеийн болон сэтгэхүйн өндөр ач холбогдол буй.

Эрт үеийн мэргэд чухам үүнийг мэддэг байсан учраас мацгийн гайхамшгийг хүртдэг байжээ. Тодорхой хугацаанд хоол ундыг тэвчин зогсоох нь бие махбодыг өөрөөр нь цэвэршүулж хуримтлагдсан хор хаягдлыг хөөж гаргадаг. Хоол боловсруулахад зарцуулагдах их хүч гүн бясалгал мэтийн оюуны үйлдэл хийхэд тархинд шууд үйлчилдэгээрээ гайхамшигтай юм аа.

http://http//www.buddhism.mn/index.php?option=com_content&task=view&id=31&Itemid=1 web huudsnaas oruulav

Сайн үйлс дэлгэрэх болтугай.

Мацаг барихуй (2011-2012)

2011-02-01T20:43:00.000-08:00

2011.оны 2-сарын 10-нд Th мацаг эхлэж Saptami ЭКАДАШИ(үд болтол мацаг барин)

2011 .оны 2-сарын 14-нд Mo мацаг эхлэж Suddha ЭКАДАШИ 2011.оны 2-сарын 15-нд Tu маргааш нь Мацаг тайлах цаг нь 09:08 - 11:25 хооронд болно.

2011.оны 2-сарын16-нд We мацаг эхлэж Trayodasi ЭКАДАШИ (үд болтол мацаг барин)

2011.оны 2-сарын22-нд Tu мацаг эхлэж Pancami ЭКАДАШИ (үд болтол мацаг барин)

2011.оны 2-сарын 28-нд Mo мацаг эхлэж Suddha ЭКАДАШИ 2011.оны 3-сарын 1-нд Tu маргааш нь Мацаг тайлах цаг нь 07:35 - 11:15 хооронд болно.

2011.оны 3-сарын16-нд We мацаг эхлэж Suddha ЭКАДАШИ 2011.оны 3-сарын17-нд Th маргааш нь Мацаг тайлах цаг нь 07:04 - 11:02 хооронд болно.

2011.оны 3-сарын 19-нд Sa мацаг эхлэж Purnima ЭКАДАШИ (сар гартал мацаг барин)

2011.оны 3-сарын 30-нд We мацаг эхлэж Suddha Ekadasi 2011.оны 3-сарын 31-нд Th маргааш нь Мацаг тайлах цаг нь 06:35 - 10:50 хооронд болно.

2011.оны 4-сарын 12-нд Tu мацаг эхлэж Astami ЭКАДАШИ(нар жаргатал мацаг барин)

2011.оны 4-сарын 14-нд Th мацаг эхлэж Suddha Ekadasi 2011.оны 4-сарын15-нд Fr маргааш нь Мацаг тайлах цаг нь 06:22 - 10:37 хооронд болно.

2011.оны 4-сарын29-нд Fr мацаг эхлэж ЭКАДАШИ 2011.оны 4-сарын30-нд Sa маргааш нь Мацаг тайлах цаг нь 05:38 - 08:22 хооронд болно.

2011.оны 5-сарын14-нд Sa мацаг эхлэж Mohini ЭКАДАШИ 2011.оны 5-сарын15-нд Su маргааш нь Мацаг тайлах цаг нь 05:15 - 10:18 хооронд болно.

2011.оны 5-сарын16-нд Mo мацаг эхлэж Caturdasi (үдшийн бүрэнхий хүртэл/нар жаргасаны дараах бүрэнхий хүртэл мацаг барин)

2011.оны 5-сарын 29-нд Su Apara ЭКАДАШИ мацаг эхлэж 2011.оны 5-сарын30-нд Mo маргааш нь Мацаг тайлах цаг нь 05:00 - 10:13 хооронд болно.

2011.оны 6-сарын 12-нд Su мацаг эхлэж Suddha ЭКАДАШИ (Бүтэн мацаг барин, хэрэв ус уувал мацаг тайлагдсанд тооцогдон.) 2011.оны 6-сарын 13-нд Mo маргааш нь Мацаг тайлах цаг нь04:53 - 10:13хооронд болно.

2011.оны 6-сарын 27-нд Mo мацаг эхлэж Suddha Ekadasi 2011.оны 6-сарын28-нд маргааш нь Мацаг тайлах цаг нь 04:56 - 10:16 хооронд болно.

2011.оны 7-сарын 1-нд Fr Amavasya ЭКАДАШИ(үд болтол мацаг барин)

2011.оны 7-сарын 11-нд Mo мацаг эхлэж Suddha ЭКАДАШИ 2011.оны 7-сарын12-нд Tu маргааш нь Мацаг тайлах цаг нь 05:06 - 10:21(хооронд болно.)

2011.оны 7-сарын 27-нд We мацаг эхлэж Suddha ЭКАДАШИ 2011.оны 7-сарын 28-нд Th маргааш нь Мацаг тайлах цаг нь 05:23 - 06:34 хооронд болно.

2011.оны 8-сарын9-нд Tu мацаг эхлэж Suddha ЭКАДАШИ 2011.оны 8-сарын10-нд We маргааш нь Мацаг тайлах цаг нь 08:24-10:32 хооронд болно.

2011.оны 8-сарын 13-нд Sa мацаг эхлэж Purnima ЭКАДАШИ (үд болтол мацаг барин)

2011.оны 8-сарын 22-нд Mo Astami ЭКАДАШИ мацаг эхлэж (шөнө дунд хүртэл мацаг барин)

2011.оны 8-сарын23-нд Tu мацаг эхлэж (үд болтол мацаг барин)

2011.оны 8-сарын25-нд Th мацаг эхлэж Suddha ЭКАДАШИ 2011.оны 8-сарын26-нд Fr маргааш нь Мацаг тайлах цаг нь 06:02-10:37 хооронд болно.

2011.оны 9-сарын 5-нд Mo мацаг эхлэж Astami ЭКАДАШИ (үд болтол мацаг барин)

2011.оны 9-сарын8-нд Th мацаг эхлэж Suddha ЭКАДАШИ 2011.оны 9-сарын 9-нд Fr маргааш нь Мацаг тайлах цаг нь 06:21 - 10:40 хооронд болно.

2011.оны 9-сарын10-нд Sa мацаг эхлэ(үд болтол мацаг барин)

2011.оны 9-сарын 24-нд Sa мацаг эхлэж Indira ЭКАДАШИ 2011.оны 9-сарын 25-нд Su маргааш нь Мацаг тайлах цаг нь 06:42 - 10:44 хооронд болно.

2011.оны 10-сарын 7-нд Fr мацаг эхлэж Suddha ЭКАДАШИ 2011.оны 10-сарын 8-нд Sa маргааш нь Мацаг тайлах цаг нь 08:01 - 10:47 хооронд болно.

2011.оны 10-сарын 23-нд Su мацаг эхлэж Suddha ЭКАДАШИ 2011.оны 10-сарын 24-нд Mo маргааш нь Мацаг тайлах цаг нь 07:24 - 10:53 хооронд болно.

2011.оны 10-сарын30-нд Su мацаг эхлэж(үд болтол мацаг барин)

2011.оны 11-сарын 6 -нд Su мацаг эхлэж Suddha ЭКАДАШИ(үд болтол мацаг барин) 2011.оны 11-сарын 7-нд Mo маргааш нь Мацаг тайлах цаг нь 07:45 - 10:59хооронд болно.

2011.оны 11-сарын 22-нд Tu мацаг эхлэж Suddha ЭКАДАШИ 2011.оны 11-сарын23-нд We маргааш нь Мацаг тайлах цаг нь 08:09 - 11:09хооронд болно.

2011.оны 12-сарын 6-нд Tu мацаг эхлэж Suddha ЭКАДАШИ 2011.оны 12-сарын7-нд We маргааш нь Мацаг тайлах цаг нь 08:27 - 11:18 хооронд болно.

2011.оны 12-сарын 14-нд We мацаг эхлэж (үд болтол мацаг барин)

2011.оны 12-сарын21-нд We мацаг эхлэж Suddha ЭКАДАШИ 2011.оны 12-сарын 22-нд Th маргааш нь Мацаг тайлах цаг нь 08:39 - 09:59 хооронд болно.

http://www.veda.mn/Book/Ulaanbaatar%202010.01.11-2015.03.05.TXT blogoos oruulav
Сайн үйлс дэлгэрэх болтугай.

Хутагт Алтангэрэлт буюу судрын аймгийн дээд эрхэт хаан хэмээх их хөлгөн судар оршвой (Алтангэрэл судар)

2011-01-25T05:06:00.000-08:00

Мэдээ оруулсан:http://www.mongoliantemple.com/ArticleDetails.aspx?MenuId=1&ArticleID=234 David

IX бүлэг: Хоосон чанар

Бурхан багш тэрхүү тогтоолыг зарлиглаж дуусаад мөн бас тэр цагт бодьсадва махасадва нар ба тэнгэр, хүн тэргүүтэй хурсан нөхөд тэдгээрт туслах хийгээд амгаланд хүргэхийн тул үнэмлэхүй үнэн хоосон чанарыг үзүүлсэн шүлэг эдгээрийг зарлиглавай:

Хосгүй гайхамшигт бусад судруудад Харин судрын дээд Алтангэрэл үүнд
Хоосон чанарыг товчхон төдий номлоё.

Ухаан өчүүхэн амьтад нэн мунхарсан тул
Ухаж юмс бүгдийг мэдэж үл чадмуй.
Учир иймийн тул судрын дээд үүнд
Үнэмлэхүй хоосон чанарыг товч төдий номлоё.

Амьтан бүгд хожим мэдэх болох
Ирээдүйн тэдэнд нигүүлсэнгүй сэтгэлийн эрхээр,
Арга ёс шалтгаан бусад бүгдээр
Эрхт дээд судар үүнийг номлоё.

Энэхүү бие нь хоосон хот мэт бөгөөд
Эрхтэнүүд нь цэрэг дээрэмчин хулгайч адил
Хамаг бүгд нэгэн балгасанд оршивч
Харилцан бие биенээ нэн үл мэдмой.

Нүдний эрхтэн өнгө дүрсэнд шохоорхож,
Чихний эрхтэн дууг нэн сонсоно.
Хамрын эрхтэн элдэв үнэрт тачааж,
Хэлний эрхтэн үргэлжид амтанд ташуурна.
Биений эрхтэн хүрэлцэхүйн тулд гүйж,
Сэтгэлийн эрхтэн юмсыг нэн ажиглана.
Эдгээр зургаан эрхтэн янагш чанагш
Өөр өөрийн орондоо машид орж үйлдэнэ.
Дотоод сэтгэл нь илбэ мэт хөдлөх
Тэдгээр зургаан эрхтэн орныг нэн мэдрэх
Хоосон тосгонд хэн нэгэн гүйх хийгээд
Хулгайч дээрэмчин цэргүүд орших мэт.
Ямар мэтээр мэдрэх зургаан оронд орших бөгөөд
Эрхтэний явдлын орнуудыг ч машид мэдэх;
Тэр мэт сэтгэл нь орон, орших сэлт хийгээд
Эрхтэний явдлын орнуудыг ч машид мэдмүй.
Аливаа дүрс, дуу мөн үнэр хийгээд
Амт хүрэлцэхүй бас мэдлийн орон юмс,
Алин зургаан эрхтэн бүгдэд бидний сэтгэл,
Автаж эрхэнд орсон мэт хөдлөх болно.
Эрхтэн алин хаана оршин буй
Эрхтэн тэр нь мэдлийн мөн чанартай
Энэ бие нь хөдлөх үгүй, үйлдвэр үгүй ба,
Эцэстээ шимгүй шалтгаанаас гарсан мөн.

Үнэмлэхүй бус бодол сэтгэлээс гарсан,
Үйлийн эндүүрэгт хоосон балгас мэт.
Үүсгэгч шороо, гал, ус, хийнүүд
Өөр өөр зүгийн балгасанд оршино.

Үлгэрлэвээс хорт могойнууд нэг үүрэнд цуглаваас,
Үргэлжид харилцан үл зохилдох мэт.
Үзтэл махбодын дөрвөн могой тэдгээр нь ч
Хоёр нь өөдөө, хоёр нь уруу тэмүүлмой.

Дөрвөн зүг зовхист хоёр хоёр бөгөөд
Дөрвөн махбодын могой тэд эвдрэх болно.
Шороон могой ба усны могой хоёр,
Шууд доош сувиран барагдах болно.

Галын могой ба хийн могой хоёр,
Гарцаагүй дээш огторгуйд одох мөн.
Урьд үйлдсэн үйл тэдгээрийн эрхээр
Ухамсар, сүнс бүгд орноосоо явмой.

Тэнгэр, хүн, гурван муу заяа зэрэг
Тэр мэт үйлдсэн үйлийн сансарт төрмүй.
Бадгана, хий, шар нь барагдах болбоос,
Баас, шээс, бөөлжсөөр бие нь дүүрч,
Хэн ч үл баясах хорхойн цогцос болж,
Хүүрийн дотор орхигдож мод мэт хатна.

Охин тэнгэр чи бээр эдгээр жам ёсыг хар.
Орчлон энд амьтан хэн нэгэн байхнаа ч,
Юмс үзэгдэл тэд бүгд хоосон чанартай.
Мунхаг сэтгэлийн шалтгаанаас гарсан мөн юм.

Их махбод эдгээр нь ихээс гарах бус,
Үл гарахаас гарсан, гарах нь үгүй болой.
Алины тул гарсан ч бус, эс гарсан ч бус
Тиймийн тул их махбод хэмээн би өгүүлсэн.
Байгаа бус ба, хэзээ ч байгаа бус.
Мунхаг сэтгэлийн шалтгаанаас гарсан мөн.

Мунхаг энэ нь байгаа бус бөгөөд
Тиймээс би мунхаг үүнийг номлосон.

Хуран үйлдсэн, тийн мэдэл, нэр, дүрс сэлт
Хамаг төрөн түгэхүй, хүрэлцэхүй, мэдрэхүй хийгээд

Тачаахуй, хүсэхүй түүнчлэн сансар хийгээд
Төрөх, хөгшрөх, үхэх гаслан хорлол бүгд
Орчлонгийн зовлон санаа сэтгэлд багташгүй
Орчлонгийн хүрд ямар мэт оршсон бүгд
Эс гарсанаас гарсан ба үл гарсан хийгээд
Ёс бусын сэтгэлээр нэн ажиглах хийгээд

Би-д барих үзлийг тасалж үйлд;
Билгүүний илдээр нисванисын торыг тасал;
Гутамшгийн оронд хоосон болохыг үз;
Гэгээрлийн эрдэм агуу ихийг мэдэж үйлд.
Рашааны их хотын үүдийг ч би нээмүй
Рашааны дуслын савыг ч бүхэнд үзүүлмүй.
Рашааны их хот түүнд би ормуй.
Рашааны дуслаар өөрийгөө би цэнгүүлмүй.
Дээд номын их хэнгэргийг би дэлдмүй.
Дээд номын цагаан лавайг ч би үлээмүй.
Дээд номын зулыг би бадраамуй.
Дээд номын хурыг би буулгамуй.

Нисванисын дайсны чуулганыг би ялна.
Номын дуаз дээдийг би өргөнө.
Гутамшигт орчлонгийн далайгаас амьтныг машид гэтэлгэж,
Гурван муу заяаны мөрүүдийг би хаамуй.

Өөдгүй нисванисын галаар энэлсэн амьтад,
Өмөг садан үгүй, шүтээн үгүй болсон бүгдийг
Амьтад нисванисын галаар энэлсэнийг амирлуулж,
Рашааны сэрүүн дуслаар цэнгүүлж би үйлдмүй.

Сэтгэшгүй олон галвын тэртээгээс би,
Санаанд багташгүй олон сартваахийг тахин үйлдэж,
Номын лагшин түүнийг бүрнээ эрэн хайж,
Номхон журамт явдлаар бодийн тулд хичээв.

Гар, нүд, хөлөө болон,
Гишүүний дээд ба үзэсгэлэнт охин, хөвгүүнээ,
Эд, эрдэнэ, сувдан чимэг ба алт,
Элдэв их эрдэнэ, биндэръяа бүхнийг өргөсөн.
,
Олон мянган найлзуур мод бүгдийг
Өвс ногоо ургамал бүгдийг
Ой цэцэрлэг ба шимт газраас
Ургасан бүгдийг таслан хумиад,

Тэд бүгдийг нухлан буталж
Тун нарийн тоос мэт болгож
Огторгуйн хот мандал хэдий төдийд
Үйрмэгийн цогцыг хураан цогцлоож
Үүнийг гурван хувь хувааж чадмуй.

Газарт байгаа тоосонцор бүгд
Гурван мянган ертөнц бүгдийн
Тоосны орон санаанд багташгүй.
Амьтан бүгдийн мэдэл алин ,

Түүнийг нэгэн амьтан болгож
Аливаа мэдэл түүгээр тооснуудын
Үйрмэгийг тоолж үйлдэх аваас,
Бүх амьтдаас үлэмж илүү
Билиг ухаан төгөлдөр хүмүүс бээр
Бүгдийг тоолж чадах байхнаа ч
Бурханы ухааныг үл чадмуй.

Онцгой их чадагчийн билгүүн
Үтэр түргэн сэтгэх боловч
Олон голди галавын турш
Алинд ч тоолж үл чадмуй.

Хутагт Алтангэрэлт буюу судрын аймгийн дээд эрхэт хаан хэмээх их хөлгөн

судраас “Хоосон чанар“ хэмээх есдүгээр бүлэг болой.

Сайн үйлс дэлгэрэх болтугай.

Их Багш Чин Хайн гарагийн талаарх эрхэм төлөвлөгөө.

2011-01-21T01:16:00.000-08:00

Хамаг амьтныг нөхцөл болзолгүй хайрлах хайраар Их Багш Чин Хай аниргүй бясалгаж, сүйрүүлэх цаг уурын өөрчлөлтөөс дэлхийн ард иргэд, тэргүүн нарыг сэргийлж өгөхийг хүсч, хүн амьтанд үзүүлэх хүчирхийллийг зогсоож, нигүүлсэнгүй веган хоол руу эргэхийг хүсчээ. Хүн төрөлхтөн бүхэлдээ өөрчлөгдөж, сэргэж чадахгүй байх магадлалд санаа зовж Их Багш Чин Хай илүү таатай үр дүнтэй Б, С, Д төлөвлөгөө зэрэг зөгнөсөн авралын төлөө цуцалтгүй зүтгэж байна. АНУ-ын Калифорний Лос Анжелест Суприм Мастер Телевизийн ажилчидтай хийсэн хурлын үеэр тэрээр бидний хүсэлтийн дагуу эдгээр төлөвлөгөөний тухай ховор мэдээг хэлсэн юм.

Их Багш Чин Хай: Би саяхан Б төлөвлөгөө дээр ажиллаж дууссан ба энэ нь амжилттай болсонд баяртай байгаа. Энэ удаа тусламж үзүүлсэн бүх бурхад, бүх тэнгэрлэгийн ачаар!

