Нүүр
Гайхалтай
Кино
Концерт
фото
Яруу найраг
Намтар
Эсээ
Лекц
ҮЛГЭР
Цагаан хоолны жор
Их Багшийн сургаалиас
Бясалгал
ном
зөвлөгөө 
Дуу,ая,аяз
Мацаг барихуйн учир 
Авшигтан Гүррагчаагийн Лхагваа.
Сайн цагийн Мянган Бурханыг хүлээж цөхсөн
Муу цагийн хичнээн ч хүн золгүй дуусав
Сар нар салхин доор гундаж
Шатаж уугисан хүслэн дор бөхөв .
Гунигт түүх зуун зуунаар зузаарч
Гутралгүйхэн Диваажинг мөрөөдсөн Сүнс та минуу
Гурван цагийн хүрдний хүрэл дугуй өнхрүүлж
Гуутай бурханаа л гэсэн өгөөмөр Сүнс та минуу.
Оршин байхын заяагаар сайн цагийг үзэж
Онгодын цагаан хүлэг саранд янцгааж дүүлэв
Орчлонгийн хүлээс алдуурч заяа төөрөг тэгширч
Орвонгоороо олон ч юм сайн зүг эргэв.
Сүлдэнд тахьсан хангал шиг эрх дураараа
Сүрлэг агуу,дэгжин дэврүүн сүнсийг минь
Гурвын гурван Есөн Тэнгэр ивээж
Гурван Цагийн Их Бурхан адислав
Төгсийн төгс,Дээдийн дээд Их Эзэн
Төгөлдөр бүхний Эх-цорын ганц Майдар Бурхан
Дээдлэгч бүхний тоогоор орших аугаа хүч Чин Хай Багш
Дэлхийд буусан Алтан эриний хүмүүсээ бид
Аз заяа гэж өөр юуг хэлэх
Амьдын жаргал гэж өөр юуг нэрлэх
Зураг төөргийг маань яаж зурхаараа хүмүүс минь
Чухам ийм ер бусын авралд багтах нь энэ вэ
Сунтагтай утаатай шар Судар минь тус боллоо
Сунаж мөргөсөн муу ижий минь ач боллоо
Үхэж хатаж үйлийг үүрч барж тэмцсэн
Үе үеийн сүнс минь авралд хүргэж өглөө
Бум буман эзэгтэйн сүүн цацал бууж ирлээ
Бурхан дагуулж аврал одуулж явж ирлээ
Буурал эмээг минь элээж шингэсэн мэгзэм
Буяны хүрдийг дэлхийд залж ирлээ
Сайн цагийн сая сая Сахиусан тэнгэрийг хөлд оруулж
Шагжамунь Будда мянган мянгыг газарт гишгүүлж
Цаглашгүй авралт төгс ачлалт Чин Хай Багш минь
Цагийг эзлэн бууж ирлээ.
Баясан булгилж хөгжин буцлагч Сүнс та минуу
Бадран дэгжиж энэрэн нигүүлсэгч дотоод эзэн минуу
Дуусашгүй юм шиг зовсоны чинь төлөө хүлцэл өчье
Барагдахгүй юм шиг жаргахын чинь төлөө баяр хүргэе
Мөнхийн жаргалаар цэнгэгч болж эгээрэн
Мөрөөдлийн чанад гэртээ эгэж очихын цагт
Муу аав минь инээдээс бусдыг мартчихсан тосч авна
Мунхаг үлдсэн хүү нь гэрэл хөлөглөн цацарч очно,
Knowing (2009 Монгол хэлээр)
кино
|
Чингэс хаан
Ц агаан хоол, цагаан сэтгэл,цагаан үйл
Цагаан яриа биднийг ч дэлхийг ч аварна.