Их Багш Чин Хай: Хүмүүс амьдралын арга барилаа өөрчлөхгүй байгаа учраас дэлхийг аварч, дэлхий дээр физик амьдралыг аварч чадахгүй бол Б төлөвлөгөөгөөр там руу бүр хамгийн хүнд хүчир гэмт хэрэгтэй хүмүүс тамаас хол байхаар энэ хорвоог орхиж явах сүнснүүдийг аврахад оршино. Надад одоо олж авсан хангалттай хэмжээний буян нөөцлөгдсөн байгаа. Үүний төлөө би тоолж чадахгүйн- зиллион, зиллион, зиллон байна. Энэ нь арван тэрбум хүний чөлөөлөлтөнд хангалттай. Энэ бол бүхэл хорвоо, хорвоо, түүний ирээдүй. С хөтөлбөрийг үргэлжлүүлэхэд надад таатай боломж, цаг хугацаа, биеийн чадал байгаасай гэж найдаж байна. Тэгээд Д төлөвлөгөө.

SMTV: Дэлхийн бүх оршин суугчдын хувь заяаг өөрчлөх Их Багш Чин Хайн үлэмж их үйлд бид үүрд талархаж байна. Энэ ариун үйлд түүний хамгааллын төлөө бид чинхүү залбирч байгаа ба амь нас хэлтрүүлэх ариун үйлтэй веган хоололт руу хурдан шилжсэнээр өөрсдийгөө, гарагаа, бусад төрөл зүйлээ аврах болтугай
www.chinghaimongolia.com oos oruulav
Сайн үйлс дэлгэрэх болтугай.

"Хэрэв хүн бүр хайрын зарчмын дагуу үйлдэх юм бол бүх зүйл өөрчлөгдөх боломжтой"

2011-01-16T03:01:00.000-08:00

Төгс Гэгээрсэн Их Багш Чин Хайн 2010 оны 8 сарын 1-ны өдөр “Supreme Master” TV -ийн ажилчидтай хийсэн “Амьд Их Багшийн хосгүй их хайр энэрэл болон хэмжээлшгүй их билэг ухаан” нэртэй теле конференц-c

Шавь: Сайн уу, Багш аа. Энэ дэлхийд хийж байгаа таны хүнд ажлыг бид хэзээ ч бүрэн ухаарахгүй байх, бидэнд болон энэ дэлхийд өгсөн таны хайр энэрэлд бид өдөр бүр талархаж байдаг. Өнөөдрийн манай дэлхийд баялгийг хянан захирагч, жижиг бүлэг хүмүүс байна, эдгээр хүмүүс л улс төр, хэвлэл мэдээлэл, боловсролд нөлөөлж - энэ дэлхий дээр бидний хийж буй бүх зүйлд - энэ нь дийлэнх тохиолдолд энгийн хүмүүст мэдээллийг үл хүргэж, улмаар энэ байдал нь эргээд ертөнцийн олон асуудал зовлонгийн үүсвэр болж байна.

(Тийм.) Миний асуулт бол: Хүн төрөлхтөн нийтээрээ, хамтын муу үйлийн үрээрээ тэдгээр хүчирхэг хүмүүсийг бий болгосон уу?

Их Багш Чин Хай: Тийм. Бас л тийм. Бид тэдгээр хүчирхэг хүмүүсийг эсвэл тэр бүлгийг дан буруутгах аргагүй. Бид, хүмүүс, нийтээрээ мөн үүнд хариуцлага хүлээнэ - ойлгож байна уу? - муу үйлийн үр, тийм. Гэхдээ мэдээж тэдгээр хүчирхэг хүмүүс мөн хүсвэл өөрсдийн зүрх сэтгэлийг хайж олохыг оролдон, өөрсдийгөө гэгээрүүлэх аргыг хайх юм бол өөрчлөгдөх боломжтой. Улмаар амьдралынхаа хэв маяг, үйлийн үрд хандах хандлагаа өөрчлөх боломжтой болно. Эс бөгөөс хэдийгээр бид хамтран муу үйлийн үрийг тарилцаж байгаа ч тэд гол дүрийн баатрууд; тэд маш хүнд үр дагаврыг үүрэх хэрэгтэй болно, нэг бол энэ амьдралдаа их бага хэмжээгээр зовно, эсвэл дараачийн амьдралд нь тэднийг төлөөс нь хүлээж байх болно. Энэ их харамсалтай зүйл, гэхдээ бид мөн өөрсдийн тогтсон арга замыг өөрчилж, эсвэл дарж чадна, зөв сайн байж, буруу чиглэлээ өөрчилөн, илүү сайн сайхан, бидэнд тохирох чиглэлийг сонгох байдлаар очих байсан зовлонт муу газраа өөрчлөн сольж болно. Бид зөв зам дээр үлдэхийн тулд Үнэнийг болоод сансар огторгуйн хайрын зарчмыг мэдэх ёстой. Хэрэв хүн бүр хайрын зарчмын дагуу үйлдэх юм бол бүх зүйл өөрчлөгдөх боломжтой, бүр шөнийн дотор.

Гагцхүү хүмүүсийн ойлголт өөрчлөгдөх ёстой, мөн хүсэл зорилго нь өөрчлөгдөх ёстой. Гэхдээ мэдээж та нар харж байгаа, удирдагчид болон байгууллагын тэргүүнүүд маш том үүрэг хариуцлага хүлээдэг, учир нь тэд хүмүүсийг өргөж эсвэл доройтуулж чадна. Ойлгож байна уу? Тэд хянаж чадна мөн хүмүүсийг дээшлүүлэхгүйн тулд хашиж чадна. Энэ нь муу – нийт хүн төрөлхтөнд муу. Яг одоо үнэндээ хүн төрөлхтөн бэлэн болсон. Тэд ухамсраа өргөж, дээд түвшний хөгжилд үсрэхэд бэлэн болсон. Гагцхүү зарим нэг удирдагчид тамгаа дарчихаад, эрх мэдэлдээ хүлэгдэн хүмүүст туслахгүй, тэдэнд хүссэнээ хийх боломж олгохгүй байгаа юм. Гэхдээ хэлэхэд хүмүүс дотроо сонгох бүрэн эрх чөлөөтэй, гэрийнхээ ханан дунд - хэн ч тэдэнд саад болохгүй. Зөвхөн хүмүүс нийтээрээ их зоримог, ухаантай байж, өөрсдийгөө мэдээллээр хангаж, амь зогоох асуудалдаа хэт завгүй хүлэгдэх учиргүй. Гэхдээ ингэх хэцүү, энэ их бэрх. Ээ Бурхан минь, энэ дэлхийн бүх зүйл хүмүүсийг завгүй болгодог дээрээс нь тогтолцоо нь - улс төрийн тогтолцоо, засгийн газрын тогтолцоо, нийгэм, уламжлал – энэ бүгд зууралдсаар, тэднийг чанга хүлэн зуурсаар, тэдэнд хөдлөх боломж бараг олгохгүй байна. Энэ харамсалтай. Гэрлийг, Үнэнийг харахад нь хүмүүст тусалсан хэнийг ч бай тэд доромжилон дарамталдаг. Цаглашгүй их цаг хугацааны туршид ажиллах нь үргэлж бэрх байсаар ирсэн – зөвхөн Есүсийн үед биш, энэ цаг үед ч гэсэн. Ойлгов уу?

Шавь: Багш аа, холбогдолтой асуулт: Нэг хэсэг бүлэг хүмүүсийн тухай, гэр бүлийн тухай маш олон таамаглал онолууд байдаг, тэд дэлхийн нийт баялгийн тэн хагасыг эзэмшдэг ба тэд банкны тогтолцоог болон өөр олон төрлийн харилцаа холбоог ашигладаг, тэрчлэн тэд мөн улс төрчдийг хахуульдан авдаг зэрэг олон онолууд байдаг. Эдгээр хүмүүс нь энэ дэлхий дээр физик ертөнцийн Эзэнтэй хамтран ажилладаг уу, тэд үүнийгээ ухамсарлан мэддэг үү, эсвэл зөвхөн далд ухамсартаа мэддэг үү?

Их Багш Чин Хай: Үгүй, үгүй. Тэд үүнийгээ бүрэн ухамсарлаж байдаг. Эрх мэдэл, хүч, нэр алдар зэргийн тухайд хэлэхэд эдгээр нь зуурах нөлөөтэй, яг л гинж шиг, хүмүүсийн хүзүүнд зүүгдэн, зуурдаг. Тэр бүлэг хүмүүс нь хэн ч бай, эсвэл эрх мэдэл, хүчийг ологч нь хэн ч бай энэ барьцнаас мултарч, зөв шудрага байна гэдэг тун хэцүү байдаг. Удирдагч байж, тансагт умбаж, бусдаар өөхшүүлж, бишрэн шүтүүлж, айлган сүрдүүлж нэгэн зэрэг ухаалаг, зөв шудрага эр зоригтой байна гэдэг маш хэцүү байдаг - энэ нь тун бэрх. Энэ бүгдийг олоход чин зориг болон даруулга хэрэгтэй. Гэхдээ удирдагч байгаа нь чин зоригтойнх бол даруулга нь өөр зүйл.

Шавь: За, Багш аа.

Их Багш Чин Хай: Тэгэхээр, тэдэнд эргэж өөрчлөгдөх хэцүү байдаг. Гэхдээ би та нарт хэлсэнчилэн, хэрэв хүмүүсийн ухамсар өөрчлөгдөж, юу хийх нь зөв болохыг олж харах зоригтой байх аваас бүр муу төр засаг хүртэл сайн болон өөрчлөгдөнө, тийм, муу удирдагч сайн болно, эсвэл аяндаа солигдоно. Тийм, хувьсгал эсвэл тусгаар засаглал зэрэг тиймэрхүү зүйл хэрэггүй - зүгээр л аяндаа болно. Энэ нь яг л нар гарах үед харанхуй алга болдогтой ижил юм. Тийм, өдөр ирэх болно.

Шавь: За Багш аа.
Их Багш Чин Хай: Зөв. Тийм, өдөр болох болно.

Шавь: Тэдгээр хүмүүс... Тэд өөр гариг ертөнц дээр байж, ижил тоглоомоо тоглож байсан уу? Энэ зөвхөн манай дэлхийд учирсан зүйл үү?

Их Багш Чин Хай: Тийм, тийм. Өөр гариг дээр мөн болсон, тийм. Зарим гаригууд бүр манайхаас дор байгаа, за?

Шавь: Зөв зөв.
Их Багш Чин Хай: Гэхдээ гол нь манай дэлхий болон хүмүүс илүү өндөр ухамсрын түвшинд өргөгдөж, бусад илүү хөгжилтэй мөн сүнслэг байдлаараа дэвшсэн иргэншлүүдтэй мөр зэрэгцэхэд бэлэн болсон байтал ийм байгаа нь харамсалтай. Зарим жижиг зүйлс, бүлэг, удирдагчид биднийг хойш татаж байдаг. Тэгэхээр одоо дээшлэх эсэх хүмүүсээс шалтгаална- хувьсгалч бүлэг шиг эсвэл тусгаар засаглал шиг бус, харин ухамсраа хөгжүүлж, ойлголтуудаа өөрчилж, өөрсдийнхөөрөө бодож зөв гэж бодсоноо хийх хэрэгтэй юм. Яг л цагаан хоолтон байж, сүнслэг байдаг шиг - энэ нь ямар засгийн газар байхаас үл хамаарна, зөв үү?

Шавь: Тийм, Багш аа. Баярлалаа, Багш аа. Маш их баярлалаа. http://www.chinghaimongolia.com/ web ees oruulav

Сайн үйлс дэлгэрэх болтугай.

*******

2011-01-06T05:05:00.000-08:00

Ёогчийн өөрийн намтар ( Babaji) Meeting Babaji, the Great Immortal Saint

2010-12-16T03:42:00.000-08:00

part1

part2

part3

Сайн үйлс дэлгэрэх болтугай.

Дөрвөн эхнэртэй эр

2010-12-16T03:18:00.000-08:00

Эрт урьд дөрвөн эхнэртэй эр байжээ. Үүнийг бодож түүнийг санаашран аж амьдралаа хөөж явсаар нэг өдөр хүнд өвчинд нэрвэгдэж, үхлийн босгонд тулж ирэв. Энэ сүүлчийн хоромдоо тэрбээр маш их ганцаардлыг мэдэрч, амьсгал давчдан уймарч ууган эхнэрээ дуудаж гэнэ.

-Хайрт гэргий минь би чамайгаа хэн бүхнээс харамлаж юу байдгаа зориулж ирсэн. Одоо би чинь үхэх гэж байна. Нөгөө ертөнц уруу надтай хань болж яваач гэж гуйжээ. Лавтайяа зөвшөөрнө гэж итгэж байсны хариуд нь:

- Хань минь чинийхээ надад ямар их хайртайг мэднэ ээ. Даанч бидний хагацах цаг болжээ. Би гал голомтоо орхиж явж чадахгүй. Аян замдаа сайн яваарай гэж хэлээд гарч одов.

Хархүн удаах эхнэрээ дуудаад: - Чи бол миний гал халуун дурлал. Намайг хаяад явчих вий гэж үргэлж эмээдэгсэн. Амьсгал хураавч чамаас салмааргүй байна. Надтай цуг яваач гэж гуйлаа. Удаахи эхнэрийн хариулт санаанд оромгүй хүйтэн хөндий байлаа:

- Уучлаарай анхны эхнэр чинь татгалзаж байхад би яахаараа цуг явна гэж? Намайг хардаж харамлаж явсан чинь ердөө л таны амиа бодсон зан шүү дээ. Одоо ч гэсэн тэр зангаа гаргаж байх шив дээ гээд ширэв татан одлоо. Хөөрхий эр гурав дахь эхнэрийнхээ гараас атгаж, сүүлчийн гуйлтаа өчив. Бүсгүй нулимс унаган уярч сонссоны эцэст:

-Хайрт хань минь, чамаасаа салах надад ч бас хэцүү байна. Тэглээ гээд яах билээ дээ. Оршуулгын газар хүртэл чамдаа хань бараа болж, үдэн гаргая даа гэж хэллээ. Ийнхүү гурван эхнэрийн хэн нь ч хойд ертөнцрүү хамтад явахыг зөвшөөрсөнгүй. Горь тасарсан эр дөрөв дэх эхнэрээ дуудав. Эхнэр нэртэй боловч энэ айлын бохир буртаг бүхэнд хутгалдсан боол шивэгчин аятай шоовдор нэгэн байжээ. Энхрийлж хайрлагсад нь орхиж байхад эр нөхрийнхөө хайр халамжийг амсаагүй тэр эмэгтэйгээс ээлтэй хариу сонсохгүй дээ гэж бодсон ч үхлийн аймшиг, ганцаардлын гашуунд зүрх шимширсэн хархүн хамт явахыг түүнээс зориглон гуйлаа. Гэтэл ямар хариу сонссон гээч:

-Tа чинь миний эр нөхөр, би таны авааль эхнэр шүү дээ. Жаргал, зовлон, амьдрал, үхэл юу ч тохиолдсон бид хамтдаа байх болно гэжээ.Бурхан багш энэ ёгт үлгэрийн утгыг тайлбарласан нь:

Нэгдэх эхнэр бол бидний бие цогцсыг бэлгэдэж байгаа юм. Хүмүүс бие цогцсоо өдөр шөнөгүй хайрлан бөөцийлж , өнгөтнийг өмсгөж, амттыг идүүлэх гэж мэрийдэг ч эцсийн амьсгалаа хураах цагт эзэнд эргүүлж тушаахын адилаар энэ дэлхийд үлдээдэг. Хоёр дахь эхнэр нь эд баялаг, эрх мэдэл, нэр төрийг төлөөлж байгаа юм. Тэр бүхний олж авах гэж, олсон хойноо хадгалж харамлах гэж өдрийн бодол, шөнийн зүүд болон шаналж зүдэрдэг. Гэлээ ч үхэл ирэхийн цагт гавьяарах юм нэгээхэн ч үгүй, гар хоосон буцдаг жамтай.

Гурав дахь эхнэр бол бидний ах дүү, амраг садан, анд нөхөд. Хэчнээн ижил дасал болж, элэг зүрхээрээ уягдсан ч бай булшны газар, авсны дэргэд уйлж хоцрохоос биш, нөгөө ертөнцөд нөмөр нөөлөг болж явах хэн ч үгүй. Тэр бүгд түр зуурынх билээ. Ирэхдээ ганцаараа ирсэн шиг, буцахдаа ганцаараа л буцна. Тэгвэл дөрөв дэх эхнэр юуг билэгдэнэ вэ? Энэ бол бидний сүнсэн бие. Хүний ертөнцөд үдэлсэн аялал өндөрлөхийн цагт үхэшгүй сүнсэндээ үйлийн үрээ тэнчээлэн бид буцах болно. Үүрдийн амраг мэт түүнийгээ зуурдын холбоо сүлбээтнээс дорд үзэж, мунхралын бохир ялгадсаар гутааж явсан алдсыг хожим юугаар цайруулнам?

www.mongoliantemple.com web ees oruulav

Сайн үйлс дэлгэрэх болтугай.

Хүндэт Гуанг Чин ,Багш ,Самадид орон хоолгүй оршихуй ,

2010-12-13T04:35:00.000-08:00

Сайн үйлс дэлгэрэх болтугай.

"БАГШИЙН ХҮЧИНД ИТГЭХ"

2010-12-13T03:58:00.000-08:00

сургаалт үлгэр.

Энэ бол Энэтхэгийн үлгэр. Оюун ухааны маш сайн дадалтан нэг эмэгтэй байжээ. Тэр маш сайхан төдийгүй их хүндэтгэл хүлээдэг учраас олон хүмүүс түүнд атаархдаг байв. Түүнчлэн хаан ч бас түүнд атаархдаг байжээ. Олон хүмүүс түүнийг сайн бясалгадгийг сонсдог боловч эмэгтэй хүн тийм сайн бясалгаж чадна гэдэгт үнэмшдэггүй байлаа. Хаан түүнийг шоглох гэж ордондоо авчрахыг хэн нэгнээс гуйв.

Ийм хүнд шахалтаас тэр эмэгтэй гарахыг хичээж байлаа. Тэр өөрийн ухаан санааныхаа хирээр хичээсэн боловч талаар болжээ. Заримдаа тэр ганц хоёр удаа багшийгаа санаж дуудна... Энэ нь дадал маягтай байснаас биш тийм ч чин сэтгэлээсээ биш байв. Тэрээр багш нь түүнийг хамгаалж чадна гэдэгт бүрэн итгэлгүй өөрийн хүчээ дайчлан хичээсээр л байлаа. Багшийнхаа тусламжийг гуйж байхдаа тэр чин сэтгэлээсээ гуйж, бүх юмыг анхааралдаа авахыг багшдаа даатган орхилгүйгээр тэмцэлдсээр байв. Түүний багш илрэн гарч ирэхгүй л байв.

Эцэст нь тэр өөр юу ч хийж чадахгүй болж бууж өгөөд бүх сэтгэлээсээ багшдаа найдан хэлсэн нь: ”Одоо юу болох нь хамаагүй энэ бүхнийг зохицуулж өгөөч багшаа!” гэв. Тэр агшинд багш нь гэрлэн биеэрээ ирж , даруй түргэн түүнийг аварчээ.

Их Багшийн тайлбар:

Ихэнх үед хэрвээ бид өөрийн хүч чадлаараа тэмцэх юм бол энэ нь бидэнд илүү хүнд болдог. Их багш гэж хэн бэ? Үнэндээ энэ бол бидний өөрийн хүч бүхнийг мэдэгч, хаа сайгүй оршигч, бүхнийг чадагч, хамгийн дээд би юм. Хэрэв бид өөрийн оюун ухаанаа ашиглах юм бол доод ухамсартаа л найдна гэсэн үг, зөвхөн өнгөрсөн туршлагандаа л найдна гэсэн үг. Жишээлбэл: “Надад гарцаагүй байдал тулгарвал би юу хийж чадах вэ? Ийм хүмүүстэй зайлшгүй таарвал би ямар хариу үйлдэл хийх ёстой вэ?”.

Энэ бүгд бол бидний өнгөрсөн үед тохиолдон сэтгэлд хадагдсан байдаг. Хэдий тийм боловч заримдаа өнгөрсөн туршлага нь тэр нэгнээс өөр байдгийг та нар мэдэх ёстой, яагаад гэвэл нөхцөл байдал нь өөр юм. Заримдаа нарийн ширийн зөрөө нь үүнийг тэр чигээр нь өөр болгодог тал байдаг

Сайн үйлс дэлгэрэх болтугай.

http://www.chinghaimongolia.com/ oos oruulav

Ертөнц тоолж баршгүй оюунлаг амьдралын хэлбэрээр дүүрэн

2010-11-27T03:05:00.000-08:00

1р дүгээр хэсэг

2р дүгээр хэсэг

3р дүгээр хэсэг

Сайн үйлс дэлгэрэх болтугай.

Төвлөрөл

2010-11-23T04:12:00.000-08:00

1.Зөвхөн энэ дэлхий мөнх бус гэдгийг гүн гүнзгий мэдэрч, үүнд сэтгэл хүлэгдэхгүй болсон үед л таны сүнс цэвэр байх болно.Тэгж та бясалгалын туршид төвлөрч амархан самадид орно. .

2.Ямар нэгэн юмыг төвлөрөлттэй аяар нь хийвэл үр дүн нь төгс төгөлдөр гарна. Учир нь энэ бол Бурханаас, таны жинхэнэ билэг ухаан, төрөлх дүрээс тань гарч байгаа юм. Нэг л удаа та горьдон таамаглаж, бахархах, эсвэл тооцоолоход тэр зүйл бурууддаг.

3.Tа үргэлж өөрийн амьдралыг Бурханд зориулж, Бурханы хайран дээр төвлөрч байвал хэрэгтэй бүхэн чинь бүгд тань дээр ирэх болно.

4.Хэрвээ бид бясалгах үедээ бүх анхаарлаа нэгэн цэг дээр төвлөрүүлээд, түүнийхээ өмнө хамаг асуудал бэрхшээлээ тавьж чадвал, тэр бүхнийг агшин зуур шийдэж чадна. Бидний хүч чадал агуу их, харин бид үүнийгээ хэзээ ч ашигладаггүй. Хэрвээ бид өөрсдийнхөө хүч чадал дээр төвлөрч, түүнийгээ ашиглахгүй юм бол бидэнд ерөөсөө ямар ч хүч чадал байхгүй мэт санагдах болно.

,br>

5.Таны сэтгэлийн тэнхээ их хүчтэй. Хэрэв түүнийгээ тодорхой нэг зүйл дээр төвлөрүүлбэл, та зорилгодоо хүрэх болно.

6.Баруун зүүнийг бүү анхаар. Зүгээр л цаг үргэлж төвлөр. Анхаарлаа буцаан авчир, ийш тийш нь бүү тэнүүл, ойр орчны бусад юмст анхаарлаа бүү сарниул. Тэгвэл та амархан самадид орно.

7.Оюун санааны бясалгагч шүүн тунгааж чаддаг, өөр өөр нөхцөл байдалд яаж хандахаа мэддэг байх хэрэгтэй. Та бүх нөхцөл байдалд адилхан хариу үзүүлж болохгүй ээ.

8.Та цаг үргэлж анхааралтай байх ёстой. Ямар нэгэн юм хийхдээ биеэ даасан, учир зүйтэй, саруул сэтгэл оюунтай байх ёстой Сайн үйлс дэлгэрэх болтугай.

http://www.chinghaimongolia.com/web huudsnaas oruulav

Цагаан өвгөн

2010-11-18T05:48:00.000-08:00

Домог өгүүлсүү: Эрт урьдийн цагт Дэмжингарав уул дээр төгс гэгээрлийг олсон Ногоон Дарь Эх Бурхдаас хүүхэдтэй болох зөвшөөрлийг аван хүү төрүүлэн түүндээ Оюу хэмээн нэр хайрлажээ. Нэгэн өдөр хүүгээ хайгаад олж чадсангүй. Бурхад хүүд нь атаархан түүнийг хулгайлсан байна. Тэнгэр, газар, далайд, газар доор ч хүүгээ хайгаад эс олох Ногоон Дарь Эх хүн, амьтадаас хүүгээ сургалсаар л... Нэгэн өдөр хэрээ түүнд хар цагаан чулуугаар мэргэлдэг Алтан уулсын орой дээр амьдардаг мэргэн Өвгөнийг олж уулзахыг зөвлөжээ. Алтан уулын орой дээр мэргэн өвгөнийг олж харсан Ногоон Дарь Эх түүнд гурвантаа мөргөн ирсэн хэргээ хэлжээ. Мэргэн Өвгөн чулуугаа харан ийнхүү өгүүлэв “Таны хүүг Тэнгэрт орших ирээдүй цагийн мянган Бурхадын нутагт зуун найман суврага дунд нуусан байна” хэмээжээ. Түүнд талархсан Ногоон Дарь эх “Дараагийн дүрдээ чи бурханы төрхийг олон Цагаан өвгөн болон төрнө. Жимслэг уулнаа амьдрах та зовсон олонд туслах болно” хэмээн ерөөжээ. Мэргэн түүнд йинхүү хариулав “Оюу Бодисатва хүүгээ олон жаргалтай амьдраарай”. Мэргэнийг Ногоон Дарь эх ивээсний учир тэрээр Цагаан Өвгөн болжээ.

Энэхүү домог хэдий буддизм Монгол оронд гүн нэвтрэн орсон үеэд хамаарах боловч Цагаан өвгөний дүр нэн эртнээс монголын газар нутагт бүрэлдэн бий болж, түүхэн хөгжлийнхөө явцад шинэ шинж чанар нэмэгдэж байсныг олон тооны судар бичгүүдээс харах боломжтой юм.

Монгол Улсын Түүхийн Мүзейд хадгалагдаж байгаа Норовлин уулын булшнаас олдсон неолитийн үед хамаарагдах онгон сахиус нь судлаачдын анхаарлыг ихэд татдаг. Энэхүү сахиус нь урт зууван хэлбэртэй, нарийн зүлгэсэн мэт мөлгөр бөгөөд хөмсөг нь нийлсэн тод, хамар нь духнаас эхлэн доошоо үргэлжилсэн хөмсөгтэйгээ ижил өргөнтэй байгаа нь бие биенээ тэнцвэржүүлж өгч байна. Томоор нээсэн нүд, ам нь жижиг, мэдрэгдэх төдий боловч ангайсан нь илт байгаа нь эртний сахиусийн хөдөлгөөн мөнхөрсөн мэт харагдана. Толгойн дээд хэсэг нь шовойсон, нүүрний доод хэсэг нь сахалтай мэт доошоо уртасгасан байдалтайгаар дүрслэгдсэн.

Дээр дурьдсан сахиусын шинж тэмдэг нь Цагаан өвгөний төрх байдалтай ихэд ойр харагдах бөгөөд дүрслэлийн эдгээр чанарууд нь түүний эртний үндэс улбааг дахин баталж байгаа юм. Неолитийн энэ олдвороос дүгнэхэд Цагаан өвгөний дүр нь эхийн эрхт ёсоос эцгийн эрхт ёсонд шилжих үед бүрэлдэн буй болж байсан гэсэн таамаглалыг дэвшүүлхэд хүргэж байна. Цагаан өвгөнийг дүрслэхдээ эмэгтэй хүний үржихүйн шинжийг өөртөө агуулсан уран сайхны болоод билэгдлийн атрибутикуудыг хэргэлдэг нь энгийн зүйл биш юм. Учир нь Цагаан өвгөний дүр нь өөртөө эмэгтэй хүний үржихүйн шинж болоод эр хүний үр тогтоох шинж чанаруудыг хоёуланг нь агуулсан байдаг юм. Тухайлбал тигийн дагуу Цагаан өвгөнийг агуйн өмнө, тоорын мод доор суусан байгаагаар дүрсэлдэг.

Уран сайхны болоод билэгдлийн утгаараа агуй болон тоорын мод нь эмэгтэй хүний үржихүйн шинжийг тодотгосон билэгдэл юм. Эр хүний билэгдэл болох тэнгэр болоод уулын эзэн нь бас Цагаан өвгөн билээ. Үүнээс гадна түүнийг хүрээлж буй амьтдыг хосоор нь дүрсэлдэг нь эртний хүй нэгдлийн үеээс улбаатай болохыг хадны сүг зургуудаас ч олж харж болох бөгөөд билэгдэлт чанараараа хос амьтад нь үржин, арвижихийн билэгдэл билээ. Дэлхийн хамгийн анхны дархан цаазат газар болох Богд хан уулын онгон сахиус нь Цагаан өвгөн байдаг нь ч тохиолдолын хэрэг биш юм. Бөөгийн шашны хөгжлийн явцад Цагаан өвгөн нэгэн цогц дүр болон бүрэлдсэн боловч бичиж үлдээсэн баримт байхгүй учир яг аль үед хамаарахыг хэлэхэд бэрх юм. Бөө мөргөл хөгжсөнөөр Цагаан өвгөний байр суурь газар тэнгэрийн дунд оршиж байсан бол тэнгризм буюу тэнгэрийг тахин шүтэх үед Цагаан өвгөн тавин таван цагаан тэнгэрийн нэгэн болоод од, нар, сартай холбоотой болсон байна. Монголын баатарлаг туульс эрт дээр үеээс хөгжиж ирсэн боловч XIY-XVI зуунд феодалын тархай бутархай байх үед илүүд их хөгжиж байсан гэж судлаачид үздэг. Энэ үед магадгүй “Аргил Цагаан өвгөн”, “Баян Цагаан өвгөн” гэсэн бүтээлүүд бүрэн цогц шинж чанартайгаар бүрэлдэн бий болсон. Монголчууд хамгийн их зовж байх үедээ өөрийн хүндэлдэг, биширдэг байсан дүрийгээ баатарлаг туулсын гол дүр болгосон. Баатарт байх ёстой шинж чанар бүгдээрээ байдаг боловч, Цагаан өвгөн мань өрөө байлдахаас илүүтэйгээр баатрын удмыг бий болгож өгдөгөөрөө онцлогтой.

Сударт “Цагаан өвгөн нэрт” бурхнаа гэнэт долоо удаа хашгирваас би биерээ халхална” гэсэн үг нь баатарлаг туульсийн шинж чанарыг илтгэн байдаг бол харин дүрслэх урлагт энэ шинж бараг тусгагдаагүй байдаг. XVI – зууны сүүл болон XVII эхээр Монголын газар нутагт буддын шашин гурван удаа орж ирсэнээс гуравдах давалгаа нь илүү их амжилттай болж нийт орон даяаар тархахад Цагаан өвгөнийг буддизмийн пантеонд оруулсан билээ. Буддизм нь аливаа улс гүрэн нэвтрэн орохдоо тухай газрын хүчтэй байсан зүйлүүдийн заримыг нь өөртөө шингэн авч амжилттай түгээн дэлгэрүүлж байсан тухай Төвдийн жишээн дээр оросын эрдэмтэн К.М.Герасимова, монголын жишээн дээр Л.Н. Жуковская нар бичиж байсан. Цагаан өвгөнийг буддизмд оруулахын тулд Бурхан багш түүнийг “Хүндлэн тахиж явах” зарлиг буулгасан судар бичигдсэн байна. Түүнийг дүрслэх урлагт оруулахдаа “Цэрэдуг” буюу “Урт наст зургаа” буюу “Хурмаст хөх тэнгэр, Хайрхан сарьдаг уулс, хөвч ой тайгыг мөнх наст амьгүй гурав, агаарын жигүүртэн, бодь гөрөөс, Цагаан өвгөн урт наст амьтай гурав” гэж бүтээдэг болсон байна. Буддизмд нэвтрэн ороход тодорхой эртний үндэс сууртай Цагаан өвгөний дүрийн хувьд буддизмийн зөөлөн төрхийг олоход хэцүү байсан. Буддизмийн тийгийн ёс Цагаан Өвгөнд түүний “эртний инээмсэглэлийг /archaic smile/” үлдээжээ.

“Урт наст зургаа” буюу “Цэрэндуг”-ийн тигийн билэгдлүүдийг авч үзье. Энэ зураг дээр Цагаан Өвгөнийг зүүн гартаа луу тэргүүтэн таяг, баруун гартаа эрхи тус тус барьсан, “Шажныг өөд мандуулсан” гэж баруун хөлөө дээш өргөсөн, “муу зүйлийг дарагч” хэмэн зүүн хөлөө доош дарсан, толгой нүүр нь монголжуу дүр төрхтэй боловч дээр дүрьдсан загварчилгаа харагдаж байна. “Цэрэндуг”-ийг жимслэг модны доор агуйн өмнө, ууланд байрлуулсан бөгөөд эргэн тойронд хос бар,нугас, буга, хун бүтээсэн бол зургийн доод хэсэгт цөөн тооны үхрийн сүрэг бэлчиж байгааг дүрсэлсэн нь сударт өгүүлдэг “үхрийн мялан халдварыг ангаана”, “дөрвөн хошуу малыг өсгөх буюу нэн илүү үхрийг өсгөнө” гэж тодотгон айлдсан байдаг, зураач энэ санааг уран зурагт нэмэн оруулсан нь буддийн шажны хатуу ёс горимын дагуу дүрслэгддэг бурхадын дэргэд Цагаан өвгөн нь зураачид илүү эрх чөлөө олгодог дүр байжээ.

Ойрдуудын хувьд XVI зуунд буддын шашныг хүлээн авч, дэлгэрүүлэн, XVII зуунд ойрдын нэгэн хэсэг нь оросын зүгийн чиглэн Каспийн далай орчимд суурьшсан юм. Ингээд Халимаг гэдэг шинэ үндэстэн оросын харьянд бие болсон. Халимагуудын хувьд өөрийн түүхэн эх орноосоо хол нүүж явсан учир өөрийн соёл уламжлалыг хадгалан үлдэхэд маш их саад бэрхшээлийг даван туулсан. Газар зүйн хувьд алслагдмал байдлаас гадна Монголтой харилцах боломжийг оросын талаас нэг хэсэг зогсоосон байсан учир, өөрсдийн уламжлалт зүйлсүүдийг алдахад хүргэсэн. Халимагуудын хувьд газар нутгийн лус савдаг болон тахин шүтэх ёсон мартагдан бүдгэрч байсан ч Цагаан өвгөний дүрийг тэд ихэд хайрлан хамгаалж түүнд мөргөн, сүсэглэж ирсэн билээ. Монголд Цагаан өвгөн шинийн 2 болон 16 нд ирдэг гэж үздэг бол Халимагт Цагаан өвгөн 12 сарын 25-наас гурван хоног нүүдэлж явдаг гэж үздэг бөгөөд түүнийг нүүхэд саад болохгүйн тулд гадаа хамаагүй зүйлс асгаж болохгүй хэмээн цээрлэдэг. Халимагийн Цагаан өвгөнийг харахад босоо, өөдөөс харж зогсож байгаа дүр нь илүүд хөгжсөн. Энэ дүрүүд нь энгийн зохиомжтой боловч дүрийн шийдэл дээр сэтгэл зүйн илрэл илүү их тусгагдсан байдаг ба өөрийн ард түмний хувь заяны төлөө санаа зовниж байгаа мэт харагддаг нь Цагаан өвгөний дүрийг илүү драматик харагдуулдаг нь бий.

Монгол туурагтнуудын өөр нэгэн үндэстэн болох буриадуудын хувьд түүхт нутаг орноосоо холдоогүй учир оросын нөлөөг эрс үгүйсгэн эсэргүүцэхгүй байсанаас болж оросын нөлөөнд илүү ихээр автагдсан гэж судлаачид үздэг. Энэ нь ч дүрслэх урлагт нь их мэдрэгдэж зарим бүтээлүүд дээр нь оросжуу дүр төрх илэрдэг. Буриадууд Цагаан өвгөнийг ихэд тахин шүтэж түүний дүрийг шарын шажны дээд төвшний бурхан мэт өөрчлөн нигүүлсэнгүй, амирлангүй дүр төрхийг түүнд илүүтэй шингээн, бадамлянхуа сэнтий дээр заларч байгаагаар дүрсэлдэг. Халимаг болон буриадын уран бүтээлчдийн хувьд нэг талаас оросын соёлын нөлөөлөл, нөгөө талаас газар нутгийн хувьд шашны төвөөс хол оршдог нь нөлөөлж шажны дүрслэлийн хатуу тиг жаягийг ягштал мөрдөлгүй чөлөөтэй сэтгэн бүтээх эрх чөлөөг олгожээ.

Тиймээс ч Халимаг болон буриадын бурханчид болон зураачид Цагаан өвгөний дүрслэлд өөрсдийн онцлог зохиомжийн элементүүдийг шигтгэн бүтээдэг болох нь тэдгээрийн бүтээлүүдээ харагддаг. Ази тивийн олон улс гүрэнд Цагаан өвгөний дүр байдаг. Өөрсдийн түүхэн хөгжил, амьдралын хэв маягаас шалтгаалан тиг, дүрслэлийн хувьд өөр өөр байхаас гадна зарим газар энэ дүр нь хадаглагдан үлдсэн байдаг бол зарим газар замхран мартагдсан байдаг.

Монголчууд нүүдэлчин соёл иргэншлээ өнөөг хүртэл хадгалан үлдсэн явдал нь эртний ёс заншил, уламжлал, соёлын өв уламжлагдан үлдэхийн үндэс нь болжээ. Цагаан өвгөн нь газар лусны эзэн, эд малыг тэтгэгч, догшин газрыг дарагч гэх мэт нүүдэлчин амьдралын амин чухал зүйлүүдтэй холбоотой байсан учир монгол туурагтны хувьд хамгийн эрхэм дүрүүдийн нэг нь болон уламжлагдсан. Буддын шажин орж ирсэнээр Цагаан өвгөнийг бага зэрэг сулруулан шашны хамгаалагч төвшинд оруулсан ч Цагаан өвгөний дүр нь энгийн малчин ард түмэнд илүү ойр байдаг ба монголчуудын амьдралын өөрчлөлтийг даган уг дүр нь хувьсан өөрчлөгдөж, хөгжиж ирсэн юм. Уран бүтээлчид Цагаан өвгөний дүрийг бүтээхдээ хатуу тиг жаягийн дагуу бус гагцхүү дүрийн онцлог байдал, функцийг нь илүү тодотгон бүтээж байснаараа онцлогтой. Цагаан өвгөнийг мастерууд, гар урчуудаас гадна энгийн хүн хийсэн болов уу гэмээр гүйцэтгэл муутай бүтээлүүд тааралддаг ч гэсэн, бүтээгчийн уг дүрийг нандигнан, хайрлан бүтээсэн нь илэрхий харагддаг. “Цэрэндуг” зохиомж нь Монгол, Халимаг, Буриадад түгээмэл тархсан байхад, бусад дүрүүдэд өөрсдийн өвөрмөц дүр төрхийг илүүд гаргасан байна.