Монголчууд цангис идвэл гэгээрнэ Мах идвэл маанаг мангас болно
Гэгээрлээс гэгээрэлд шилж
Монголчуудаа Хилэнцэт бус ариун хоол ундаагаа зооглож ,мунхагаасаа сэглэж,
цөлжүүлсэн эх байгалиа эдгэрүүлж,
Дэлхийг даяар нь манлайлан дагуулж аврагтун
Миний энэ зарлигийг түмэн олонд сонордуулагтун
Биелүүлэгтүн
.JPG)
Төгс Гэгээрсэн Их Багш Чин Хай
Малайз. Каула Лампур. 1993 оны 6 сарын 4
Асуулт: Та шавь нарынхаа хүрсэн төвшинг үл хамааран бүгдийг нь тэгш хайрладаг уу? Шавь нар тань сайн бясалгахгүй байлаа ч гэсэн Та хайрлаж халамжилдаг уу?
Багш: Энэ чинь та авшиг хүртэхийг хүсэж буй ч хэдийнээ сайн бясалгахгүй гээд бэлдчихсэн гэсэн үг байна. Та надаас баталгаа хүсээд байна, тийм үү?
Та ийм хандлагатай ирээд хэрэггүй.
Хамгийн сайнаараа бясалгана хэмээн сэтгэлээрээ шийдэж, байнга ямар нэгэн юм горьдож төсөөлөх бус харин өргөж зориулна гэсэн хандлагатай та авшиг хүртэх хэрэгтэй, учир нь энэ бол таны төлөө бизнес.
Таны мэдэхийг хүссэн зүйл энэ мөн бол, мэдээж, би шавь нараа ялгаваргүй хайрладаг. Гэвч энэ бол миний ажил.
Харин таны ажил бол миний хайрыг авах бус харин өөрөөсөө хамгийн сайн сайхныг олж хүртэхийн төлөө чадлынхаа дээдээр хичээх явдал.
Би хичнээн хайрлалаа гээд та залхуу хойрго, дэс түвшин тань доогуур бол энэ танд юуных нь сайн байх вэ? Би таныг хайрласан ч бай үгүй ч бай олж авах тэр зүйл чинь л танд чухал.
Оюун санааны бясалгал дадлын түвшин
2009-04-25 00:50:47Төгс Гэгээрсэн Их Багш Чин Хай
Формоса. Шихү Төв. 1995 оны 7 сарын 13
Асуулт: Би тодорхой түвшний аялгуу сонсож мөн зохих түвшиний юмсыг харах шиг санагддаг, гэхдээ тэр нь нилээн хүчтэй гэрэл: тод гэрэл хардаг ч тэр нь Багшийн хэлсэнтэй адилгүй байдагт би заримдаа гайхдаг.
Багш: Ямар ч гэрэл байсан, зүгээр л хар. Тухайн агшинд, хангалттай гүн самадид ороогүй байж,
“Би ямар түвшинд байна.” энэ тэр гээд эргэлзээд байгаа тань миний гайхшралыг төрүүлж байна. Юунд ч битгий гайхшир, тухайн зүйл дээрээ л төвлөр, тэр чинь л танд үүрдийн ач тусыг авчирна.
Дэс түвшин танд туслахгүй: сэтгэлийнхээ хүсэл тэмүүлэлийг л өөрчил: ямар хэрэгтэй гэж түвшингээ мэдэх юм бэ? Үнэндээ, түвшин гэх юм байхгүй. Зөвхөн сэтгэлд үүнийг ойлгуулах гэж л “За, би ямар нэгэн юманд хүрнэ.” гэдэг юм.
Оюун санааны бясалгал дадлын хөгжил
2009-04-25 00:48:45Төгс Гэгээрсэн Их Багш Чин Хай
АНУ. Хавай. 1994 оны 9 сарын 4
Асуулт: Эрхэм Багш аа, хэзээ нэгэн цагт энэ дэлхийн асуудал бэрхшээлийг зохицуулж шийдэх гэлгүй бүгдээрээ гэртээ харих өдөр ирэх болов уу?
Багш: Ирэлгүй яахав, бид гэртээ харина.
Асуулт: Бүгдээрээ юу?
Багш: Бид бүгдээрээ! Хэн ч ард хоцрохгүй. Та нарын хувьд дараа гэх асуудал ирэхгүй.
(Инээв) Сайхан хүүхэн юм уу ямар нэгэн юманд хорогдоод явахыг нэг их хүсэхгүй л болчихгүй бол явж чадахгүй болох мөч та нарт тохиолдохгүй.