Монголын дүрслэх урлагт “Эртний инэмсэглэл”-тэй Цагаан Өвгөний дүр төрх илүү давамгайлж байхад, Буриадад нигүүлсэнгүй дүр илүү хөгжиж харин Халимагт олон түмнийг хамгаалагч өвөг дээдсээ дүрсэлсэн мэт сэтгэл зүйн илэхийлэл сайтай драматик дүр анзаарагддаг. Дүрийн хувьд догшин ширүүн дүрээс нигүүлсэнгүй, амарлингүй дүр хүртэл олон янзын бүтээлүүд тааралдаж байгаа нь тухайн нутгийн зон олны итгэл бишрэл, сүсэг сүжиглэлийн онцлогуудыг тусгасантай холбоотой. Ийнхүү Монгол туурагтан эртний улбаатай Цагаан өвгөний дүрийг дүрслэх урлагийн орон зайд мөнхлөхдөө түүнийг монголын ард түмний сэтгэлгээний онцлог, ертөнцийг үзэх үзэл, оюуны соёлын уламжлалыг шингээн дүрслэж ирсэн байна.

http://shops.mn/download/budhha/338-2010-04-13-09-34-40 webees oruulav
Сайн үйлс дэлгэрэх болтугай.

Бясалгал, дадал Онч мэргэн үгс

2010-11-16T02:25:00.000-08:00

1.Юу хүссэнээ хийлгэж байхын тулд бие, хэл, сэтгэлээ дадуулах хэрэгтэй. Бид хүссэн даруйдаа л уйлж, эсвэл инээж чадна, ингэвэл бидний хариу үйлдэл жам ёсны болно. Бид уйлах үедээ уйлж, инээх учиртай бол инээ. Та нар ойлгож байна уу? Шаардлагатай тохиолдолд бид уурлаж ч, эелдэг зөөлөн байж ч чадна. Бид өөрсдийнхөө бүрэн эзэн болно. Чингэвэл бид юу ч хийхийг хүслээ гэсэн ч эх дэлхийдээ ач тусаа өгөх болно. Ийм түвшинд хүрэх хэцүү биш ээ, үүний тулд бидний хийвэл зохих зүйл бол ердөө л бясалгал юм.

2.Куан Инь Аргыг бясалгахын ач тус ихээ. Зарим хүн бурханлиг билэг ухааныг, зарим нь дотоодын ахуй ойлголтыг, зарим нь бурханлиг аялгууг хүртэж, зарим нь гүн самадид орж, зарим нь хайр энэрлээ хөгжүүлж , зарим нь Бурханд итгэлтэй болж , зарим нь хамгийн төгс дээд сургаалиас хамааралтай болохоо мэдэрч, зарим нь сайн сайхнаа хөгжүүлдэг. Эдгээр нь тэдний бясалгалын үр дүн .

3.Өөрийгөө хэрхэн хамгаалахаа мэдэж байх нь бясалгагч хүний хувьд маш чухал. Учир нь түүний дотор аугаа их эрдэнэ байдаг.Сөрөг хүч сайн бясалгадаг хүнтэй ойр байх дуртай.

4.Энэ дэлхий хүнээр дүүрэн.Хүн бүр өөр өөр ажилтай. Бясалгагчид хайр адислалт сүнс болоод сэтгэлээрээ онцгой байдаг. Энэ дэлхийд ийм оюун санаалаг хүмүүс хэрэгтэй болохоор бид тэднийг Куан Инь Аргаар хөгжүүлдэг юм. Энэ бол бясалгагч хүний үүрэг хариуцлага. .

5.Хийж буй юм бүхэн тань дадлага. Сайн хийж буй юм бүхэн тань дадалагажилт. Энэ бол бясалгал, Бурхан болоод орчлон ертөнцөд туслаж хувь нэмрээ оруулж буй явдал. Энэ бол зүгээр нэг бясалгал ч биш сурах дадлага туршлага.

6.Диваажинд эм тарианы оронд гэрлийг эмчилгээнд хэрэглэдэг. Магадгүй бид ирээдүйд үүнтэй ижил төстэй гэрлийг өвчин анагаахад хэрэглэнэ гэж би боддог. Хөгжим гэгдэх аялгуугаар эмчлэгддэг өвчин байдаг. Бидний бясалгаж байгаа бясалгал гэрэл аялгууг агуулдаг. Маш их зовлон шаналал дарамт шахалт аяндаа багасч, эцэстээ алга болдог.

7.Зарим үес саад бэрхшээл, үзэн ядахуй, шунал хүсэл, атаа жөтөө, эд өглөгт дурлах явдалтай тулгарахад чармайн бясалгаснаар тэдгээрийг даван туулах болно. Та цаг ямагт Багшийнхаа номыг уншиж, бичлэг сонсож, улам хичээн бясалгаж, “Аялгуу Ажихуй”-гаа улам сайн хийж, бясалгалдаа илүү их хичээл чармайлт гаргаж, бясалгах зам мөрдөө илүү их төвлөрөх хэрэгтэй. Гагцхүү хамгийн төгс дээд хүчний ивээлд орсон цагт л аюул үгүй болно, өөр ямар ч аргагүй юм.

8.Илүү ихээр бясалгаж байгаа болохоор ямар ч асуудал бэрхшээлийн хамгийн сайн шийдвэр хариултыг аяндаа зөнгөөрөө мэдэх болно

9.Таны оюун санааны бясалгалаас ирж буй хүч үзэгдэж харагдахгүй боловч ашиглаж болохгүй биш юм. Нэгэнт та Маяагийн дэлхийд амьдарч байгаагаас хойш, олон сэтгэл татагдалт, үйл үртэй тулгарахаас зугтаах аргагүй. Заримдаа тэр хамтын үйл үр, заримдаа өөрийн үйл үр байдаг. Тэр үйл үр нэг нэгэндээ нөлөөлдөг, тэгэхээр хэн нь ч хэнийгээ буруушаах хэрэггүй.

br> 10.Та энэ дэлхийд амьдарч байгаа хэдий ч сэтгэл хүлэгдэх хэрэггүй.Энэ дэлхий дээрх бүх юм зовлон гэдгийг мэдэж, яг л намагт нууранд бохирдохгүйгээр орших лянхуа цэцэг шиг, хамгийн төгс сургаалд сэтгэлээ дадуулах хэрэгтэй.

11.Куан Инь бясалгал хийх явцад дотоод хэлбэлзлийн өөрчлөлтийн улмаас шинэ шинэ санаанууд төрж, шинэ шинэ эд эс өсөн дэлгэрэх болно. Тэр үед дахин төрж буй мэт л байдаг. Дахин залуужихуй, дахин төрөхүй гэгддэг зүйл тань энэ л юм шүү дээ.

12.Оюун санааны бясалгагчид цаг үргэлж уужуу ухаантай байх ёстой, тэгж байж энэ тань Бурханы хайр адислал оршин байх хангалттай орон зай болно. Сэтгэл маань ертөнцийг бүхлээр нь хүлээн авах хангалтай тэлүүн байхад бид Бурханыг таньж ухаардаг.

13.Бясалгал гэдэг ердөө л суугаад байна гэсэн үг биш. Та цэвэр ариун, өршөөл, нигүүсэл бүхий сэтгэлээр төвлөрөх хэрэгтэй, тийм биш бол зүгээр л цагаа үрж буй хэрэг болно.

14.Анхандаа боломжгүй мэт санагдаж байсан зорилгодоо хүрнэ гэдэг таны хувьд маш их шан харамж. Шаргуу хөдөлмөргүйгээр, юмс энгийн зөөлнөөр үргэлжлээд, ямар нэгэн юманд амархан амжилт олоод байх нь танд сайн биш. Ийм ч учраас саад бэрхшээл оршдог. Бясалгал дадлынхаа зам мөрд та шаргуу хөдөлмөрлөх хэрэгтэй.

15.Өөр хэн ч биш зөвхөн та л өөрийн бясалгал дадлаа үргэлжлүүлэн хийж, гэрлээ асаан тэр замаар замнаж чадна. Мэдээж өвчтэй зовлонтой ингэж чадахгүй үед Багш таныг түшин цааш авч явна.Таныг эсэргүүцэх юмуу, өөр замаар явахыг хүссэн үед л Багш таны ард хоцордог. Хэдийгээр Багш шавиа зөв замаас холдож буйг мэдэж байвч түүний л аяыг хардаг, гэхдээ шавиа хэзээ ч орхидоггүй, шийдвэрт нь ч саад болдоггүй.

16.Хэдий их бясалгана, төдий их сонор сэрэмжтэй байх хэрэгтэй болно. Ингэхгүй бол амархан нөгөө тийш унана. Хэрвээ тийшээ уначихвал бусад ойлголтоос суралцах чадваргүй болно.Тэгэхээр ахуй ойлголтын ямар ч түвшинд баясаж болохгүй. Үүнийг Очир Алмааз сударт “Ямар ч муу зуршилгүй бай, сэтгэлээ чөлөөтэй байлга “ гэсэн байдаг.

17.Оюун санааны дадлын хамгийн дэвшилтэт дээд арга дандаа энгийн байдаг. Хүмүүс будлиантай ярвигтай байдалд дасчихсан байдаг учраас энгийн ердийн болохоор нь ойлгодоггүй юм.

18.Сүмийн бясалгагч бай, энгийн хүн ч бай, та өдөр бүр өглөө оройд бясалгах ёстой. Өглөө нь өдрийн хүндхэн бэлэгтэй нүүр тулахын тулд, орой нь хамгаалуулж, шөнө тайван амрах, өдрийн бохирдсон уур амьсгалыг цэвэрлэх гэж бясалгадаг юм.

19.Цагаан хоолтон, сахилаа чанд сахидаг, өдөр бүр бясалгадаг бол үүнийхээ үр дүнг үздэггүй хүн гэж нэг ч байдаггүй. Багшийн заавар зөвөлгөөг дагаж буй хэн ч үлгэрийн дагина, Бодисадва, гэгээнтэн, архат юм.

20.Бясалгаж байхдаа сүүлчийн удаа бясалгаж байгаа мэт, маргааш эсвэл тавхан минутын дотор амьсгал хураах гэж байгаа мэт чин сэтгэлтэй бай. Сэтгэлдээ ийм хандлагатай бясалгаж байвал амжилтанд хүрэх болно

21.Бясалгалаас ирж буй буянаа та энэ дэлхийтэй хуваалцах хэрэгтэй. Та зөвхөн өөрийнхөө төлөө бясалгадаггүй юм шүү.

22.Бясалгагч хүн энгийнээс энгийн болдог: Таныг хэн ч бясалгадаг гэж мэддэггүй бол хамгийн сайн.

23.Бясалгаж байхдаа та өөрийгөө болоод өрөөлийг амар амгалан болгож байх хэрэгтэй.

24.Та хэвтэж байхдаа ч бясалгаж болно.Сэтгэлээ билгийн мэлмий дээрээ байлга, нүдээ ань, гэхдээ билгийн мэлмийгээ бүү аниарай.

25.Та бусдад хүндлүүлэхийн төлөө бус өөрийнхөө төлөө л оюун санааны дадал хийж байгаа юм шүү.

26.Бясалгаж байхдаа бид олон амьд биест ач тустай байж чаддаг. Бидний хэлбэлзэл түгэн тархаж байгаа болохоор бүх улс орныг гэрэлтүүлэн гийгүүлж, бүхий л орчлон ертөнцийн дотоод ухамсарыг дээшлүүлж байдаг юм.

27.Куан Инь Арга бол бас л нэг төрлийн биеэ хамгаалах урлаг. Энэ урлагаар та өөртөө байгаа болон байхгүй бүх л төрлийн сөрөг хүчийг өөрийн оролцоогүйгээр ялан дийлэх болно.

28.Энэ дэлхийд сэтгэл хүлэгдэхгүй бол, та эргэлзээгүй буцаж ирэхгүй болно.

29.Өдөр тутмын бясалгалаар Бурханаас ирж буй маш их хайрын хүчийг шингээн авах төдийгүй бие, сэтгэлдээ хортой мэдээллийг бүрэн үгүй хийж чадна.Тийм учраас та бясалгал хийх, ариун ном судар уншихаа зогсоох ёсгүй юм.

30.Оюун санааны бясалгагч бид, өвчтэй зовлонтой, баяр хөөртэй ямар ч нөхцөлд байсан хамаагүй, бясалгаж байхдаа нэг янзын төвлөрөлтөнд байх хэрэгтэй. Өөрийгөө март, ертөнцийн сэтгэл татам зүйл, янз бүрийн нөхцөл байдлыг март, Бүхнийг Бурханы төлөө хийж буй гэдгээ мэдэх хэрэгтэй.

31.Бясалгаж байгаа нь мөн нь л нэг ёсны шагнал, учир нь сууж чадахгүй байгаа үедээ та билэг ухааны төлөө суухыг үнэхээр хүсдэг, ахуй ойлголт гэгдэх тэр зүйлийг үзэж байна уу? үгүй юу? энэ бол угаасаа нэг төрлийн шагнал.

32.Өөрийгөө хянаж ажиглахгүйгээр гэгээрсэн Багшийг зүгээр л харах ямар ч хэрэггүй зүйл! Муу бодол, хар сэжиг, алдаа дутагдал, би үзлээр халхлагдсан үзэл бодолдоо дүн шинжилгээ хий.Зөвхөн тэгж байж л та дотоодын Багшаа харж чадна.

33.Таны авъяас чадвар мөн л билэг ухаанаас төрдөг.Тиймээс хэдий чинээ их бясалгана, та төдий чинээ их авъяас билэгтэй болно.

34.Гэгээрэл таныг улам хайр энэрэлтэй, тэсвэр тэвчээртэй, оюун ухаантай болгодог. Энэ бол хамгийн сайн ашиг тус.

35.Жинхэнэ эр хүн яаж хариулахаа, хэдийд урагшилж, хэдийд ухрах, юу хатуу, юу зөөлөн болохыг мэдэж байх шаардлагатай, ийм байж чадвал тэр үнэхээр сайн хүн.

36.Бид энэ дэлхийг өөрчлөх гэж биш билэг ухаанаа өөрчлөх гэж оюун санааны бясалгал хийдэг. Бид үзэл бодлоо өөрчлөөд муу гэж боддог нөхцөл байдлыг сайн болгох гэж билэг ухаанаа ашигладаг

37.Бүх юм дадал. Билэг ухааны аргад суралцаж байгаа нь уян хатны зам. Уян хатан байгаад сурчихсан үедээ, урьдчилж бэлдсэн үйлдэл биш бүх л төрлийн гэнэтийн, аяндаа үүсэх өөрчлөлтөнд та дасаж дадна, энэ хамгийн сайн арга.

38.Энэ зовлонгийн далайгаас чөлөөлөгдөх, орчлон ертөнц болоод өөрийгөө ойлгож ухаарахын тулд та үргэлж өөртөө итгэж, үнэхээр илэн далангүй байж, хичээнгүйлэн бясалгах хэрэгтэй.

39.Цаг үргэлж бид бясалгаж, хамгийн түрүүнд Бурханд талархаж, багахаан хувь заяаны төлөө залбирдаг, тэгээд л бид Бурханы бүхий л нинжин сэтгэл, хайр зориуллагыг санаж байдаг

40.Бусдад бясалгаж дадалгажих боломжийг санал болгож, Үнэн Мөн рүү буцахад нь тус болох гэж Багшийн үүрэг даалгаварт хувь нэмэр болж буй хүчин чармайлт тань Бурханы орон руу явж буй зам дахь дахиад нэг чулууг даван алхаж байгаа явдал юм.

41.Оюун санааны бясалгал дадалд, бид хамтдаа нэгэн санаа зорилготой байвал өөртөө болоод, бусадтай хуваалцахыг хүсэж байгаа, мөн бидэнтэй хуваалцахыг хүсэж байгаа хэн ч бай аугаа их ач тусыг хүртэх болно.

42.Ердөө л билэг ухаан, өөрийгөө таних, жинхэнэ гэрээ мэдэх, эрх чөлөөтэй,хайр энэрэлтэй, аз жаргалтай байхын төлөө та бясалгах хэрэгтэй.

43.Хэрвээ хүн бүхэн Аръяабалын бясалгалыг хийвэл бүгд маш их жаргалтай, уужуу тэнэгэр, сэтгэл хангалуун байх болно. Ямар ч дайн дажин байхгүй. Ямар ч юмны хэрэггүй болно. Учир нь асуудал бэрхшээлийг уг ёзоороос нь анхааран үзэж байгаа болоод тэр.

44.Зөвхөн Бурхан дээр бясалгах үедээ та гэрэл, аялгуугаар Бурхантай шууд холбогддог.Та хэн нэгнээс сурахгүйгээр,ном сонин уншихгүйгээр мэднэ бүгдийг мэддэг.Та гүн гүнзгий, үүрд мөнх ойлгож авдаг.

45.Энэ дэлхий дээр оюун санааны дадлаас өөр итгэж болох хүч чадал, газар орон гэж үгүй. Харгис хэрцгий бие хамгаалах урлаг, атомын бөмбөг хүмүүсийг зөвхөн хороож хөнөөхөөс биш тус дэм болдоггүй.

46.Бясалгал бол бас л ажил. Бясалгаж байх үедээ бид маргааш гарч дахин тэмцэхийн тулд сүнснийхээ хүнс тэжээлийг авч хүч чадлаа дүүргэдэг юм. 47.Бясалгал, дадал, буян, хичээнгүй оролдлого, билэг ухаанаас хамаардаг. Гадны хүчин зүйлээс шалтгаалдаггүй.

48.Бидний оюун санааны бясалгал дадлын зорилго бол билэг ухаанаа нээх, эх болсон зургаан зүйлд туслах, энэ дэлхийн хүч чадал, соёл иргэншлийг дээшлүүлэх явдал юм.

49.Бясалгаж чаддаг болохоор хүн төрөлхтөн аугаа юм, бид өөрийн Бурхан дүрийг олж чадна, мөн Будда ч болж чадна. Дотоодоо буй Бурханаа олж дотоод диваажингаа үзэх үедээ бид хүн төрөлхтөн үнэхээр аугаа юм байна гэж хэлж чаддаг.

50.Анхаарлаа байнга маш ихээр нэг зүйл дээр – нэгэн үзүүрт, бүх л сэтгэлээрээ хандуул, энэ бол бясалгал. Би анхаарлаа зөвхөн дотоод хүч, өршөөл нигүүсэл, хайр энэрэл, Бурханы өршөөнгүй чанар дээр төвлөрүүлдэг, энэ бол миний бясалгал.

51.Угаасаа, баяр жаргалтай сэтгэл бол бясалгал дадлын үр жимс.

52.Сайныг хийх үү мууг хийх үү, бусдад эрх чөлөөг нь өгөх үү үгүй юу гэдгээ сонгох эрх чөлөө танд бий. Та хэн нэгнийг гүжирдэж, хэн нэгэнтэй хэрэлдэж, хэрэг явдалтай зөрчилдөх хэрэггүй. Ийм л байж чадвал тухайн хүн бясалгагч хэмээн нэрлэгдэх болно.

53.Бясалгалгүйгээр, өөрийн урьдчилж төсөөлсөн бодол төсөөллөө үгүй хийх өөр ямар ч арга танд байхгүй.

54.Оюун санааны бясалгал дадлыг хийх нь хүнд хэцүү биш . Яг л хүүхэд энгийн байх шиг - Будда болох бас л хялбар.

55.Оюун санааны бясалгагч байх үедээ, өөрийн билэг ухаанаа ашиглахдаа алдаж бүдэрвэл харуусан гэмшиж байх хэрэгтэй.

56.Бясалгахаас өөр аргаар та энэ дэлхийд туслаж чадахгүй юм. Өөрийгөө улам сайн болго, ёс суртахуунаа дээшлүүл. энэ дэлхийд Энэ чинь мөн л аугаа тус дэм.

57.Таны амьдрал баяр баясгалантай, идэвхтэй өрнүүн, утга учиртай байх ёстой. Та зүгээр л баяр баясгалан болоод суралцахын төлөө цаг хугацаанаас маш олон зүйлийг судалж болно. Зөвхөн Гэрэл Аялгуу л танд энэ дэлхийн ямар ч асуудал дээр туслаж чадна. Диваажинд та цорын ганц нэртэй байх болно. Энэ бол хайр энэрэл билэг ухааны нэр юм.

58.Аръяабалын бясалгалыг хийсний дараа таны ухамсар оюуны хүч урсан ундарч эхэлдэг. Та тархины эд эсээ тэр бүү хэл бие махбодийнхоо эд эс бүхнийг өөрчилдөг. Та өдөр өдрөөр бүхнийг өөрчилж, түүнийг цэвэр ариун хайр энэрэл, билэг ухаанаас өөр юу ч биш болтол нь цэвэрлэн ариусгадаг

59.Үнэндээ, хувь тавилан гэх юм байдаггүй юм.Энэ бол хангалттай бясалгаагүй л нэг хэрэг

60.Хэрвээ нөхцөл байдалд бууж өгөөд байх юм бол танд бясалгал хийх ямар ч шаардлага байхгүй. Бид газар орныхоо уур амьсгалыг сайжруулахын төлөө, сөрөг таагүй хүчийг давж гарахын тулд эерэг сайн хүчээр цэнэглэх гэж бясалгадаг. Өөрөөр хэлбэл тэр сөрөг хүч угаасаа байдаг учраас үргэлж бууж өгөөд байдагаа болих хэрэгтэй. Бидэнд дийлдэшгүй хүч байдаг.

61.Хэдий чинээ их бясалгана та төдий чинээ бусдыг ойлгож, тэдэнд уужуу сайхнаар туслаж чадна. Та бусдын бодол санаа, оюун ухааны түвшин, мөн түүнчлэн бодлын эрх чөлөөг нь хүртэл хүндлэж хүлээж авах чадвартай болно. Энэ бол жинхэнэ эрх чөлөөт орчлон ертөнц.

62.Одоо, маш энгийн амьдралаар амьдарвал өөртөө болоод өрөөл бусдад туслахад хялбар болно. Мөн бясалгал дадал тань таныг хамгаална тэгэхээр та бараг айхгүй.

63.Билгийн мэлмий дээрээ сэтгэлээ оршин байлга. Ингэхдээ та жаргалтай болж, олон зүйлийг ойлгох болно. Ингэх нь Гурван Ертөнцийг давахад танд тус болно.

http://www.suprememaster.mn/ Сайн үйлс дэлгэрэх болтугай.

21 Дарь эхийн зүрхэн тарни МУГЖ, Т, Баясглан,

2010-11-15T01:51:00.000-08:00

Сайн үйлс дэлгэрэх болтугай.

БУДДА

2010-11-15T01:40:00.001-08:00

Сайн үйлс дэлгэрэх болтугай.

Бясалгал бол өөрийгөө нээх дөт зам

2010-11-12T03:15:00.000-08:00

Бясалгал бол өөрийгөө нээх дөт зам
Бичсэн С.Тунгалаг, Ц.Онон
2009 оны 9-р сарын 18, Баасан гариг, 04:19
Гэгээрсэн их мастер Ошогийн дэргэд 15 жил бясалгасан, их багшийн шавь Австри улсын иргэн Праниш Монголд ирээд байна. Тэрээр хойд хөршид бясалгаж байгаад саяхан ирсэн бөгөөд, манай улсад түр саатаад Тайвань, Индонезид очиж багшлах юм. Пранишийг Ведийн сургаалд заасанчлан багш шавийн барилдлага, багшаас шавьд мэдлэгийг дамжуулдаг эртний уламжлалт эрдмийн хүчирхэг аргыг эзэмшсэн хүн гэдэг. Түүнтэй ярилцлаа.

- Таны Монголд зочлох шалтгаан анх юунаас үүдсэн бэ? Өөрийнхөө тухай товчхон танилцуулахгүй юу?

- Би зургаан жилийн өмнө Монголд ирсэн. Гудамжны хэдэн ноорхой хүүхэдтэй таарч, лавлан харвал тэдний дотоод ертөнцөд хувь заяагаар өгөгдсөн их баялаг нуугдмал байгааг мэдэрсэн юм. Тэгээд ойрхон эргэж ирж монголчуудад туслахсан гэж бодсон.

- Хүмүүний хажуугаар эд баялаг, эрдэм, эрдэнэ урсч байдаг гэдэг. Гэтэл хүмүүс уур хилэн, атаа жөтөө, шунал гээд сөрөг энергид их автжээ. Хар энерги гэж ярих боллоо. Энэ тухай таны тайлбарыг сонсъё.

- Ер нь хар энерги гэж байдаггүй гэж ойлгож болно. Хүний сагсуу бодол тэгж тодорхойлдог. Бүх юм оршиж байдаг. Оршнолын нэг хэсэг нь амьдрал. Амьдралын янз бүрийн хэлбэрийг өөрсдийн бодлоор бид тунгааж чаддаг. Өдөр тутам амьдарч буй оршнолууд бодь сэтгэлийн түвшнээр янз янзын хэмжээст байдаг. Харин ухамсрын чанадад оршдог яг бодгалийнхаа төвд мөн чанараараа нэгдэж чадах юм бол сайн, муу гэж нэрлээд байгаа, дүгнээд байгаа үзэгдэл юмсын энерги толины тусгал мэт тогтворгүй, байнгын бус учраас хөнгөн, тоглож, устгаж, өсгөж ч болно. Өөрийнхөө өр зүрх, дотоод ертөнц, төвтэйгөө холбоо тогтоож чадсан хүн бие бодитойгоор хэн юм бэ гэж ухаарсан тэр хүн яг зөв шийдвэр гаргаж, зөв амьдарч чадна. Өөртөө эерэг сайн сайхныг бүрдүүлснээр буянтай үйл үйлдэж бусдын төлөө ч асар ихийг бүтээж чадна.

- Бясалгаж буй хүн бясалгалаараа уламжлан өөрийнхөө төв рүү ойртдог гэсэн үг байх нь ээ.

- Автоматаар яг би гэсэн бодгальтайгаа нягтарч чаддаг. Хүний өр зүрхний төвд сав шим, хорвоо ертөнц оршиж, гадна орших сав шим, хорвоо ертөнцтэй нягт холбоотой амьдарч байдаг юм. Таны бодол санаанд юу ургаж байна, түүндээ нийцүүлэгч бус, эсвэл нийгмийн үзэл бодолд тулгагдаж нийцэж бус харин өөрийнхөө ухамсрын чанадаасаа, зөн билгээрээ амьдарч эхэлдэг.

- Тэгэхээр бясалгал энэ бүхэнтэй ямар холбоотой юм бэ?

- Манай бясалгалын ашралид хүний амьдралд тохиолдсон үйлийг яг өөрийнх нь бодгаль төвөөс, оюунлаг мэлмийгээрээ харахад ямар өөр байдгийг бясалгалаараа зааж өгдөг. Энэ нь бодит амьдралдаа сэтгэл санаандаа амссан онцгой туршлага болдог. Энэ агшныг амсахгүйгээр тэрхүү гайхамшигт мөчид хүрч чадахгүй. Энэ бол хүний бодлоор орж ирж байгаа зүйл бус, амьдралын бодит мөн чанар, яг өөрийн далд ухамсар, зөн билгээс урган гарч ирсэн зүйл. Ингэж хүн дотоод, дээд Би, амьдрал бие махбодитойгоо холбогдож, бодь сэтгэлийнхээ мөн чанартай учирдаг. Бодгаль сэтгэл маань хэзээ ч зовж байдаггүй. Тэр маань мянга мянган эрдэм мэдлэгийн ухаарлыг өөртөө тээж явдаг.

- Хүмүүс хар муу, эсвэл сайн сайхан санаа агуулж явдаг нь үүнтэй холбоотой юу?

- Хүмүүний өнөөг хүртэл хөгжиж, бойжиж, ирсэн тэр ухаарлыг өөртөө тээж явдаг өр зүрхний төв. Бидний ухаан, бодол санаа үнэн хэрэгтээ гадна талаасаа нийгмийн бүрдүүлсэн тэр боловсролын системээр бохирдсон байдаг. Яагаад гэвэл бодол санаа юмыг гол төлөв буруу гэж дүгнэдэг. Харьцуулахдаа хэн нэгний бодол санаатай нийцүүлэх үү, үгүй юу гэж боддогоос яг өөрийнхөө мөн чанарыг гаргаж чаддаггүй. Бид бясалгалаараа өөрийнхөө бурханлаг чанарт итгэх, тэр оюунлаг хүчийг эзэмшихийг зааж өгнө. Далд ухамсартайгаа холбоо тогтоож, нэгдмэл чанарыг үүсгэнэ. Өөрийнхөө зүрхийг бодь болгож, тэр өр зүрхнийхээ төвөөс өөрийнхөө санааг ойлгох чанарыг олгоно.

- Бурханыг бусдаас бүү эр. Бурханыг өөрөөсөө эр. Ертөнцийг хайрлая гэвэл өөрийгөө хайрла. Бусдыг өөр шигээ хайрла гэж Бурхан сургадаг.

- Энэ бол бурханы сургаал бус, ертөнцийн хууль. Ертөнцийн төгс үнэн юм.

- Сэтгэлээ номхотговол, бүхнийг ялан дийлнэ гэлцдэг. Энэ тухай та юу гэж боддог вэ?

- Бид Ошо багшийн эрч хүчтэй бясалгал үйлддэг. Хүн бүрт ямар нэг хэмжээгээр уур уцаар, хилэн, атаархал, шунал байдаг. Тэнцвэр алдсанаас болж хор болдог. Хилэнцийг ариусган, номхруулахад бясалгалын мөн чанар оршдог. Сэтгэл санааны энэ бүхий л барцдыг эхлээд гадагш нь илэрхийлэх хэрэгтэй. Тэрхүү бохир цэнэгийг гадагшлуулан устгахад хялбар. Энэ бохир эрчмийг гадагшлуулснаар хүний амирлангуйн сав шим үүсдэг. Бид тэр муу муухай барцдыг бүтээлч аргаар гаргаж ирдэг. Тэр арга бол өөрийгөө доромжлох, гутаах арга биш. Бибблийг ч зовоохгүй.

- Хүн ганцдахгүй. Хамаг амьтны тусын тулд хувь нэмрээ оруулж чадна гэдэг?

- Хүн эхлээд өөрийнхөө төлөө сайн үйл бүтээх хэрэгтэй. Тэгээд сайхан задарч, өсч байгаа тэр энергиэрээ уламжлуулан бусдын төлөө амьдардаг. Учир нь тэр сайхан урсгалыг эрчимжүүлэх тусам бусдын тусын тулд болж хувирдаг. Бусдын төлөө хийсэн буян нэн сайн. Туйлд нь хүртэл цацруулах нь зүйтэй.

- Амьдралд тань тохиолдсон онцгой мөч хэзээ вэ?

- Багшийг тэнгэрт халихад дотны шавь нар нь дэргэд нь байлаа. Багш амьдрал мөнхөд оршдог. Бид нэг биеэс нөгөөд шилжих тэр үе хамгийн аз жаргалтай мөч гэж хэлснээ харуулж чадсан. Тэр үед маш их гэрэл цацруулж, нүүр нь тод гэрэлд умбан бүр залуужсан. Багшийн ид шид гэмээр тэр гайхамшигт чадлыг үзээд бид ерөөсөө айгаагүй, тайвширцгаасан. Миний амьдралдаа үзсэн мартахын аргагүй агшин тэр байсан.

Гэгээрлийн замд хөл тавихыг хичээгч бидний нэгэн бясалгал үйлдэгч С.Тунгалаг, Ц.Онон

Сайн үйлс дэлгэрэх болтугай.

http://www.tsagtur.mn/index.php?option=com_content&view=article&id=275:2009-09-18-05-07-52 web huudasnaas oruulav

How to Meditate (яааж бясалгах вэ)

2010-11-12T02:58:00.000-08:00

Сайн үйлс дэлгэрэх болтугай.

Charlie Rose - The Dalai Lama(Далай багшийн Энэтхэгт байх түрээсийн хугацаа дуусч байна )

2010-10-18T05:37:00.000-07:00

-БУДДЫН ШАШНЫХАН ДАЛАЙ БАГШИЙГ ХААНА СУУРЬШУУЛАХАА ШИЙДЭЭГҮЙ БАЙНА-

Дэлхийн буддын шашны тэргүүн Далай ламыг Хятадын эрх баригчид хавчин гадуурхаж эхэлснээс хойш олон жил өнгөрчээ. Ялангуяа Түвдийн талаар баримтлах бодлого чангарснаас хойш Буддын шашны зүтгэлтнүүд Энэтхэг улсад суурьшаад 50 жил болж байгаа юм.
Харин БНХАУ-ын Түвдэд явуулж байгаа бодлогыг эсэргүүцэж нутгаасаа гарсан лам хуврагуудын Энэтхэгийн Дарамсала хотод байх хугацаа ирэх онд дуусгавар болж байгаа аж. Далай лам тэргүүтэй Түвдийн шашны зүтгэлтнүүдийн Энэтхэг улсын Дармасала хотын ордонд 50 жилийн түрээсээр оршин сууж байсан бөгөөд хугацааг нь Энэтхэгийн тал сунгахгүй болсон нь байдлыг хурцатгасан байна.

Энэ нөхцөл байдлын улмаас тус хотод байсан түвд лам нар ч зам мөрөө бодсон тухай эх сурвалж ярьж байна. Дармасала хотод байсан зарим түвд лам нар манай орноос гадна Өвөрмонгол, Буриад улсуудад ихээр тарж суурьшиж байгаа мэдээлэл байгаа юм. Одоогоор Дармасала хотод байгаа лам хуврагуудын тоо эрс цөөрсөн бөгөөд шашны том зүтгэлтнүүд ч хугацаа дуусахаас өмнө хаана сууршихаа төлөвлөж байгаа гэнэ.

Тухайлбал монголчуудын шүтээн болсон 9-р Богд Жавзундамба хутагт манай улсад суурьшихаар өнгөрсөн долоо хоногт бүр мөсөн ирээд байгаа мэдээлэл ч байгаа юм. Харин одоо дэлхийн буддын шашны тэргүүн Далай ламыг хаана суурьшуулах тухай асуудал энэ шашны зүтгэлтнүүдийн санааг зовоож байгаа гэнэ. Саяхан Монгол Улсад болсон буддын шашны хурал дээр ч Ричард Гир зэрэг шашны зүтгэлтнүүд энэ асуудлыг нууц байдлаар хэлэлцсэн гэдэг. Тэгэхдээ Далай ламыг хаана суурьшуулахаа хараахан шийдэж амжаагүй гэнэ.

Далай ламын айлчлал бүхэнд БНХАУ-ын зүгээс анхаарал хандуулдаг бөгөөд түүний ярьсан хэлсэн бүхнийг хянаж байдаг гэхэд хилсдэхгүй. Тиймээс Далай ламыг суурьшуулах улс нь аль болох хятадаас хараат бус бүс нутагт байх шаардлагатайг энд дурдах илүүц биз. БНХАУ-ын зүгээс ч энэ асуудалд чухал ач холбогдол өгч анхааралтай ажиглаж байгаа нь лавтай.

Манай улсын хувьд буддын шашны хувьд тэргүүлэх зэргийн улс боловч өмнөд хөршийн бодлогын эсрэг чиглэсэн шууд арга хэмжээ авах нь юу л бол. Энэ асуудлыг манай тал яаж шийдвэрлэх нь тодорхойгүй байгаа. Гадаад харилцааны яам болон холбогдох байгууллагууд энэ асуудлыг ихэд нууцалж байгаа бололтой. Асуудал хаашаа эргэхийг ажиглаж байгаа гэх хүн ч байгаа юм. Асуудал хаашаа эргэхийг харж суух бус, болдогсон бол Далай багшийгаа эх орондоо залаад сургааль, номлолыг нь байнга сонсож байвал аштай юу.
Сайн үйлс дэлгэрэх болтугай.

Өдөр ба шөнө( бид бүгд адил)

2010-10-18T05:19:00.000-07:00

Сайн үйлс дэлгэрэх болтугай.

Бурханыг хүссэн нь

2010-08-30T04:34:00.000-07:00

Нэгэн бясалгагч голын хажууд бясалгалаа хийн сууж байтал залуухан банди түүнийг үймүүлэн ийнхүү хэлж гэнэ. "Мастер, би таны шавь болохыг хүсэж байна." "Яагаад ?" хэмээн бясалгагч асуутал тэрээр хэсэг зуур бодолхийлснээ "Яагаад гэвэл би бурхан олохыг хүсэж байна" гэж тэрээр хариулжээ.

Бясалгагч босож ирэн түүний хүзүүнээс нь барин толгойгоор нь голын ус руу дүрж гэнэ. Түүний толгойг 1 минут орчим усанд дүрсний дараагаар тэрээр тийчлэн гарахын түүс болж байлаа. Эцэст нь бясалгагч түүний толгойг уснаас гаргаж автал тэрээр хахаж цацан арай ядан амьсгалж байв.

Эцэст нь түүнийг хэвийн болоход нь бясалгагч түүнээс "Усан доор байхад чиний хамгийн их хүсэж байсан зүйл чинь юу вэ гэдгийг надад хэлээч" хэмээн тэрээр хэлжээ.

"Агаар" хэмээн өнөөх залуу хариулав.

Сайн байна. Одоо гэртээ харь. Тэгээд хэзээ чи бурханыг тэр агаар мэт хүснэ, тэр цагтаа над дээр эргэж ирээрэй." хэмээн хэлжээ Сайн үйлс дэлгэрэх болтугай.

http://niitlel.blogspot.com/2009/01/blog-post_05.htmloos

젖소 모아이나 이야기(moaina story) - 에뚜와

2010-08-16T05:29:00.000-07:00

Сайн үйлс дэлгэрэх болтугай.