Манай дэлхийн хувьд энэ их ээдрээтэй цаг үе учраас Багшийн Хүч биднийг хангалттай зовсон гэж үзээд хэрэв бид л жаахан идэвхи чармайлт, чин сэтгэлтэй байвал Багш тэврэн авч өөр бусад юмыг үл тоохоор болсон. /Багш санаа алдав/. Үнэнийг хэлэхэд, та нар энэ дэлхий дээр бясалгаж чадахгүй. Үнэхээр чадахгүй, тэгэхээр бясалгаж чадаж байгаа аливаа мөч, мөн ямарваа үр дүн Багшийн хайр ивээлээс ирж буй юм. Би Багшийн Хүч гэж хэлж байгаа юм шүү. Энэ хүнийг хэлээгүй.
http://www.ariusahui.blog.banjig.net/ blog oos oruulalaa
лекц
|
2009 оны 7-р сарын 12-нд болсон Сеоүлийн Монгол наадмын үйл ажиллагааны үеэр номын ах эгч нар ном дэлгэрүүлж, цагаан хоол суртачиллах үеэр авсан зурагнууд.
Фото
|
Авшигтан Гүрpaгчаагийн Лхагваа.
Өглөөгүүр хээр хоносон сар,бас нар
Өө яасан их унтаа вэ.
Үйлийн үрийг сүлжин хөвөрдөж
Өчнөөн насыг яажшуухан туулаа вэ.
Туулж бараагүй шавар шалбааг
Туучуур шиг хичнээн хог хамаа вэ.
Шон дээр шомбойх бээцэн болжмор
Шорвог шүү амьдрал шорвог
Цагаас өмнө үхүүлчихээгүй юмсан
Сохор зоосны тусыг мартаж яахан чадах
Сайн цагаас намайгаа төөрүүлээгүй юмсан
Сайхан хоёр эрдэнийхээ ачийг яахан мартах.
Зургаан сарын бороо наранд гандах орчлонд
Зугаа наргианд автаж нэг нас дуусах
Зүйрлэшгүй вансэмбэрүү ч гундаж үгүйлэх хорвоод
Зүүдний саарал зэргэлээг гүйцэж яахан чадах.
Арван зүгийн Их Бурханы эзгүйд Замбуулин самуурч
Алтан загасны эмгэн дэлхийн дүрийг бүтээв
Чулуужсан өвөгдөө төнхөж ясыг нь өндөлзүүлж
Цөлмөгчөөс өрсөж дээдэс минь дээш морилж амирлав.
Гурван цагийн Их Бурханы эзгүйд толгой бүтэн эргэж
Гуйланч, тонуулч, яргач олз булаалдан тэмцэв
Алтаар яаж тордовч авсанд дуусаж,нүүрээ барж
Албин чөтгөрүүд амилж дэлхийг буртаглав.
Оройн дээд Их Бурханы эзгүй хойгуур
Олон зуун буруу салхилж орвонгоороо эргэв
Зовлонгоо даалгүй хөрстийн хэвлий цөмөрч
Зовиураа даамгүй далай хар салхинд хөөгдөв
Хөөсөрсөн тэнгис шиг хүсэл шунал нэрвэж
Хөглөрсөн энэ орчлонг засах арга мухардав.
Суу залийн ертөнцөд ов мэх уралдаж
Сунаж мөргөсөн муу ижий минь-ганц үнэн үлдэв
Хилэнцэт бор амьдрал эзэддээ хорлогдоход
Хувирч мэдэхгүй ганц хүн-эх минь үлдэв.
Оройг алгасаагүй судар тэвэрсэн гороотой
Өдөр өнжөөгүй цай дээжилсэн цацалтай
Бум буман Монгол эх зуун зуунаар гуйсым хойно
Бурхан нэг л өдөр Замбуулингийн хаалга татлаа.
Сиймхий умгар гэрт минь үүр хаяарч
Сэгсгэр муу эхэд минь Бурхан бараалхаж байна.
Хээр хоносон сар нартай үүрээр учирч
Хөрст даяараа гүн нойроос сэрж байна