ЗӨВХӨН БУРХАНД ТӨВЛӨР

2010-08-16T05:11:00.000-07:00

Шавь: Бид дээшээ дэвшиж байгаа үгүйгээ бодохгүйгээр зөвхөн Бурхныг санаж явахад бүхнийг хийж, бүтээж, төгөлдөржүүлж чадах уу?

Багш: Ерөөсөө дээшлэх гэсэн ойлголт байхгүй юм. Ингэж хэлэхээр та нар ойлгохгүй. Хамгийн дээдийн дээд хүчтэй холбогдоход тэгээд л болчихно. Дэвшил гэж байхгүй, дэвшил гэдэгт үйл явц ордог, үйл явц хэрэгтэй гэж үү? Хэрэггүй шүү дээ. Бурхныг санаж явахад, Бурхантай хамт байхад та өөрөө Бурхан болно. Дэвших дээшлэх гэж асуудал байхгүй болох юм.

Шавь: Гайхалтай, бидний зарим нь хэлдэг л дээ: Төгс Гэгээрлийг олж авахын тулд бид дээдийн дээд, том зорилготой байх ёстой гэж...

Багш: Зорилго бол хүний төлөө байдаг, би та нарт ойлгуулж чадахгүй байна. Тэгээд үүнийг тайлбарлах гэж өөрсдийн хэлээ ашиглан Бурханд төвлөр гэж хэлсэн боловч та нар ойлгоогүй, Тэгээд энэ аргаар үзээд, хожим нь өөр аргаар үзсэн. Би яагаад ингэж ядарч, урам хугарсан бэ гэхээр би үүнийг хүний хэлээр л тайлбарласан, гэвч та нарыг үүнийг хүлээж авч ойлгоно гэж бодохгүй л байна, та одоо ч ойлгохгүй л байна, би олон жилийн өмнөөс та нарт сургааль айлдаж эхэлсэн, хамгийн чухал сургааль бол Бурханд төвлөрөх юм.

Шавь: Хамгийн энгийн нь юмаа. Бүгдийг л багтаадаг.

Багш: Тийм шүү.

Шавь: Яаж үүнийг хэрэгжүүлэх вэ?

Багш: Таны яаж хэрэгжүүлж байгаа нь Бурханд хамаагүй. Зүгээр л Бурхныг сана, тэгээд таны юу үйлдэж байгааг бүхнийг нь Бурхан үйлдэж байгаа. Энд та гэсэн ойлголт байхгүй. Бурхан хэнийг ч удирддаггүй. Харин та Бурхныг санамагц, та аливаа зүйлсийг давхар давхар үйлдэж байдаг ба үүнийг мэдэж Бурхан үйлдэж байдаг. Хүн та үнэхээр ядаргаатай.

Шавь: Ямар ч юмыг идэвхтэй хийх хэрэггүй юу? Эсвэл ямар ч төлөвлөгөөгүйгээр, хүчлэхгүйгээр хийгээд л байх уу.

Багш: Тиймээ, төлөвлөхгүйгээр, хүчлэхгүйгээр хий, тэгээд л та Бурхны удирдлагыг хүлээж авна, та яагаад үүний төлөө хичээгээд байгаа юм бэ? Та хичээж байвал та бодлоо ашиглаж байна гэсэн үг, хаана бодол байна тэнд Маяа байна. Би та нарыг ганц л зүйл хийхийг шаардсан, Гэвч та нар тэгээд л бодлоо ашигладаг.

Чухамдаа та бүхэн Бурхныг санамагц, Бурхан автоматаар л таны ажлыг хийдэг, яагаад та бодлоороо шийдэх гээд байгаа юм бэ. Хэн нэгнийг харж байхад түүнд хэрэгцээтэй үе гарсныг мэдээд, та өөрийн эрхгүй түүнд тайлбарлаж өгдөг, зориудаар битгий түүнд тайлбарла. Та өөрийнхөө тухай бодмогц л, та Бурханаас холдож байдаг. Бурханаар гүйцэтгүүлж байгаа бүхэн автоматаар хийгддэг. Оюун санаандаа битгий бодлыг тээ. Бодол бодох л юм бол Бурханаас холдож, тэгээд учир шалтгааны ертөнц рүү унана. Бурханг юу дуртайг нь хийлгэе, тэгээд л та Бурханд төвлөрөөд л байж бай. Хэрвээ та бодсоор л, ялгаваралсаар л байвал та Бурханаас холдоно. Бодол гэж юу вэ? (Хятадаар) Дүр төрх зүрх сэтгэлийг дарж, нууж байдаг, энэ Бурхан уу? Би үзэл гэх зүйлийг гаргахгүй байхыг хичээж л байвал та Бурхан. Та юу хийж байгаадаа төсөөлөлтэй байгаад байвал, та бурхнаас холдоно, тэгээд та ядарч, цуцан, үйл үртэй байх болно. “Нэрлэх, тоочих” гэдэг үгийг хар л даа, энэ үг нь зүрх сэтгэлийг дарж зовоодог. Харин “гэгээрэл” гэдэг үг зүрх сэтгэлийг сэрээж өгдөг. Харин би үзлийг дарж өгдөг.

Шавь: Гэгээрэх гэдэг үг.

Багш: Тиймээ үүнийг л гэгээрэл гэж нэрлээд байгаа юм. Энэ бол агшин зуур... Шавь: Ойлголоо.

Багш: Тиймээ үүнийг л гэгээрэл гэж нэрлээд байгаа юм. Ямар ч саад бэршээлгүй болчихвол, агшин зуур диваажин руу хүрэх ойлголттой болоод, дээшээ маш хурдан дэвшиж, Бурханд маш хурдан хүрч чадна. Бусад хүмүүс бүгдээрээ хичээж байна. Та ингэж дээшээ явж чадах уу? Та үргэлж бодсоор бодсоор л, цаг үргэлж л би та нарт хэлсээр л: төвлөр, төвлөр, бас дахин төвлөр, үүнийг л санаж явахад бүх асуудал тань алга болно. Танд өөр ямар нэгэн асуулт байвал та өөрийн бодлоо л ашиглаж байна гэсэн үг, битгий ийм бай. Бурханд бүрэн дүүрэн төвлөрвөл та бүр мөсөн асуудалгүй болно, учир нь Бурхан бүхий л зүйлсийг хийж байгаа, харин та биш. Та юунд санаа зовоод байгаа юм бэ? Бүх зүйлийг Бурхан удирдаж хийж байгаа шүү дээ тэгэхээр та юунд санаа зовох вэ? Хэрвээ та Бурханд санаа зовбол та Бурханаас холдоно гэсэн үг, хэрвээ та бодсоор л байвал та Бурханаас холдоно, бодол тань таны тархинд байсаар байвал та Бурхантай нэг биш байна гэсэн үг.

Шавь: Би хожмын нэгэн өдөр дияан бясалгалд сууж илүү их гэгээрнэ гэж боддог байсан.

Багш: Та Бурхныг л бод, тэгснээрээ та чадна. Ингээд боллоо. Хэрвээ та дияан бясалгалд суух хэрэгтэй бол явж суу, би юунд хүрч чадах вэ гэдэгтээ битгий хүлэгд, энэ нь та “Би” үзэлтэй байна гэсэн үг, та ингэж л бодож байвал Бурханаас холдож байна гэсэн үг. Харин Бурхантай минут бүр, хором бүр нэг байж чадвал та юмсыг маш сайн хийж чадах болно. Та Бурхныг санамагц гараг ертөнцийн дэвшилд ямар нэгэн саад гарахгүй юм, учир нь Бурхан үүнийг удирдаж байгаа шүү дээ.

Шавь: Бүх төрөлтөн Бурханд төвлөрдөг ч болоосой.

Багш: Хэрвээ та хүсч байвал та бодлоо ашиглаж байна гэсэн үг. Тэгэхээр та битгий хүс, сайн ч биш муу ч биш, тэгээд л та үйл үрээс чөлөөлөгдөнө, сайн, муу гэж юу вэ? Яагаад та сайн, муу зүйлтэй холбоотой байх ёстой гэж? Яагаад та заавал эерэг, сөрөг өөр юу ч байдаг юм тийм зүйлтэй байх гэж? Үүнд ямар ч хийсвэр ойлголт байхгүй. Дахин нэг өгүүлбэр хэлье: Бурханд төвлөр, Бурханд төвлөр, бас дахин Бурханд төвлөр. Миний эдгээр олон жилүүдэд заасан зүйл бол ердөө л энэ. Ойлгож байна уу?

Учир нь та өмнө нь ойлгоогүй байсан болохоор би тайлбарлаад байх хэрэгтэй болсон. Үүнийг тайлбарлах гэж, үүнийг тайлбарлах ёстой болохоор, тайлбарлаад л байсан тайлбарлаад л байсан, тайлбарлаад л байсан, үнэхээр ядаргаатай. Зүгээр Бурханд төвлөр, Бурхны зүг ханд.

Шавь: Бид бол бусдад Бурхныг санаж яв гэдгийг хэлэх гэсэн жижигхэн бамбар.

Багш: Битгий оюун бодлоо үүнд ашигла

Шавь: Ярих ч хэрэггүй, таны бамбар бол гэрэл, бусад хүмүүс шууд л автоматаар харна. Бид өөрсдөө эхлээд ингэж байна шүү дээ. ...төвлөрөөд л.

Багш: Тиймээ, Бурханд бүрэн дүүрэн төвлөрсөн цагт л та аяндаа бүхнийг хийх болно. Учир нь энэ бүхнийг хийж байгаа нь та биш, та гэсэн ойлголт энд байхгүй. Бурхан энэ бүхнийг хийж байгаа юм.

Шавь: Бүхий л цаг мөчид Бурхан руу хандахаар бусад хүмүүс таныг олж харна, тэгээд тэд танаас асуулт асуухаар та ямарч урьдчилан төлөвлөгөөгүйгээр ярина. Хэн ч асуугаагүй байсан ч хамаагүй. Зүгээр л Бурханд төвлөр. Хэрвээ танд гэрэл байвал, бүр илүү их гэрэл байвал, бусад хүмүүс түүнийг харах, мэдрэх илүү их боломжтой болно.

Багш: Тийм.

Шавь: Бид таньтай уулзахдаа таатай байх болно, Хятадад удахгүй уулзана гэдэгт найдаж байна.

Багш: Таны надтай уулзах гэсэн хүсэл бидний уулзах түлхүүр биш байна. Зүгээр л Бурханд төвлөр. Тэгээд цаанаасаа ямар ч төлөвлөөгүйгээр бүтчихнэ.

Шавь: Хөөх, юу ч хийх хэрэггүй зүгээр л Бурханд төвлөрнө.

Багш: Эцэст нь та ойлгож байна. Энэ чинь л түлхүүр нь юм.

Шавь: Ямарч асуудал байсан хамаагүй Бурхныг санан дуурс, Бурханд төвлөр, энэ бол нууц, ингээд л боллоо. Илүү олон юм ярих ч хэрэггүй. Үнэндээ бусад хүмүүс асуугаагүй байхад ярих ч хэрэггүй, тэр үед цаанаасаа ямарч төлөвлөгөөгүйгээр та ярих ба энэ бол Бурхны гэрээслэл. Үүнээс өөр нууц гэж нэг ч үгүй.

Багш: “Үүнийг ойлгоод, бусдыг ойлгоно” гэсэн үг юм байна.

Шавь: Аан? Бурхан минь “Үүнийг ойлгоод, бусдыг ойлгоно” гэдэг чинь “Нэгийг ухаараад өөр бусдыг ухаарна” гэдэгтэй адилхан юм байна, ухаарна гэдэг чинь ойлгоно гэсэн үг. Ийм урт хугацаанд үндсэн суурийг нь ойлгоогүй байж байдаг, хамгийн чухал гарцаагүй мэдэх зүйл бол үүнийг л санах юм байна. Тэгэхээр цаашид бодолдоо санаа зовохгүйгээр, дурсамжиндаа санаа зовохгүйгээр зөвхөн “Бурхныг санах” хэрэгтэй юм байна. Зүгээр л дадлагажих хэрэгтэй юм байна. Бурхан минь, Баярлалаа Их Багшаа, баярлалаа. Зөвхөн Бурхныг л санахад хангалттай, өөр юу ч тийм чухал биш.

Багш: Та хайртыгаа санахад л бүх дэлхий алга болдог, тиймээ? Зөвхөн та хоёр л үлддэг.

Шавь: Тиймээ.

Багш: Яг л үүн шиг Бурхныг санахад яг л ийм байдаг.

Шавь: Бурхан бол бидний хамгаас хайрт юм.

Багш: Яг энэ цаг мөчид та хамгийн зугаатай, цэнгэлтэй байна. Та Бурхантай хамт байхад та үүнээс ч илүү зугаатай байх болно. Чанагуух ертөнцийн төсөөлөл, юуг ч үүнтэй харьцуулшгүй.

Сайн үйлс дэлгэрэх болтугай.

Хүний гайхамшигт чанар

2010-07-25T05:18:00.000-07:00

Агаараар хооллогч Элитом Бэн Еизраэл АНУ.Part 1

part2

part3

Оюуны хүч улс оронд хөгжил цэцэглэл авчирдаг.

2010-07-25T04:58:00.000-07:00

Цаглашгүй Дээд Багш Чин Хай, 1993 оны 3 сарын 06, Сингапур (Англи хэлнээс) Видео хуурцаг #325
Засгийн газрын ухаалиг зөв бодлого ард түмэнд аз жаргал, хөгжил дэвшлийг авчирдаг нь эрт үеэс л тодорхой болсон зүйл юм. Үүний хариуд хүмүүс төр засгаа, удирдлагаа хүндэлдэг ба ийм байдлаар улс орон найрамдалтай, бас хөгжилтэй байдаг.

Бид ямар ч төрлийн буу зэвсэг, хүч, өөр бусад иймэрхүү зүйлийг хэрэглэх шаардлагагүй, зөвхөн хайр энэрэл, хүндлэлийг өөр хоорондоо төлөвшүүлснээр улс эх орон цэцэглэн хөгжих болно. Үүний тулд ухаалиг хүмүүс улсыг удирдаж, мөн ухамсарт удирдагчаа ухаалигаар хүлээн зөвшөөрч, ингэснээр хоёр тал хамтран ажиллаж, эх орноо хамтдаа дэлхийн тэргүүлэгч орны нэг болгодог.

Хүн бүр л алдаа гаргадаг, эсвэл заримдаа нийтийн дургүй зүйлийг хийдэг. Энэ бол байх л зүйл. Бид ч гэсэн алдаа гаргадаг! Гэхдээ бид өөрчлөгддөг, бяёалгал хийж, сайн санаа, тус нэмрийг шүтэн, байгалын хуулийг даган мөрдөж илүү дээр болгодог.

Түүнчилэн гэр бүлдээ ёс зүйг дээдэлж, оюуны хөгжлийг эрмэлзэн дээшлүүлснээр улс орныхоо хөгжил дэвшил, энх амгалан байдалд байнгын их дэмжлэг болдог. Үүнийхээ үрээр бид ч өөрсдөө өдөр өдрөөр дээрдэж илүү сайн сайхан болно. Яагаад гэвэл бидний дэс дээшилсэн хэрэг. Амьдралын ийм өндөр түвшинд байж, ийм зарчмаар амьдарч байгаа хүмүүс илүү оюунлиг байдаг.

Засгийн газар ч ялгаагүй. Хэрвээ төр нь энэрэнгүй, ард иргэдээ ивээж үндэстнийхээ төлөө чин сэтгэлээр ханддаг бол тийм засгийн газар илүү оюунлиг байдаг. Магадгүй удирдагч нар арай өндөр түвшнээс ирсэн байж болох ба тийм бол тэд өөртөө хайр энэрэл, мэргэн ухааныг аль хэдийн агуулж, энэ дэлхийд зөвхөн хүмүүст туслах зорилгоор ирсэн ч байж болно. Тэгвэл тийм удирдагч нь тодорхой дэсэд хүрсэн Гэгээнтнүүд юм.

Хэрэв удирдагчаа нийтээрээ ойлгон ухаарч, хамтран ажиллаж, улс орноо ёс суртахуун, дэг журамд дулдуйлан хөгжүүлэх аваас иргэд нь ч мөн тодорхой түвшинд Гэгээнтэн болох буюу оюунлиг дэст хүмүүс болно. Та надтай учрахаасаа өмнө, Гэрэл болон Аялгуу бясалгахаасаа өмнө, аль хэдийн оюунлиг нэгэн байсан байгаад оюуны тэрхүү өндөр түвшнээс эхлэх юм бол бид бусад ямар ч орноос, өөр ямар ч үндэстнээс илүү хурдан хөгжинө. Тиймээс зөвхөн мөнгөтэй, эрх мэдэлтэй, хүчтэй байх нь хангалтгүй. Хэрэв бид үүнээс гадна овуны хүчтэй байх аваас бүрэн төгс болно. Сэтгэлийн ийм илүү дээд түвшинд нэгэнт хүрсэн хойно тэр нь төдийчинээ удаан үргэлжилнэ.

Сайн үйлс дэлгэрэх болтугай. http://bilguunsuns-eternallove.blogspot.com blogoos oruulav

FACT баримт

2010-07-06T03:34:00.000-07:00

Сайн үйлс дэлгэрэх болтугай.

ТӨВЛӨРӨЛ, БЯСАЛГАЛ, ТАРНИ ГУРВЫГ ЗӨВ ЭЗЭМШИХ ЮМ БОЛ ГЕНИЙН ӨВЧИН Ч ИЛААРШДАГ .

2010-06-11T03:44:00.000-07:00

Монголын уламжлалт анагаах ухааны "Одь" эмнэлэг саяхан хүний дээд эрүүл мэндийн сэдвээр эрдэм шинжилгээний бага хурал зохион байгуулж, хорт хавдрын эмчилгээний үр дүнгийн талаар танилцуулсан юм. Бид тус эмнэлгийн зөвлөх их эмч Х.Цэрэндоржтой уулзаж уламжлалт аргаар хавдрын өвчнийг хэрхэн эмчилж буй талаар нь сонирхож ярилцсан юм.

-Хорт хавдрыг уламжлалт аргаар хэрхэн эмчилж буй талаар хүмүүс ихээхэн сонирхдог. Энэ талаар ярилцлагаа эхэлье.
-Бид, өөрөөр хэлбэл манай эмнэлгийг байгуулсан гурван эмч бол Дорноговийн их маарамбын долоо дахь үеийн оточ, их багш Одийн шавь Дорж хэмээх отчийн шавь нар бөгөөд багш маань таалал төгсөхөд түүний үйл хэргийг нь залгамжлуулан үргэлжлүүлэх хэрэгтэйг ойлгож, түүний нэрээр нэрлэсэн Монголын уламжлалт анагаах ухааны "Одь" эмнэлгээ байгуулсан. Нөгөө талаар манай багшаар эмчлүүлж байсан олон хүн бидэнд хандаж ирдэг. Энэ нь бидний сайных бус, харин багшийн маань эрдэм чадал, нэр нөлөө их байсных. Ингээд арав орчим жилийн эмчилгээний арга туршлагаа олон нийт, эрдэмтэн мэргэдийн сонор, мэлмийд хүргэх, ганц хавдрыг эмчлэх талаар бус, ер нь эмчилгээний арга ухааны талаар зарим нэг санал дэвшүүлэх зорилгоор эрдэм шинжилгээний бага хурал зохион байгууллаа. Энэ бага хурлын үеэр манай эмнэлэгт хандан эмчлүүлэгсэд өөрсдийн өвчний үүх болоод өнөөдөр биеийн байдал ямар болсон талаараа санал сэтгэгдлээ хуваалцсан.

-Та бүхэн хорт хавдрын шалтгааныг хэрхэн тодорхойлж байна вэ? -Өнөөдөр миний ойлгож байгаагаар хавдар гэдэг олон тодорхойлолттой өвчин гэж үздэг. Тиймээс хавдрыг нэгд, эзнээсээ урвасан эсийн цугларал юм гэж тодорхойлж болно. Жишээлбэл, элэгний хавдартай болно гэдэг нь элэгний эс элгээ хамгаалах ёстой атал түүнийг харлайж гамнахгүй болохоор нь эзнээсээ урваж байгаа гэсэн үг. Тэр эс яагаад урвав гэхээр эзэн нь буруу хооллодог, хэт их иддэг, эсвэл хэт өлөн явдаг, архи уудаг, тамхи татдаг байвал энэ нь элгээ хайрлаж байгаа бус, харин гомдоож байгаа хэрэ юм. Тиймээс эзэн нь гомдоосон элэгний эс урваж байна гэж үздэг. Хавдар гэдэг буруу, гажигтай мэдээллийн бөөгнөрөл юм. Үүнийг юу гэж ойлгох вэ гэвэл хүмүүс ойр дотнын хэн нэг нь хорт хавдар тусч өвчлөөд нас барах үеэс хавдрын тухай ойлголт авч, манайхан ийм өвчнөөр төгсдөг удамтай юм гэх зэрэг энэ өвчний тухай муу мэдээллүүдтэй болдог. Тэгээд хожим эцэг, эхээ санах дурсах, ийм өвчний тухай ярих хэлэлцэх бүрт нөгөө хорт хавдрын тухай бодлууд нь мэдээлэл болоод хуримтлагдаад үлддэг. Хавдар гэдэг чинь хүний оронд зайд бараг байж байдаг зүйл. Амин орон гэж хүний биеийн гадуур байдаг цэнэгт орон, цахилгаан орон, гэрлийн орон гээд өдий төдий оронд байдаг. Өөрөөр хэлбэл гадна талын амин орон зайд тав, зургаа арваад жилийн өмнө бий болчихсон байдаг ийм хийсвэр сэтгэлгээний орон зайн өвин гэж ойлгож болно. Хүн төрөхөөс нь өмнө хавдрын шалтгааныг өмнөх тэр элэнц хуланц, өвөг дээдс нь бий болгочихоод явчихсан байдаг. Жишээлбэл, тэд буруу хооллох аргаа бий болгоод явчихдаг. Хүнд хар буруу, атаа жөтөө санадаг, хар ёр нуудаг, муу санаатай зан араншин төлвийг тэр орон зайд үлдээгээд явчихсан, үр хүүхэд нь тэр л зан төлвөөр хүмүүждэг.Тэр нь мөн чанартаа хавдрын урьтал нөхцөл, үйлийн үрийн орон болдог. Тиймээс миний хэлсэн дээрх чигэллээр хавдрын эмчилгээг явуулах хэрэгтэй гэж үзэж байгаа юм.

-Өвчнөөсөө салахын тулд чухам юунаас эхлэх ёстой болж байна вэ? -Ер нь хавдраар өвчилсөн хүн өвчний онош тодрох хүртэлх хугацаанд явж ирсэн бүх дадал зуршил, дэглэм хэв маяг, сэтгэл зүйгээ 100 хувь өөрчлөх шаардлагатай. Сэтгэхүйгээ өөрчилнө гэдэг нь тэр хүн 100 хувь хайрлах, нигүүлсэх, энэрэхүйн гурван сэтгэлгээний төв болох хэрэгтэй юм. Хавдартай хүн өнгөрсөн цагийнхаа өөрийн амьдралын бүх хэм хэмжээг 100 хувь өөрчилж чадах юм бол хавдрын эсийн урвалт шууд зогсоно гэж америкийн эрдэмтэн хэлсэн байна лээ. Энэ чинь бидэнд гайхамшигт чадвар боломж байгааг хэлээд өгсөн байна шүү дээ.

-Танай эмчилгээний онцлог юунд байна вэ?
-Манай бүх уламжлалт эмнэлэгт хавдрын эмчилгээг биднээс илүү мэдэж байгаа эмч нар зөндөө бий. Харин бидний хэрэглэж байгаа сэтгэл зүйн эмчилгээ, жишээлбэл, тарни, төвлөрөл, бясалгал, гүрэм энэ бүгдийг хамт хийх ёстой.

-Арай тодорхой тайлбарлавал?
-Бид мэдээллийг эмчилгээнд хэрэглэе. Цэнэгт орон зайг эмчилгээнд хэрэглэе. Эс эзэндээ гомддог юм бол эзнээ хайрлах тийм сэтгэлгээг эсэнд бий болгох хэрэгтэй гэсэн санааг дэвшүүлж байна. Эс гэдэг өөрөө маш их мэдээллийг авдаг юм шүү дээ. Жишээ нь элэгний нэг эс 10-ын есөн зэрэг биет мэдээллийг агуулах сантай байдаг. Элэгний эсийн мэдээллийн орон гэдэг тийм хязгааргүй. Тиймээс энэ эсийн мэдээллийг өвчнийг эмчлэхэд ашиглая л даа. Би танд зөвхөн мэдээллийг эмчилгээнд хэрхэн хэрэглэж болох талаар тайлбарлая. Мэдээлэл гэдэг туйлын түгээмэл зүйл. Бид ойлгохдоо мэдрэхүйн таван эрхтнээр авдаг гэж боддог. Гэтэл мэдээлэл хүний хүсээгүй орон зайгаар их ордог. Тухайлбал, эмч хэдийгөөр өвчтөнд та эдгээд сайхан болноо гэж хэлэхдээ дотроо за үнэхээр хэцүү болчихсон хүн байна даа гээд бодох л юм бол тэр мэдээллийг нөгөө өвчтөн хэлсэн хэлээгүй хүлээгээд авдаг. Эмч бол ямагт өвчтөнийг бид босгож чадна, би босгоно гэж яг ээж шиг нь байх ёстой юм. Эх хүн хүүхдээ өвдчихөөд байхад миний хүүхэд үхчих байх гэж хэзээ ч боддоггүй юм шүү. Эмч яг тэгэж л бодож байх юм бол тэр гэгээ гадна талын хийн сувгуудаар шууд нэвтэрдэг. Бид мэдээллийг зөвхөн гаднаас авдаг гэж бас ойлгодог. Гэтэл дотроосоо гадагшаагаа хандаад эргээд өөртөө мэдээлэл авдаг. Хэрвээ хүн миний өвчин хүндэрч байна гэж бодвол тэр хүндэр гэдэг мэдээлэл гадагшаа цацагдөөд өвчин нь хүндрэх үйл явц өөрт нь явагддаг. Тиймээс хүн юу гэж бодох ёстой вэ гэвэл би энэ хавдрын төвд ирээд сайжирч байна шүү гэж бодох нь зүйтэй. Гэтэл хүмүүс эмнэлэгт ямар бодолтой ирж байна вэ гэвэл, за яахав энэ туяа эмчилгээнд нь ороод нэг үзье дээ гэсэн эргэлзээтэй ирдэг. Тэгээд туяа эмчилгээний дараа бие нь жаахан тавгүйрхвэл за энэ ч дээ тусгүй л вм байна гээд бодчихдог. Харин үүний оронд би эдгэрч, дээрдэж байна гэж бодвол туяа эмчилгээний нөлөө, өөрийнх нь гадагшаа эдгэрч байна гэж цацагдсан мэдээ нийлээд энэ хавдар эдгэх ёстой гэсэн мэдээлэл болж өөрт нь хурж байдаг юм. Мэдээлэл ингэж гадагшаа цацагдаад буцаж хурдаг юм. Тиймээс хүний сэтгэл зүйд хандана гэдэг хамгийн чухал зүйл.

-Сөрөг мэдээллээс ангид байх боломжтой гэж үү, угаасаа өвдсөн хүнд зовиураар нь сөрөг мэдээлэл өгөгдөнө биз дээ?
-Сөрөг мэдээллийг нэвтрүүлэхгүй байх хамгийн гол арга бол бурхантай цуг байх юм. Тэр нь юу вэ гэхээр тарнийн мөн чанарыг ойлгох, өөрийгөө тарни мэт болго гэдэг. Энэ бол эмчилгээний болоод урьдчилан сэргийлэх маш том арга байгаа юм. Тарнийн тантарны ёс гэдэг туйлын гайхамшигтай, туйлын хүнлэг, хүний өөрийн судалсан тэгээд таньж олсон тийм зүйл л дээ. Харамсалтай нь зургийг нь аваад тавьчих боломжгүй, лабораторид оруулаад баталчих арга байхгүй, зөвхөн өөрөө бясалгаж, зөвхөн өөрөө уншиж байж үр шимийг нь хүртдэг зүйл шүү дээ. Энгийн арга бол инээж явах, бүх юманд сайн санах. Ингэж л цөмөөрөнд нь хайр ивээлээр хандах юм бол муу юм ирэхгүй, сөрөг энерги нэвтэрдэггүй юм.
-Сэтгэл зүйд хандахад гол амин сүнс, түлхүүр болдог зүйл гэвэл?
-Сүжиг төрүүлэхгүйгээр хүнийг ямар ч өвчин шаналгаанаас эдгээнэ гэж байхгүй. Тиймээс энд хамгийн гол нь сүжиг, итгэл үнэмшил байх ёстой юм. Гэхдээ хүнийг чи одоо энэнд итгэ гэвэл нэг нь ч итгэхгүй шүү дээ. Итгэл үнэмшил эмчлэгч эмч, өвчтөн хоёрт хоёуланд нь байвал үр дүнд хүрнэ. Тэгэхээр эмч өвчний үе, зэргийн тухай биш, эдгэрэлүүлэх тухай л бодолтой байх хэрэгтэй. Ийм л байвал тэр өвчтөний гутруу бодол, үхлийн тухай айдас тэр бүгдийг арилгаж чадна.

-Та бүхэн хавдрын эмчилгээний талаар боловсруулсан шинэ саналаа товч дурьдаж болох уу?
-Бид хавдрыг бүрэлдүүлж байгаа гэж үзэж буй дээр хэлсэн шалтгааныг эмчлэхтэй холбоотой дөрвөн арга маань салбарлаад бараг хориод төрөл болдог. Мэдээлэл эмчилгээний талаар дээр тайлбарлачихсан. Цэвэрлэх эмчилгээ чухал. Таван цул, зургаан сав, цус, усны урсгалыг цэвэрлэх гал эргэлтийн тогтолцоог цэвэрлэх гээд ийм зургаа долоон арга бий. Ариусгах эмчилгээ, Энд сэтгэл, оюун ухаан, гадаад амин орнуудыг ариусгах явдал. Гадаад амин орон гэж том жижиг маш олон орон бий. Эс хүртэл оронтой, атом, молекул, протон, нейтрон гээд цөм оронтой. Энэ орон хичнээн жижиг орон болбол нь сэтгэлийг төчнөөн амархан ариусгаад, их бие рүүгээ нягтарч улам ариусал бий болдог. Залбирал, мөргөл, төвлөрөл гэдэг бас нэг эмчилгээ бий. Энэ нь өөрийн дотоод мөн чанарт хуримталсан гаж, бодол сэтгэлгээнээс салах явдал. Бясалгал байна. Энэ эмчилгээ манайд хөгжиж байгаа нь сайн хэрэг. Тарни эмчилгээ гэж бий. Энд нэг зүйлийг онцлоход тарнийн мөн чанаргүй хүн гэж нэг ч байдаггүй. Тарни нь туйлын хураангуйлсан тан ч мөн, антибиотик ч мөн, мэс хутга ч мөн. Тэр хавдрыг огтлоод хаях мэс хутга. Гэхдээ тарни эс эсээр нь эдгээх чадвартай. Төвлөрөл, бясалгал, тарни гурвыг зөв эзэмших юм бол генийн өвчин ч арилна. Ийм боломжийг дорно дахины гүн ухаан нээчихжээ. Тиймээс бид эмчилгээг дээд эрүүл мэнд гээд байгаа энэхүү чиглэлээр хийж байна. Гэхдээ бүрэн төгс, цогцоор хийж чадахгүй байгаа ч, бидний оролдлогын төвшинд хүр дүн гарч байгаа гэдгийг хэлье.

-Дээд эрүүл мэнд гэж юуг хэлээд байна вэ?
-1.Бие нь эрүүл, гоо сайхан
2.Оун ухаан саруул тунгалаг, цэцэн мэргэн
3.Сэтгэл ариун, өршөөнгүй, уужуу
4.Амин орон тунгалаг, гэрлтэнгүй
5.Дотоод хийн эргэлт нь тэгш, амар амгалан
6.Сүнсний ухамсар төгс төгөлдөр, гэгээрэнгүй бурханлаг гэсэн ийм зургаан чанараар товч томьёолж болох юм. Энэ нь зөвхөн хавдар эмчилгээн дээр бус бүх өвчнөөс урьдчилан сэргийлэх, өвчнийг эмчлэхэд зайлшгүй зарчим болгох зүйлүүдийг дорно дахины гүн ухаан, арга билгийн үүднээс гаргаж ирж байгаа цоо шинэ үзэл баримтлал юм.
Д.Догсмаа

http://www.dayarmongol.com/index.php?option=com_content&view=article&id=4042&catid=96&Itemid=136 web blogoos oruulav

Сайн үйлс дэлгэрэх болтугай.

Divine Fruit Salad with Little Mongolian Angels (In Mongolian)

2010-06-03T02:33:00.000-07:00

Сайн үйлс дэлгэрэх болтугай.

Оюун түлхүүр нэрт шастир

2010-05-26T07:00:00.000-07:00

Сайн үйлс дэлгэрэх болтугай.

Эхийн зөвлөгөө .ҮЛГЭР(Ching Hai)

2010-05-26T06:16:00.000-07:00

Сүй тавьж нөхөрт гарсан охин нь хол явах болжээ. Түүнийг нөхрийнхөө гэр лүү явахынх нь өмнө эх нь түүнд нэгэн сайн зөвлөгөө өгөв. Эх нь уйлаагүй бөгөөд охиноо ч уйлахыг зөвшөөрсөнгүй. Үүний оронд ээж нь хэлсэн нь: ”Чи намайг сонсох ёстой! Энэ бол хамгийн аз жаргалтай өдөр, чамд Аръяабалын аргаар бясалгадаг мөрийтэй тоглодоггүй, алиа салбадай шиг бусад эмэгтэйчүүдийг эргүүлдэггүй, уудаггүй, мэхэлдэггүй, харин үнэнч шударга, буянтай өглөгч, дөлгөөн, ёс суртахуунтай, ариун явдалт, гаднаа ч дотроо ч царайлаг ийм сайн нөхөр өгч Бурхан чамайг адисласан байна.” Дотор тал нь гаднахаасаа илүү сайхан юм.

Дотор тал нь цагаан, харин түүний гадна тал нь бараан. Охин инээмсэглэн эх рүүгээ хайр халамж дүүрэн харж анхааралтай сонсов. Эх хэлсэн нь: ”Одоо чи шинэ гэрлүүгээ явна. Хадмынхаа хамаатан саднуудтай өөрийн юм шиг харьцаж бай! Чи намайг болон эцгийгээ хүндэтгэдэг шигээ хадам эцэг эхээ хүндэтгэж бай! Нөхрийгөө өөрийн ганц Бурхан, багш, найз, хамгаалагч мэт үзэж газар дэлхий дээрх хамгийн хайртай хүндэтгэдэг хүнээ гэж хандаж бай! Тэгвэл хожим нь чи хүүхдүүддээ үлгэр жишээ болон гэрэлтэх болно, мөн чи шинэ гэр бүлдээ нэр алдар, аз жаргал, бахархлыг авч ирэх болно. Үүнийг нөхрийнхөө төлөө, миний төлөө, эцгийнхээ төлөө, энэ гэр бүлийн ах дүүсийнхээ төлөө энэ үүргийг чи гүйцэтгээрэй. Мөн түүнчлэн ийм замаар чи бид бүгдийг, өөрийгөө, бүхнээс илүү нөхрийгөө алдаршуулах болно. Өөрийн гэр бүлдээ, нөхрийнхөө өмч хөрөнгө мөн бизнест анхаарлаа хандуулж, энэ нь нөхрийн чинь бизнесийг цэцэглүүлж, өндөрлөгт хүргэвэл гэр бүлийн чинь элбэг дэлбэг байх амьдралын баталгаа болж чиний хүүхдүүд ч аятай тухтай амьдрах болно. Өнөөдөр ингэж гуниглах бол юу ч биш, одоо зөвхөн ирээдүйгээ харах шинэ сорилт чамайг хүлээж байна. Энэ ертөнцөд нөхрөөрөө хайрлуулах нь хамгийн сайхан. Чи сайн эхнэр байхыг чармайх хэрэгтэй, тэгвэл чи амьдралдаа тэр бүх амжилтыг олж аз жаргалтай байх болно.” Охин хэлсэн нь: ”Гэвч таны хэлсэн энэ сайхан үүрэг, сүр жавхлантай хариуцлагыг биелүүлэхийн тулд би юу хийх хэрэгтэй юм бэ?”

Эх хэлсэн нь:” Чи сайн идэж, сайхан хувцаслаж, мөн өдөр бүр сайн унтах хэрэгтэй.” Охин: ”Тэгье ээж ээ, би ойлголоо.” Ингээд хадмынхаа гэрт очоод тэр яг л ээжийнхээ захиснаар тийм байлаа. Өдөр бүр сайн унтаж, сайн идэж, сайхан хувцаслаж байв. Хадмын гэр бүлийн бүх гишүүд нь түүнтэй хамт баяр хөөртэй байдаг болжээ. Тэр илүү үзэсгэлэнтэй, даруу, ухаалаг, ажилсаг болж, нөхөр хүүхдүүд болон хадмын гэр бүлийн төлөө улам их мэрийсээр байв. Бусад хүмүүс ирж түүний нууцыг асуудаг байв. “Чи үүнийг яаж хийдэг байна вэ? Чи тийм хол газраас ирчихээд энэ нутгийн ёс заншлыг юу ч мэдэхгүй байж яаж ингэж сайн хийдэг байна вэ? Эдгээрийг чи яаж амжуулдаг вэ?” гэж асуудаг байлаа.

Жирийн бэр байсан тэр одоо гурван хүүхдийн бахдмаар эх болсон, мөн гэр бүлийн хамгийн чухал хүн нь, нөхрийнхөө компаний даргын нарийн бичиг, эмэгтэй босс нь, бүх л өрх гэрийнхээ гэрийн ажилтан нь,/Бүгд инээлдэв/хадам эцэг эх болон ахмадууддаа асрагч нь, хадам дүү нартаа толгойлогч нь гэх мэт үүрэг хариуцлагатай, эрүүл сайхан, ухаалаг, гурван хүүхдийн хайрт ээж тэрээр маш дарууханаар хариулсан нь: ”Эхийн маань хайрын зөвлөлгөөгөөр би энэ бүхэнд хүрсэн юм.” Мэдээж хүн бүр: ”Надад хэлээч, надад хэлээч, гуйя, надад тэр зөвлөгөөгөө өгөөч!” гэв. “Миний эх намайг шинэ бэр болоод наашаагаа гарахын өмнө гуниглаж байхад минь хадмынхаа гэрт очоод бөх унтаж, маш сайн идэж, сайхан хувцаслаж байгаарай!” гэсэн юм. Хүн бүр л хэлсэн нь: ”Юу? Ямар зөвлөгөө гэхээрээ ийм байдаг байна аа? Тэгээд чи яг тэгж хийгээд танай гэр бүл ийм болсон юм уу?” Тэр хэлсэн нь: ”Тийм ээ би яг тэгж хийсэн, өдөр бүр сайн иддэг, бөх нойрсдог, сайхан хувцасладаг. Миний хийсэн юм гэвэл энэ л байна.” Тэд хэлсэн нь: ”Яаж? Ямар утгатай юм бэ? Энэ тоглоом биз дээ, чиний хүчээр танай гэр бүл болон бүх юм чинь бүгд сайн байгаа биз дээ? Бидэнд тайлбарлаж хэлж өгөөч гуйя, чи тоглож байгаа биз дээ?”
Тэр хэлсэн нь: ”Үгүй, үгүй. Миний эх сайн идэх хэрэгтэй гэсэн нь би бүх л гэр бүлийн төлөө анхаарал халамжаа тавих ёстой, зочдоо оруулан бүгдийг цадтал мөн сэтгэл хангалуун болтол хооллох хэрэгтэй гэсэн үг. Тэгээд би хоолны үлдэгдлийг өөрөө иддэг юм. Яагаад гэхээр хүн бүхэн сэтгэл хангалуун болчихоор хэн ч надад юугаар ч саад болдоггүй. Би өлсөхөөрөө эргэн тойрон эргэлдэж ямар ч байх нь хамаагүй үлдэгдлийг идэхэд маш амттай дур булаам, тэжээллэг мөн маш их адислалын хүчтэй болдог.

Би юм идэхийнхээ өмнө Сума Чин Хайд залбирахад тэр миний хоолыг адисладаг./Багш инээв/ Иймээс би юу л иднэ тэр зөгийн бал болчихдог. Миний бие хүчтэй, ходоод маань дүүрэн, зүрх сэтгэл минь ханамжтай байж би амттай хоолонд баясаж, сайн хооллосны дараа өөрийн гэр бүлдээ хамгийн сайнаараа үйлчилж өөрийгөө тэдэндээ бүрэн зориулдаг. Мөн хүн бүр цадаж сэтгэл ханасны дараа тэд бас намайг хайрладаг, түүнчлэн би тэднийг маш сайн халамжилдаг учраас тэдний хайрын мэдрэмж намайг адисладаг. Тэднийг аз жаргал дүүрэн байхад нь миний зүтгэл зохих хэмжээгээр байдаг ба тэдний бүх сайн ерөөл, сэтгэл хагалуун мэдрэмж намайг адисладаг. Сайн иддэгийн маань нууц энэ дээ.” Тэгэхэд тэд хэлсэн нь: ”Чи шөнө бүр гүн нойрсдог гэсэн чинь ямар утгатай вэ? Унтахдаа чи айж түгшдэггүй гэж үү?”

Тэр хэлсэн нь: ”Үгүй. Миний эх сайн унт гэж хэлсэний утга нь хүн бүр унтсаны дараа би бүх л хаалга үүдийг цоожилж, гэрлүүдийг унтрааж, бүх юм байрандаа байгаад мөн түүнчлэн хулгайч манайд орж ирэхээргүй аюулгүй болсонд өөртөө итгэлтэй болж хүн бүр гүн нойрсож, биеийн байдал нь сайн байгаа эсэхийг мэдэж гэр бүлийнхээ бүх гишүүдэд анхаарал тавь гэсэн үг. Тэгсэн цагт би сэтгэл түгшихгүй болно. Тэгээд би бүгд өөрсдийн дулаан хөнжилдөө тааламжтай унтаж, мөн тэд бүх л шөнийн турш ямар нэг юм гуйхаар юм уу, эсвэл өвдөх шалтгаан гарч хэзээ ч босож намайг үймүүлэхгүй гэдгийг шалгаж мэдсэн учраас миний сэтгэл амарч алжаалаа тайлахаар хэвтдэг. Тэгж байж би сэтгэлийн түгшүүргүй болдог. Би өөр хийх юм юу ч үгүй учраас нойрондоо гүн автдаг. /Бүгд инээлдэв/ Ээжийн маань үгийн утга энэ дээ” гэжээ. Тиймээс бүх хүмүүс ээжийнх нь мэргэн ухаан болон түүнээс илүү охиных нь билэг ухаанд үнэхээр гайхан, энэ яриа тэдний сэтгэлд хоногшсон байна. Мэдээж охин нь ээжийгээ дууриалгүй яахав. “Одоо нэг юм үлдлээ гуйя, одоо сүүлчийнх нь. Өө., чи яаж сайхан хувцасладаг юм бэ?”
Ингээд тэр хэлсэн нь: ”Тийм ээ. Сайхан хувцаслах гэдэг нь чи үргэлж зохих ёсоор зөв цэвэр хувцасла гэсэн үг, чи өглөө босохдоо ч, унтахын өмнө унтлагын хувцсаа өмсөхдөө ч тэр баяр баясгалантай байж инээмсэглэн хувцасла. Чи хайрын нинжин сэтгэл дүүрэн байж хувцсаа өмсөхөд Бурхан хүртэл сэтгэл зүрхийг чинь шагнана, мөн хүмүүс чамайг харахад тэд тэнгэрийн дагиныг харах болно, тэд чиний нүүрэн дээрх хайрыг харна, тэд чиний нүднээс хайр хишиг гэрэлтэн байгааг харах болно, тэд чиний буянтай сайхан инээмсэглэлээс чинь Бурханыг харах болно. Миний эхийн сайхан хувцасла гэсэн нь энэ дээ.” Би өдөр бүр сайхан хувцасладгийн учир нь энэ. Өдөр бүр эрүүл байхын тулд сайн хооллодгын учир энэ, шөнө бүр сайхан зүүд зүүдлэн унтдагын учир энэ. Хэрэв бүх юмыг ингэж хийвэл чиний гэр бүлийн гишүүд, чиний хадмууд түүнчлэн чи өөрөө ч сайхан байх болно гэхэд хүн бүр талархан алга ташиж, инээмсэглэн өөрсдийгөө сайхан хувцасласаар гэрлүүгээ харьжээ
Сайн үйлс дэлгэрэх болтугай. oos oruulav

Aulacese (Vietnamese) Film: Awakened (In Aulacese)

2010-05-25T06:59:00.001-07:00

SupremeMasterTV.com

Сайн үйлс дэлгэрэх болтугай.

Буддагийн мэндэлсэн өдөр

2010-05-21T03:45:00.000-07:00

Монголоос гадна Азийн олон оронд Буддагийн мэндэлсэн өдрийг ард нийтийн баяр наадмын хүрээнд тэмдэглэн өнгөрөөдөг билээ. Ялангуяа Шриланк, Мьянмар, Тайланд зэрэг өмнөд азийн орнуудад Буддагийн мэндэлсэн өдрийг Бэсак /Vesak/ хэмээдэг. Бэсак нь билгийн тооллын 4-р сарын 15 хэмээн үздэг болно.

Тайланд:
Нийт хүн амны 97% нь Буддын шашинтан энэ улс нь 4-р сарын 15 ны өдрийг Вэсак хэмээн нэрлэдэг. Энэ өдөр улсын баяр наадмын хэмжээнд 35 өдрийн турш улсын далбаа болон Буддын шашны далбааг өндөрт мандуулж хийд тус бүртээ номын айлдварыг айлдаж тэдгээрийг зурагт болон радиогаар шууд нэвтрүүлдэг. Вэсакад оролцож байгаа сүсэгтэн нар нь дэнлүү болон лаа тэргүүтнийг асааж алтан цаасыг Бурханы хөрөг лагшинд түрхэн нааж хүслээ шивнэдэг уламжлалтай. Ялангуяа Тайланд хүмүүс Буддагийн мэндэлсэн өдөр хамгийн ариун нандин зүйлийг хувраг нарт өргөл болгон өргөдөг уламжлалаар хоол хүнс, цэцэг, ариун цэврийн цаас зэрэг өдөр тутмын хэрэглээг ч өргөдөг уламжлал тогтсон байна. ,

Мьянмар

Хүн амны 85% буддын шашинтан бөгөөд Буддагийн мэндэлсэн өдрийг “Гасуншүүнэтүн” хэмээдэг бөгөөд тэр үгийн утга нь “тугалаг усыг бодь модонд шүршэн өргөх” гэсэн утгатай юм. Сүсэгтэн нар нь буян хураахын тухайтад мөнгөн саваар ус хутган бяцхан буддад угаал өргөх ба суврага шүтээний өмнө зул өргөн хүслээ шивнэдэг уламжлалтай. Угаал өргөсний дараа Мьянмар улсын ард нийтээр их хаалгыг нээн зам гарч хүмүүст цай, жимс, тамхи зэргийг өргөл өргөдөг.

Тайланд:
Нийт хүн амны 97% нь Буддын шашинтан энэ улс нь 4-р сарын 15 ны өдрийг Вэсак хэмээн нэрлэдэг. Энэ өдөр улсын баяр наадмын хэмжээнд 35 өдрийн турш улсын далбаа болон Буддын шашны далбааг өндөрт мандуулж хийд тус бүртээ номын айлдварыг айлдаж тэдгээрийг зурагт болон радиогаар шууд нэвтрүүлдэг. Вэсакад оролцож байгаа сүсэгтэн нар нь дэнлүү болон лаа тэргүүтнийг асааж алтан цаасыг Бурханы хөрөг лагшинд түрхэн нааж хүслээ шивнэдэг уламжлалтай. Ялангуяа Тайланд хүмүүс Буддагийн мэндэлсэн өдөр хамгийн ариун нандин зүйлийг хувраг нарт өргөл болгон өргөдөг уламжлалаар хоол хүнс, цэцэг, ариун цэврийн цаас зэрэг өдөр тутмын хэрэглээг ч өргөдөг уламжлал тогтсон байна.

Шриланк:
Нийт ард иргэдийн 80% хувиас дээш Буддын шашинтан энэ улс нь Вэсак –г 4-р сарын 15 болон дараах 16-ны өдрүүдийг амралтын өдөр болгож Буддагийн мэндэлсэн болон гэгээрсэн, нирваан дүр үзүүлсэн өдрүүдийг хамтадган маш том наадам зохиодог юм. Бүхий сүсэгтэн нар цагаан хувцас өмсөж өдрийн турш сүм хийдэд өнгөрөөдөг бөгөөд цагаан хувцас нь цэвэр ариун хиргүй тунгалагийг бэлэгдэнэ. Сүсэгтэн нар нь тосон зул дэнлүү, цэцэг, хүж тэргүүтнийг сүмд өргөл өргөх ба хувраг нарын хэрэгцээтэй орхимж, саван алчуур зэрэг амьдралын хэрэгцээт зүйлсийг бас өргөл болгон өргөдөг уламжлалтай. Хувраг нар нь бүхэл өдрийн турш хийддээ уншлага уншиж, сургаал айлдвар айлдаж сүсэгтэн нар нь бясалгал хийх судар унших зэргээр өнгөрүүлдэг. Мөн тус өдөр “Будда Шагжамүнигийн шүд” –ийг олон нийтэд ил гаргаж 108 зааны гайхамшигт үзүүлбэр тоглолт жагсаал зэрэг үзүүлбэрүүд болдог байна.

Энэтхэг:
Ладак болон Энэтхэгийн хойт уулархаг нутаг нь Хиндү шашин хүч нөлөөтэй болсон хэдий ч одоо хүртэл буддын шашны хуучин уламжлал зан үйл үлдэн хоцорсон байдаг нь Буддагийн мэндэлсэн өдрийн дурсгал юм. Энэтхэгт Буддагийн мэндэлсэн өдрийг билгийн тооллын 4-р сарын 15 нд тохионо. Тэрхүү өдрийг Будда жаяанти / buddha jayanti/ хэмээн улсын баяр ёслол болгон нийт ард олноороо тэмдэглэдэг. Энэ өдөр Буддагийн анхны сургаалиа айлдсан Саранат-г төв болгон Бумбэй, Санчи зэрэг газруудад тэмдэглэлт наадам зохиогдож Баранаст дурсгалын жагсаал нээгддэг болно. Энэ өдрийн орой Саранатын сувраганы өмнө хувраг болон сүсэгтэн нар зул дэнлүү өргөн шөнө орой болтол суврагыг гороолон мөргөл залбирал үйлддэг.

Солонгос:
Солонгост Буддагийн мэндэлсэн өдрийг зуны эхэн сарын 08 буюу 4-р сарын 08 хэмээн үздэг бөгөөд энэ өдөр сүсэгтэн олон өөрсдийн гэр бүлийн амар амгалангийн төлөө залбирч гэрэлт дэнлүү бэлддэг байна. Гэрэлт дэнлүүний утга учир нь мунхгийн харанхуйд орших амьтадад гэрэл гэгээ түгээх болон мөн өөрсдийн ирээдүйн хүсэл мөрөөдлийг бэлэгддэг. Жишээлбэл хүүхдүүд ирээдүйд онгоцны нисгэгч болохыг мөрөөддөг бол онгоцны дүрстэй дэнлүү, усан онгоц жолоодохыг хүсэж байгаа бол усан онгоцны дүрстэй дэнлүү хийх тул тэндээс урлагийн маш содон зүйлсүүд болон сүсэгтэн олны баяр цэнгэлийн олж харж болдог юм. Тэрхүү жагсаалыг харсан сүсэгтэн олонд сүм хийдүүд болон буддын шашны байгуулагууд хувь хүмүүс нь өөрсдийн бүтээж урласан дэнлүүгээр уралдаж буй мэт сэтгэлдэл төрдөг. Энэхүү наадмыг “ёндүн чүгжэ” буюу бадамляанхуан гэрэлт наадам хэмээн нэрлэдэг.

Япон:
Нийт ард иргэдийн 80 гаруй хувь нь буддын шашинтан бөгөөд дорно дахины орнуудын дотроос цорын ганц нарны тоололоор 4-р сарын 8 ны өдөр “Хана масури” буюу цэцгийн наадам хэмээн буддагийн мэндэлсэн өдрийг ёслон тэмдэглэдэг. Сүм хийд тус бүр гол дуганы өмнө дэлбээгээ нээж буй төрөл бүрийн цэцгийн гэр бэлдэн бяцхан буддагийн дүр хөргийг залж уншлага зэргийг үйлдэн бяцхан буддап угаад өргөдөг уламжлалтай.

Тайван:
Уншлага унших зэргээр буддагийн мэндэлсэн өдрийг нам тайван өнгөрөөнө. Урсгал чиглэлээсээ хамааран аргын тоололын 4-р сарын 08 ба мөн билгийн тоололын 4-р сарын 08 нд тус бүр тэмдэглэн өнгөрөөдөг байна. Нийт иргэдийн 70% нь буддын шашинтан орон бөгөөд тэр өдөр дэнлүү асааж, цэцэг, жимс, жигнэмэг цай тэргүүтнийг өргөл өргөх мөн амьтаны амь хэтрүүлэн суллаж тавих, өндөр настны асрамж, эмнэлэг, ядуус, хүүхдийн цэцэрлэгээр очиж хоол хүнс өргөдөг байна. Мөн хувраг сүсэгтэн нарын төлөөлөл буддад угаал өргөх ёслолыг үйлддэг байна.

Непал:
Непал нь 4-р сарын 15 ны өдрийг Буддагийн мэндэлсэн өдрийг тэмдэглэдэг. Тэр өдөр нийслэл Катмандүд 1500 жилийн түүхтэй хийдийн өмнө өглөөнөөс эхлэн их хурлыг эхэлдэг. Уг ёслолд хаан болон хатан төрийн өндөрлөгүүд оролцон хөгжим бүжиг тэргүүтнээр Буддагийн чандарыг нийтийн өмнө залах ёслол болох ба оройдоо нь гэрэлт наадам зохиогддог байна.

Гонконг:
Билгийн тооллын 4-р сарын 08 нд Буддагийн мэндэлсэн өдрийг тэмдэглэдэг. Сүм хийдийн харъяа сургуулиуд олон тоогоор байдаг учраас сурагчид болон бяцхан хувраг нараар голлосон сүм хийдийн наадам болдог ба мөн сүсэгтэн нарын мөргөл наминчилгаа нь үйр цайтал үргэлжлэдэг байна. Сүм хийдүүд нь тус тусдаа чөлөөтэй байдлаар хурал ном хурж энэ өдрийг өнгөрөөнө. Мөн маш олон сүсэгтэн нар Лан-та-ү арал дээрх дэлхийн хамгийн том Буддагийн суугаа сэрэг дүрд очиж мөргөл үйлддэг байна. Энэхүү буддагийн дүр нь 202 тонн ба өндөр нь 26 митр юм.

Сайн үйлс дэлгэрэх болтугай.

Үнэхээрийн цэцэглэл бадрал

2010-05-21T03:35:00.000-07:00

Нэгэн баян хүн зэнгийн багшаас:
-Миний гэр бүлийн цэцэглэл бадрал үеэс үед үргэлжлэн дэлгэрч байхыг бэлэгдсэн үг бичиж өгөөч гэж хүсжээ. Зэнгийн багш том цаас аваад: “Эцэг үхэв, хүү үхэв, ач үхэв” хэмээн биччихэж. Баян уурлан бачимдан:

-Би чамаас миний гэр бүлийн аз жаргалыг бэлгэдсэн ерөөлт үг бичиж өгөхийг гуйсан байхад ингэж хоржоонтойгоор тоглоом хийх чинь ямар учир шалтгаан байна? Гэж хашгирахад, зэнгийн багш:
Би ерөөсөө тоглоом хийх гээгүй байна. Хэрэв чиний хүү чамаас түрүүлээд үхчихвэл, чиний хувьд хамгийн золгүй явдал болно биз дээ? Хэрэв чиний ач хүү хүүгээс чинь түрүүлээд үхэх юм бол, та хоёрын сэтгэл зүрх эмтэрч урагдах нь гарцаагүй. Хэрвээ чиний гэр бүл, үр удам үеийн үед миний энд бичсэн шиг дарааллаар үхэл нүүрлэж байвал, тэр нь амьдралын зөв зүй тогтол болно. Үнэхээр цэцэглэн бадрал гэж би үүнийг л нэрлэх байна даа хэмээн тайлбарлажээ.

Сайн үйлс дэлгэрэх болтугай.

web huudasnaas oruulav

Mantra

2010-05-09T07:29:00.000-07:00

Сайн үйлс дэлгэрэх болтугай.

Усны тухай баримтат кино. | Монгол хэлээр

2010-05-06T04:20:00.001-07:00

Сайн үйлс дэлгэрэх болтугай.